بسم الله الرحمن الرحيم
اخواني
السلام عليكم ورحمة الله وبركاته
حصل لي موقف وقلت خلني أكتبه بالمنتدى لتعم الفائدة وبنفس الوقت الخبرة
مرة من المرات السيارة ما تشتغل سويت اشتراك واشتغلت على طول
ومشيت فيها وبعد كذا يوم نفس المشكلة فقلت لنفسي لازم افحص وايش المشكلة
المهم رحت لكهربائي وفحصها لي طبعاً عنده جهاز به سلكين شبكهما بأصابع البطارية
وكانت النتيجة المحزنة (( البطارية تعبانه )) وقال لي الكهربائي اذا بتروح عليها كثير
ممكن توقف عليك طبعاً اذا وقفتها بالموقف وطفيتها ورحت تقضي أو تزور أو ...
إذا جيت تشغلها ما راح تشتغل!!!
طبعاً رحت على طول للمحل اللي أخذت منه البطارية ونفى الكلام اللي قاله لي الكهربائي!!!
وبحرف واحد سيارتك الخربانه روح شوف الدينمو!!!
طبعاً السيارة وقفتها بالموقف عند المحل وهي شغاله وللأسف الشديد ولازال يُكذبُني!!!
على الرغم من انني قلت له اذا طفيت السيارة الآن وخليتها شوي ورجعت اشغلها ما تشتغل!!
ولا حول ولا قوة إلا بالله
لكن الحمدلله انه في واحد جا الى المحل وشاف المشكلة الي بيني وبينه واستغرب كثير
وقال للرجال اللي قدامي هو يقول لك انه فحصها وانت تقول له سيارتك خربانه ايش هذا الكلام!!!
المهم بعد كلام كثير حتى انني تعبت واخذ السيارة ورحت اصلي المغرب الا ويوم رجعت للسيارة ما تشتغل بالمرة!!!
سويت اشتراك ورحت للبيت ومن ثاني يوم من المشاكل رحت للمحل
اللي أخذت منه البطاريه والحمدلله انني حصلت واحد غيره
ربي لك الحمد ولك الشكر هذا من فضل صلاة الفجر والدعاء الكثير سبحانه وتعالى
المهم الرجال شاف البطارية وقلت له انني فحصتها
وقال لي بحرف واحد ما دامك فحصتها شيل بطارية جديدة وخلاص الله معك.
طبعاً البطارية ما طولت معاي وسألته ليش تخرب بهذه الطريقة
قال لي فيه بطارية تمشي معاك وفيه بطارية مثل اللي معك
يكون فيها خراب وطبعاً عوضني جزاه الله خيراً طبعاً بالفاتورة عطيته اياه.
هذه خلاصة لما حصل معاي وحذاري من أن اللي يقول سيارتك خربناه
وتروح تعفس أمورك وتخرب سيارتك ويضحكون عليك!!!
كيف تعرف إذا واجهتك مشكلة
في تشغيل السيارة وتسمع صوت وتعتعه؟؟؟
شغّل السيارة وأفصل البطارية إذا طفت السيارة
المشكلة مليون بالمية من الدينمو
وإذا ما طفت فالمشكلة من البطارية!!!
