الفزعة يا اهل الخبرة # الفورد ما يتعدى 135

بيض الله وجهك يا ابو عمر
مشكووووووووووووووورين وماقصرتوا كلكم الله يبيض وجيهكم ويكتب اجركم

مساكم بالخير جميعا ...........
اخوي عبدالرحمن ياخي الكريم انت عندك مشكله طرحتها وبتسمع اجابات كثير انت شف الاجابات المتقاربه وشف وش يقول الميكانيكي اللي بتروحله وانشالله بتلقى اكيد شي من اللي قالولك عليه الشباب الله يجزاهم خير صح .
بعدين ترا الوضع بالمنتدى تبادل معلومات لاعانتنا بعد الله على حل المشكله سواء ميكانيكيه ولا كهربا بطريقه صحيحه وباوفر جهد مادي ومعنوي.
يعني ممكن يكون الشور اللي يجيك من الشباب بالمنتدي بعضه صح وبعضه خطأ هذا شي طبيعي لانك تحكي قصه وتوصف عطل ماكشفنا عالسياره ولاشفناها!!
يعني مثل ماقلتلك هنا ناخذ معلومات من بعضنا كل واحد صارتله مشكله وحلها ونعلم بعضنا وهكذا هذا غير الاختصاصيين اللي هنا ماشالله عليهم شرح بالصور وتوضيح للشباب .
في الاخير , انت لو شفت مشاركة امير بكلمتي يقولك الدفرنس تغير قطعه فيه وخلاص تغنيك عن تغيير الدفرنس كامل وفي مشاركتي قلتلك هذي المشكله تحصل من دفرنس مو متوافق مع القير او حساس القير وايضا اخوي كلمتي قال تقريبا نفس الموضوع .
تبي الشور ياعبدالرحمن !
امير بكلمتي يقول , مايحتاج تغيير دفرنس اعرف مقاس الكارونه وخذلها ترس يناسبها وش تبي احسن من كذا ؟
بس ياليت ياامير بكلمتي توصيه على ورش اذا انك تعرف ترا الورش اللي هنا يقلبون مخك ,عشان يكون عندهم خلفيه ويركبونه لك صح.
الله يعينك ياابو داحم ودنا نخدمك طال عمرك.

شكرا ابو عمر عالمرور
لكن هل تقصد ان الموضوع اللي كتبه امير بكلمتي لايحل مشكلة سيارتي
http://www.assayyarat.com/forums/showthread.php?t=143885
اتمنى الرد لاني مافهمتك

السلام عليكم
الدفرنس يسبب نفس المشكله بس يفرق شي بسيط يعني 15 كيلو متر بالساعه يعني تمشي 170 والسياره اللي بجنبك تحصلها 185 هذا الشي حاصل بس مثل ماقلتلك الفرق بسيط .
انت اكشف عالقير وشف هو مغير ولا موظب , وبرضوا تأكد الدفرنس والقير هل هي شد بلد ولا مغير القير حاطلك مثلأ قير فورد اقدم موديل او العكس .
ثاني شي شيك على جهاز يجي بالقير هو اللي يقرأ السرعه
يجي لونه واضح مشبوك عليه فيش .
اختلاف السرعه عندك كبير يعني فيه عندك شي مو متوافق يعني قير دفرنس
بس انتبه ! اذا عداد السرعه تتغير قراءته للسرعه يعني مره يمشي من 20 الى 40 واحيانا يصير اوكي واحيانا يرجع نمره غلط او يأخر احيانا يعني حوسه فهذا الجهاز اللي يحسب السرعه مايقرا السرعه صح , لكن اذا السرعه عندك ماتتغير ثابته على وضحها بدون لخبطه اظمن لك ان في شي غلط الدفرنس ولا القير.

النتفه القويه لها اسباب يالغالي السياره تفتف مثلا او الريس مرتفع ايضا الصليبات

تبع عمود الكردان ولكن اغلبها تكون بعض منظمات الهواء تعبانه اما السياره تفتف او

الماكينه غير صافيه مره صوت يرتفع ومره ينزل

أخوكـ

شباب عندي مشكلة بعد..
معليش تحملوني بس قلت لكم ان مشااااااااكل الفورد ماتنتهي والله يعين
اذا عشقت بالريوس ينتق نتقة قوية هل هذي عادية والا يبي لها تصليح؟

مشكور اخوي سعودي
والله يعطيك العافية , انا من الشرقية (الجبيل) ورح ارسل لك عالخاص ان شاء الله
كثر الله من امثالكم ياشباب بصراحة حسيت كأن المشكلة مشكلتكم مو مشكلتي
أكرر شكري للجميييييييييييييع

الله يعطيكم العافية ومشكورييييييييييييييييييين عالمرور
وشكر خااااااااااااااااااااص للأمير

عبدالرحمن اذا انت من الرياض انا اخدمك واحل مشكلتك لوجه الله

وامرها سهل لكن يبيلها واحد فاهم بالامور هذي واخوي امير وضح اشياء كثيره عن مشكلتك
راسلني على الخاص اذا بغيت شي


ومشكلتك واضحه ان الكرونه مغيره لكرونه اقوى من الاولى واتوقع ان كرونتك

الاصليه كانت 2,73 وغيرت الى 3,27 او 3,55 ولا غيرو ترس عداد السرعه اللي بالقير

وصار عداد السرعه يقرا قراءه خطا ويعطي دوران اسرع بحكم الكرونه صارت

تدور اكثر بالحاله هذي لازم تغير ترس السرعه لنفس مقاس كرونتك اللي راكبه

وعشان تعرف رقم كرونتك لازم تفك الكرونه من الغطاء الخارجي وتعد التروس

لكن هذي صعبه شوي وفيه طريقه افضل منها وهي تشتري عدة تروس ترس حق

كرونة 3,08 وترس كرونة 3,27 وترس كرونة 3,55 وتركبها واحد واحد

وتجرب مع سياره ثانيه شد بلد فورد طبعا تمشون بجنب بعض اذا صارت مطابقه

لسرعتك بكذا خلصنا من المشكله واذا ماطابقت تغير الثاني لحد مايضبط معك عداد

السرعه وسعر التروس رخيص يعني تقدر تشتريها كلها واللي مايضبط ترجعه للوكاله

وتركيبه بسيط مره عند القير ومايكلف الا 30 ريال تقريبا

واي استفسار راسلني

لازم تعرف مقاس الكارونه الي على سيارتك اول شئ وبعدها تقدر تختار الترس حق السرعه

القطعه البلاتسيكيه رخيصه جدا تحصلها في التشليح وتطلبها بعدد سننها حوالي بـ 15 ريال

اما في القطع مالي علم بها اهم شئ فقط تكون سنن الترس سليمه فقط لا غير

أخوكـ

اشكرك اخوي امير على المرور وعلى هالمعلومات
لكن وشلون اعرف الترس المناسب؟؟
لازم اشوف نوع الكارونة او نوع القير والا شلون؟؟
وكم سعر هالتروس تقريباً؟؟
آسف على الاطالة

اخوي الازدي اشكرك على المرور
وتقبل الله دعاءك

ينقل لقسم الورشة

اخوي مو مسألة اذا غيرت الدفرنس لازم تغيره مره ثانيه

اخوي اذا تم تغير الدفرنس لازم تغير ترس السرعه في القير حتى يقدر يقرأ السرعه

الفعليه للسياره اتمنى تراجع موضوعي وفيه توضيح للي تبيه ومنها مايحتاج تغير دفرنس

http://www.assayyarat.com/forums/showthread.php?t=143885

أخوكـ