السلام عليكم ورحمة الله وبركاته
مبروك عليكم الشهر جميعاً ... الله يتقبل منكم صيامكم وقيامكم ويبلغكم الشهر اعواماً مديدة وانتم في أتم صحة وعافية ... آمين
يمكن فيه ناس منكم يذكرون موضوع لي زمان كان يتضمن عرضي للمشكلة وشكوكي حولها اول ماشريت السيارة ...
عموماً أنا من اول ماطلعت السيارة طبعاً تـــاهو LT 4*4 موديل 2009 كان عندي بعض الملاحــــظات الاولى كانت
الحرارة والملاحظة انها كانت فوق الـ 100 بشي بسيط على عكس باقي السيارات من هذه الفئة اللي الحرارة فيهن على الـ 100
بالضبط ...
والملاحظة الثانية واللي هي بالاصل موضوعنا : القير !!! لاحظت بعد ماطلعت السيارة بكم يوم اني لما اكون ماشي بسرعة فوق الـ 60
واترك البانزين وتبدا سرعات السيارة بالنزول من 4 الى 3 وهكذا تحصل عندي رجه ( زي التقطيعة ) بس مو بكل مره تحصل معي
الحركة ... يعني مرتين الى اربع مرات باليوم علما بأن مشاويري قليلة مــــره ... يعني السيارة معي من 5 شهور تقريباً وماشية الحين
بحدود 5300 كيلو فقط .
ماعلينا ، راجعت الوكيل اللي هو الجميح وما أدراك مالجميح قالوا لي السيارة سليمة لكن يا أخوان فيه نقطة مهمة وقاهرتني بنفس الوقت !!!
اذا طلعوا بالسيارة يجربونها ماتطلع لهم التقطيعة :emot78: وهي ماتطلع ( الرجه ) على كل حال .
جربوها موظفين الصيانة بفحص الـ 1500 كيلو ماطلعت معهم وانا ماكنت فاضي لهم وأجلت الموضوع لفحص الـ 5000 لانهم
أكدوا لي أن السيارة سليمة وتم فحصها بالكمبيوتر كما أكدوا لي أنه لو فيه أدنى عيب راح تظهر لمبة بالطبلون تشير لوجةد عطل بالسيارة !
جاء فحص الـ 5000 وأصريت اني ماطلع من عندهم الا يشوفون لي حل وأن ملاحظتي ماهي وسوسه ... جربوها أكثر من مره
وطلعت التقطيعة مع الميكانيكي مره وحده بس وشك أن فيه شي رجعنا للفرع وفحصوا برقم الشاصي وقال لي مسؤل الصيانة أن فيه قطعة بالقير لابد
من فك القير وفحصها :emot113:ولكن لابد من مراجعة مدير الصيانة المبّجل اللي هو في دبي الحين فلازم تنطق وتنتظر لما
يداوم بأول يوم من رمضان ... راجعتهم يوم السبت وطلع معاي واحد جرب السيارة وماطلعت معاه الرجه قال ماقدر احكمً ! قلت
له ماتطلع بكل مره رجعنا للفرع وفحص برقم الشاصي وقال أبد ماعندك مشكلة , المشكلة هذي على العموم <<< تصريفه طبعاً ...
قلت اتفضل قل رايك قال تخلي السيارة عندنا ثلاث ايام نطلع فيها كل نص ساعه نجرب لما نتأكد ...
من الطبيعي ماراح اخلي السيارة عندهم لانهم وانا معاهم طال عمرهم اللي يشغل المكيف والسيارة ماشية واللي ولا كأنه راكب سيــــارة
جديدة ماخذ راحته بقوووووه بالمطبات وتبديل القير !!!
المهم حسيت اني طولت بالحيل عليكم الله يعينكم ابي رايكم واللي يقدر يخدمني واعطيه رقم الشاصي ويتأكد من اي فرع له علاقة فيه اكون
من الشاكرين الداعين له بالتوفيق ان شاء الله .
