السلام عليكم ورحمه الله وبركاته
يا اخوان انا صراحه استغرب من سعر الماركيز 100 الف ريال فل كامل
100 الف احطها في موتر ما تغير من 12 سنه ؟؟؟
يا ليت الاخوان يشاركون في ارائهم
أنا أنصحك تاخذ ماكيز 2005 وبحدود سعر 49000تقريبآ توفير نص المبلغ أحسن لك لأن المواصفات والشكل من برا ومن داخل نفس الشي ونفس المحركاااااااااااتت ما فيه تغيير الأ في الشبك فقط ((( هذا أقتراحي))) حتى لو بغيت تبيعه ما يطيح من سعرة كثير أما لو تشتري 2009 جديد وبغيت تبيعه طاح من سعرة مبلغ كبير ,,,,,
اقول لك يالحبيب روح للصالات وبتحصل ماركيز وكراون فكتوريا على 85الف وفل كامل
ونظيييف نظييف بمعنى الكلمه والممشى قليل جداً جداً وطبعاً السعر من 77الف الى 88 الف يتراوحه بينها بس من جد بتلقا مواتر نظيف وبعضها بفتحه وسعر معقول احسن
من انك تدفع 100 الف
هذا شور لك ولغيرك وتقبل مروري
والله ان كان تبي النصيحه حرام عليها حتى 80 الف ورب الكعبه في سماه انا عندي جر اند ماركيز 2006 تحسفت قد شعر راسي اني شريته اول شي غلاء على الفاضي ثاني شي مافيه فخامه كله كله بلاستك على الطل ديكور بس وقت البيع اتبيعه بنصف سعره وسعر قطع غياره غااااااااليييييي صدام ربل لا فيه قطعه حديده ولا كهرباء ولا تركيب ولا صبغ 1600 الكامري سعر صدامه 350 سكن جانبي امامي 350 ريال لو انه BMW وتنسيم وتكييفه عادي ويوم والثاني خربان وغير ثابت في الطريق وعدم توازن في المنعطفات انا انصحك بالياباني ولا الالماني واذا بغيت امريكي خذ مستعمل بنصف السعر الوكاله ونفس الموديل ولكم جزيل الشكر
والله مايستاهل ولا اي سيارة تستاهل
لكن وش نسوي حكم القوي على الضعيف
ولو تلاحظ جميع وكلاء السيارات يرفعون اسعار الموديل الجديد عن السابق من الفين الى خمسة الاف حتى لوماكان فيه تغيير عادة وتعودو عليها ولا احد رادهم
