والله يا اخوان الامريكي ما فيه غير راحته جربت الامريكي سنوات كله وجع راس ليش الناس تمدحه ما ادري اهي تضحك على نفسها خلك على التويوتا والهوندا والهونداي ابرك الف مره اتحد امريكي يمشي 150 الف كيو وما يتعطل حده 20 الى 50 الف حدى اقصى ام اليباني ما شاء الله عليه يبيض الوجه تكييف اعتمادية اقتصادي
ت
تاهو Z71@user_170864..:: TAHOE//YUKON GRP. MEMBER ::..·
20-07-2009
m
madubai5933
للأسف الأمريكي مايتحمل (بس شكل) و مكينة تصرف بترول ؟! فمابالك << ركز على هالكلمة
فمابالك يجي بعطل مصنعي ؟؟ هو اصلا كله بمصنعه اللي اشتروه الصينيين (عطل مصنعي) ,
عجبتني ابو اياد
هايلكس مصندق هههههه
والله نفس الكلام قلته لعمي كان يبي ياخذ فورتشنر(هايلكس مصندق) وقلتله شوفه من داخل زي الهايلكس وصحيح اقتنع بكلامي وطابت نفسه من الفورتشنر
النقطة ليست انتصار للنفس
ولكن من الممكن سؤال راعين الجمس عند هذه النقطة ألا وهي أرتفاع الحرارة للجمس عند الأنظار والمكيف شغال خاصة في الظهر
لأنه لو على جمس واحد كان قلت العيب فيه ولكن كم جمس جديد نفس المشكلة
اسمح لي اقولك مالك لوا بعز الصيف والمكيف شغال والسيارة واقفة والحمد لله مافيه شي من الي قلته
والله ما ادري ليه بعض الاخوان ينتقدون السيارة الامريكية رغم ان معظم سياراتنا امريكية وكذلك في باقي دوله الخليج
انا شخصيا املك سياره امريكية منذ 3 سنوات واستعمال امريكي واخذتها مستعملة ويعلم الله ان مشيت فيها اكثر من 100الف كيلو زيادة علىمشيها الاول ما شفت منها اي مشكله سوى تغيير فحمات "لاحظ السياره مشتريها مستعمله" والكثير من الاخوان لديه سياره امريكية خصوصا جي ام ما شالله عليها حتى اعطالها قليله ومعروفة ..
الموديلات الاخيره في كل الشركات اقل جوده سواء الامريكي او الياباني وهذا لاحظته من المواقع الامريكية مثلا الكامري الجديده كثييييييييير اللي يسبونها هناك ونادمين انهم اشتروها ليش مادري.. بس هذا بعض مما قرأت و الله على ما اقول شهيد..
اذن والله اعلم ان معظم شركات السيارات قلت فيها نسبة الجودة لاسباب اقتصادية او غيرها فلاحد ينتقد الامريكي وينسى مستوى جودة سيارته ويتذكر لي موديلات 2000 ويجي يقارنها ب2009 ولو كان لسيارات 2009 لسان وتقدر تتكلم لقالت : كلنا بالهوى سوى..
