السلام عليكم
تكفون ابي النصيحة منكم يا اصحاب الخبرة
شريت كيا اوبيروس 2006 شريتها لانه بيها مواصفات عالية و قطع غيارها مقبولة المهم غيرت الفلاتر و الزيوت
السيارة كان فيها تفتفة و هي ماشية فجأة تحس انه السيارة ترج و تحس انه الماتور ماهو ثابت و لين توقف على الاشارة تحس انه السيارة فيها رجة مرات قوية و مرات ضعيفة و لاحظت ان عداد RPM بنزل تحت الواحد و كانه السيارة تبغى تطفي المهم غيرت البواجي و اسلاك البواجي و صفاية البنزبن و كويل واحد تعبان و تنظيف ثلاجة الماكينة
المهم بعد ما انهيت الحفلة هذه وديتها فحص كمبيوتر مرتين :
اول فحص شيك الكهرباء و اعطاني تقرير انه السيارة مافيها مشاكل (بخاخات و كويلات و قير و ماكينة) و لما فحص و شاف التفتفة و طلب مني اشيك طرمبة البنزين و كبس الماكينة.
اليوم وديتها فحص كمبيوتر : نفس التقرير مافي كودات قلت الحمد لله على النعمة شوي يطلع كود رقمة P0200 و هي مثل ما قال الفني له علاقة بكمبيوتر السيارة و حاول يعمل مسح للكود و ما قدر.
المهم كتبلي في التقرير : P0200 (IMM) E.C.M - BCM comni Line Data Errore.
بالله تفيدوني
و اسف على الاطالة و الازعاج.
انشاء الله المره الجاية انزل اسعار القطع اللي شريتها للافادة (علما باني من الرياض)
والله يعطيكم العافية
قوقل يقول:
P0200 Injector Circuit Malfunction
[SIZE=4]"مشكلة في الدائرة الكهربائية لحقن الوقود"
[/SIZE]الظاهر في مشكلة كهربا في البخاخات والله أعلم
