أبو منصور تحياتي لك ............ أنا ما قلت لك انك مطفي النور ......... وين رايح يالذيب
موتري أنا مع ان مافيه لا تراكشن ولا دفلوك كنت اقمز عليه السيوف قدام الشباب يوم ينشب الإف النشبة اللي بنشر فيها من قوة التنسيم في محاولات لإخراجة من المأزق وفي الأخير ينسحب ولا فاد فيه لا دفلوك ولا تراكشن ............ ياحبيبي مشكلة الإف جي ليست ظعف المحرك أو الإرتفاع وانما توزيع الدفع بين الكفرات وهو خطأ مصنعي بدليل إن الإف جي ممكن تسيف عليه من الجهة اليمين يمشي تمام والعكس لأ
لاحض الصورة التاليه للإف جي والدفع كله للجهة الأخف وزن اليمين فقط أما لما تسيف عليه من الجهة الأخرى يكون أقوى بكثير وأنا شفت قروب افجي في تطعيس خزام ما يطعسون إلا عكس اتجاه ماهو موجود في الصورة فقط عشان مايغرز
بينما لاحظ الإكستيرا هنا والتناسق في توزيع الدفع بين الكفرات الأربع
التوزيع هنا هوالفيصل وهذا فرق كبير في دقة التصميم الميكانيكي ، والدقة من توابعها الجودة
ويضهر في الصورة التالية من الجهة الأخرى وتناسق الدفع أيضا في الإكستيرا:xyxthumbs:
ولا حظ اني طلعت مع نفس المكان اللي هو طلع معاه
بدون تراكشن وقمزت من فوق القص اللي فوق
بدون تراكشن ورجعت وعدتها 3 مرات عشان تتأكد انت والشباب وكلهن
بدون تراكشن
لكن يوم انه ينشب على جرف صخري وتقول وين الدفلوك!!!!! فهذا اجحاف وانت تدري ان موتري استاندر يعني مافيه دفلوك فعلى أي أساس نزلت الصورة وانت تدري انه استاندر ليش مانزلت صورة الإف جي وقلت شوفو ياشباب حتى وان كان فيه تراكشن ودفلوك ممكن ماتفيدك في بعض الأحيان..... صح...... أكيد صح
ماااااااااااشي ماعلينا طيب ممكن تشرح لي ليش الإف جي فيه تراكشن ودفلوك وبرظو غرز 3 مرات وانت سحبتهم بنفسك مرتين
وين الدفلوك والتراكشن هنا ، أو عيا يشتغل !!!!! يوم انك تسحبه ، أو زر الدفلوك اختفى عن مكانه
تبي تقول لي الموتر غير مستوي ، طيب ليش حطو فيه الدفلوك مو على أساس إذا كان الموتر مثولث يطلع ، وياليت واحد من الشباب ينزل صور الإف جي يوم يسحبه أبو عزيز على الباث لأنه كان مغرز في مكان مستوي وتقنية التراكش والدفلوك فشلت في اخراج الموتر من مكانه
تحياتي للجميع ........ ولي عودة للبقيه ........ توي ما قضيت ......
هلا بأبوفهد
راح أتناقش معك بخصوص تحليلك مسألة الدفع في الأف جي كروزر
حقيقة أستغربت واحد يطلع منه هذا الكلام على الخبرة الي عندك (لا أقصد التقليل منك)
كيف تقول أن الاف جي فيه مشكلة بتوزيع الدفع ومصنعي؟
خلنا نرجع للصورة مرة ثانية
أنت تقول أن الدفع والقوة بالكفرات اليمنى؟
طيب من الصورة ما وضحت لك أن الأرض هيار!
لاحظ حركة الرمال على يسار السيارة تقول طاب في موية
الكفرات اليسرى ضغط وزن السيارة عليها يعني بالله عليك تبي تكون قوة الدفع نفس الي باليمين؟! الشباب بأنفسهم قالو أنهم شافو أحد الكفرات مرتفعه عن الارض وهم يقصدون الجهة اليمنى فمايبيلها كلام أكيد بيكون الدفع عليه أخف وتشوف كيف كب التراب مقارنة بالجهة اليسرى (الحمد الله أني ما أنقلبت ذاك اليوم ولا أنا حسيت بأن الموتر باقي أجزاء بسيطة من الميلان على الأنقلاب)
أن كنت تبي تكون قوة الدفع للسيارة متساوية اليمين واليسار مع بعض
فمعليش فسر لي ليش مخترعين الدفلوك والتراكشن كنترول؟!
أنت طلعت من الطلعة لأنك ناوي تصعد لفوق
بينما أنا كنت ذيك الساعة أبي أسايف ولشدة تهوري لم أراعي شدة الميلان الأرض ولم أعرف أن الأرض هيار وكان من الخطر المسايف فيها والحمد الله وبفضل منه طلعت منها سالم
وأخوي أبوفهد ليس تقليل من الأكستيرا لكنك لو سويت نفس ما سويت أنا (مسايف بهذي الطريقة وهذا الميلان) لرأيت نفس النتيجة تماما
وبخصوص تعليقاتك بموتر الولهان كان لي نفس التعليق الي قاله اخوي الولهان وترى التغاريز ما عاد شفناها يوم سلم الطارة للأخ (أف جي كروزر2008)
على فكرة بتجربتي أنا الشخصية للأف جي الأبيض الاستاندر موديل 2009 الي سويت له موضوع بتجربته كان ما لاحضت المشكلة بالنقطة الي ذكرتها والسبب أني جربته لأن كنت مجربة في حفيرة نساح مافيه أماكن هيار زي الي شفناها بعرق الحمراني
وتفضل هذي الصورة لأريك أن تحليلك خاطئ (ليس تقليل منك)
لاحظ الجهة اليمنى
وهذي صورة ثانية بعد
وتفضل هذي بعد
هذي الصور الأبداعية لزميلنا بروفشنل التصوير واحد بريء
ولي عودة مع بعض الردود
8850.00%نيسان اكستيرا 