صدقني ان الخربات اللي تتكلمون عنها اما انها كلام فاضي و99% غير صحيح أو بسيارات قليله جداً ويتم اصلاحها على كثر ماهو منتشر اليوكن والتاهو ولا واحد شفته واقف وكل اللي اسألهم من اللي يملكونها لم يذكروا هذا الكلام يعني انتشار السيارات هذي اكثر بثلاث اضعاف من اقرب منافس وهو اللاند كروزر طبيعي يحصل اعطال بالمستعمل اكثر حسب النسبه مع ان الأستعمال الأمركي لو ادخلناه بالحسبه هو اصلاً مكدود بأمريكا لين هو قايلٍ بس وجاي للسعوديه يكمل باقي حياته بالسعوديه وأجوائها الجميله وماشي من احسن شي اما اليباني معروف انه يأتي اصفار وكاله ولو رحت للورش حصلتها غاصّه منه ,, هذا ليس تعصب وحنا جرّبنا النوعين وكل السيارات الحديثه دون استثنا ادخلت بها التقنيه بشكل كبير وبأسهاب وهذا هو من الأسباب الرئيسيه للأعطال ,,
النقطة ليست انتصار للنفس
ولكن من الممكن سؤال راعين الجمس عند هذه النقطة ألا وهي أرتفاع الحرارة للجمس عند الأنظار والمكيف شغال خاصة في الظهر
لأنه لو على جمس واحد كان قلت العيب فيه ولكن كم جمس جديد نفس المشكلة
والله الحمد لله ما فيه حراره أبد
لا بالوقوف ولا بالممشى
وبعدين إذا السيارة سرعة مراوحها ثلاث درجات
يعني الدرجة الثالثة تبرد ست مكاين مع بعض
وبعدين إذا كانت سيارتك جديدة وفبها حرااااره ودها للضمان وهم يصلحونها
والله سالفتك تضحك اجل توكم مطلعينه من الوكاله و الحراره طايره
من جد مبااااااااااااااااااااااااالغه قويه
و الاعلان طلع قديم بعد
النقطة ليست انتصار للنفس
ولكن من الممكن سؤال راعين الجمس عند هذه النقطة ألا وهي أرتفاع الحرارة للجمس عند الأنظار والمكيف شغال خاصة في الظهر
لأنه لو على جمس واحد كان قلت العيب فيه ولكن كم جمس جديد نفس المشكلة
أي أهتمام الله يرضى عليك أنت تضحك على نفسك والا تضحك علينا
خلينا من مسألة الضمان وعلة الكبد عشان يصلحون الشيء
أبيك هالحين تدق على صيانة فرع الرياض وقلهم بس أبغير الزيت شف متى يعطونك موعد
بعد شهرن هذا إذا مكان فيه زحمه
الواحد فينا إذا حب الشيء طيره فوق بالعلالي
هذا غير أن جودة الأمريكي الله بالخير وكلنا جربناها وإلا هالحين معنا من القديم إلى الجديد
الله يذكر أيام الأفالون بخير كانت معي 2001 نمت فيها بعز الحر أربع ساعات وأنا ملعلع المكيف وقمت والحرارة على ماهي عليه
وجمسنا تونا مطلعينه من الوكالة أنتظر أختي تطلع من المركز مالي ربع ساعة إلا والحرارة طايرة فوق
الله يخليلك موترك ويقلع الأمريكي من بكرة أبيه إن شاء الله من جرفة لدحديره على هالشركة
والله سالفتك تضحك اجل توكم مطلعينه من الوكاله و الحراره طايره
اخواني هذا هو نفس الاعلان القديم وعلى كل حال كل مصنع تصدر منه عيوب مصنعية
بس للمعلومية احب اعلق على شي مهم ... الشركة لما تعلن عن استدعاء هذا مايعني ان السيارات كلها فيها مشاكل!! كل مافي الامر انه الشركة تتعامل بشكل راقي ومن باب خدمة العميل والوقاية خير من العلاج يعني لو تكررت المشكلة او التبليغ للشركة عن مشكلة معينة يفتحون فيها تحقيق وتتبع حتى يوصلون لنتيجة وغالبا النتيجة تكون استدعاء بحيث لو كان عميل من العملاء عنده المشكلة هذي وهو مايدري وش السالفة بعد مايشوف الاعلان يعرف ان الشركة تقوله مشكلتك معروفة لدينا ولها حل وعلى الضمان وبكذا العميل مايكون قلقان ومايخسر نفسه وهو مايدري
وعلى كل حال ... المسألة نسبة وتناسب فقط لاغير يعني لان نسبة المبيعات لسيارات جي ام كثيرة فمن الطبيعي تشوف من الالف سيارة عشر سيارات فيهم مشاكل مصنعية بدرجات مختلفة
لكن لما تكون شركة اخرى مبيعاتها مائة سيارة وفيها عشر سيارات بعيوب مصنعية بدرجات مختلفة هنا النسبة تعتبر كبيرة
هذي هي نظرية النسبة والتناسب وسلامتكم
اعتذر اخوتي لم اكن اعلم ان الموضوع قديم ,, فقد وصلني عبر البريد
