Land Cruiser 1980 جديد ادخل و اتفرج

أنا ألووو @user_21606 · 21-08-2009

السلام عليكم

ما يحتاج نوضح اكثر هذا اللاندكروزر FJ40

مجدد و كأنه جديد

لاااااا و معرووض للبيع بـ 15 ألف دولار أمريكي

و اللي يبي يشتريه يروح للـ ebay يلقاه هناك متربع

تفضلوا الصور

هذا البدي و الشكل الخارجي

حتى انه انظف من سيارتي

و هذا الفرش الداخلي و الطبلون

و العضلات

و المحرك <<<< جديييد

في النهاية السؤال اللي يسدح روحه ؟؟؟؟

هل تدفع أكثر من 56 ألف ريال في هذا اللاند كروزر ؟؟؟؟؟

مع السلامة :xyxwave: و القاكم على خير في تقرير آخر

و كل عام وانتوا بخير.

O Y A S S E R O @user_176891 · 04-09-2009

ماشاء الله الموتر نظيف

بس أحس المبلغ مبالغ فيه شوي

عالم ثاني @user_174475 · 04-09-2009

يا حليلكم بس اجل تقولون غالي (يقولن قديمك نديمك لو الجديد اغناك)

انا شاري لي إمبالا 72 كسرة حديد ما فيها شي سليم بـ 9000 ريال ومجددها بأكثر من 24000 ريال يعني بالحسبه السيارة طالعه علي بحدود 33000 ريال

وقدام عيني مرسيدس SEL 560 موديل 1989ماشي حوالي 20 او 30 الف ماني متأكد ينسام بـ 120 الف ريال وراعيه رافض المبلغ (هو اصلا وقتها شاريه بنص هالمبلغ) وجمبه بنفس المعرض S500 موديل 2005 مطلوب فيه حد 135000 ولا جابها

سيارتي الامبالا موديل 1972

L Y O @user_80504 · 01-09-2009

ماشاء الله تبارك الله
السيارة تسوى المبلغ المطلوب بجداره
وممكن استيرادها للسعوديه
لأن شرط استيراد السيارات الكلاسيكيه ان يكون مضى عليها 30 سنه

شكراً عالصور
وتقبل مروري

أنـــــس @user_34305 · 01-09-2009

هذه السيارة لها عشاقها

هناك موديلات 83-84 ..وأسعارها الآن في المعارض من 35-40 ألف ريال

للنظيف منها

أشكرك على الموضوع

احترافي @user_98442 · 01-09-2009

لو الطااره يساار كان خذته :smilie16:

مشكور والله من جد حراام فيه اكثر 50.000

:xyxwave:

salehhd @user_17805 · 24-08-2009

السلام عليكم

ما شاء الله الموتر مثل الجديد والي قام بالتجديد شخص مخترف بالتاكيد

مشكور على الصور والي يعشق الكلاسك يدفع اكثر من هذا المبلغ

turkiq @user_18442 · 23-08-2009

السيارة راااائعة ... بغض النظر عن السعر الموديلات هذي اسألوني عنها
والله صعب تتكرر .. طبعا فيها من العيوب ما فيها من ازعاج وقساوة شديدة
لكنها (سيارة دفع رباعي) بكل ما تحمله الكلمة من معنى.

السيارة هذي ما تدخل السعودية بسبب ان المقود يمين اولا وبسبب ان موديلها اكثر من 5 سنوات واقل من 30 سنة حيث ان النظام يسمح بدخول السيارات باعمار 30 سنة واكثر ولكن تسجل في اوراقها كسيارة اثرية لا يحق لصاحبها استخدامها !! ما له داعي ذا القرار

السيارة اعتقد استرالية وعليه القيمة 15 الف دولار استرالي وليس امريكي
يعني تطلع بحوالي 46 الف ريال

تركي الشمري @user_176241 · 23-08-2009

لاوالله مايسوى اناماخذ جيب لاندكروزر 1984ماشي 74000ب 22000

masseiri13 @user_28784 · 23-08-2009

طيب بس للذكرى فقط
بعدين هذا الموديل ما يدخل السعودية

عاشق دايو @user_54073 · 23-08-2009

يا شباب أعتقد أن هذي سيارة تدخل سعودية على أنها سيارة الكلاسيكيه للعرض فقط

ما أعرف يمكن تدخل يمكن لاء لأن عندنا في إمارات يوم قرروا يقفون إيستيراد+شطب

سيارات التي تجاوزت العشرين من عمر

كان هناك

أستثناء للسيارات كلاسيك ولكن لم يطبق القرار منع أستيراد ( حمد الله)

بس رأي ما تستاهل أحد يدفع هذا السعر لو أدور في سوق أحصل مثلها لكن مب نظيفة

وطبعا أنا ماريدها أنظيفة لأني بلعب فيها (تخميس... تقطيع... طلعات بر فيها..) .

أنا ألووو @user_21606 صاحب الموضوع · 23-08-2009

شاكر لكم تفاعلكم

و شكر خاص للأخ M S H 3 L على مجهوداتك و على التقييم

و انت اللي تستاهل الخمس نجوم *****

أبـوخالد @user_176026 · 23-08-2009

هذا لو يشوفه واحد من اليمن

ان ياخذه لو بمية ألف! :bigggrin:

M S H 3 L @user_50244 · 23-08-2009

مشكور اخوي ( أنا ألووو ) على التقرير الجميل

بالفعل ماشاء الله أنظف من الجديد .. واللي مشتغل فيه فاهم الشغل
وانا عن نفسي احب السيارات القديمه والكلاسيكيه

حتى لو إني اوقفها في البيت بس اتحرك فيها كل شهر مره مافيه مشكله
الموتر له وناسه وانت تسوكه إذا كان ماقبل الثمانينيات

بارك الله فيك .. وتستاهل التقييم والـ 5 نجوم
تقبل تحياتي اخوك مشعل

:xyxthumbs:

atlantis @user_32402 · 22-08-2009

ما ينفع حق استخدام يومي هالموتر

لانك بتحتاج قطع غيار من قماشات ( سفايف ) و غيره من بدي السياره لو صار حادث او دعمه لا سمح الله بتحتاج تشتري قطع بدي

الا اذا بتخزنه بس بعد ما تظمن يمكن يخترب وهو واقف مع الايام

بس مبين على الموتر انه نظيف من قلب

لان الي اشتغل عليه اشتغل بذمه

ابو سعد 1 @user_163510 · 22-08-2009

هلا بك اخوي

بصراحه لو عندي فلوس ما ادفع فيه 65000 لو اقل بحدود 20000 ادفع فيه عادي

أنا ألووو @user_21606 صاحب الموضوع · 21-08-2009

شاكر لكم زيارتكم للموضوع

لكن انتوا تتكلمون جد ولا تمزحووون

من اللي بيستورد هذي

أنا حطيت الموضوع للإطلاع فقط

خالد890 @user_30501 · 21-08-2009

وبعدين ياخوك هذا مايدخل السعوديه اصلا الطاره على اليمين

u.s.a @user_175776 · 21-08-2009

اولا: النظام ما يسمح بااستيراد موديل اقل من 2004
اما بالنسبة لسؤالك انا حرام اني احط مثل ذاالمبلغ في سيارة موديلها 80 وان كانت على الزيرو