السلام عليكم ورحمة الله وبركاته
ياحيا الله النشامى في رابطتهم الطيبة ونادينا او دكتنا الذي نلتقي فيها ونتبادل فيه اطراف الحديث عن إيسوزواتنا او ديمكساتنا المبروكة ... اشكر كل من شارك بلا إستثناء ,,,
وأحيي الأخ ابو أسد والله نورت الرابطة بوجودك لاعدمناك .. يا إخوان ترا ابو اسد هذا يرجع له الفضل بعد الله في إختياري للإيسوزو ,,, أمدني بمعلومات يشكر عليها وأفادني مره ,,, وترا نادر يسلم عليك :bigggrin:
أنا يا إخوان عندي إيسوزو 2009 دبل قير عادي أخذت بعد بحث وكان في بالي هايلوكس لكن الحمد لله وفقني ربي للإيسوزو وفكني الله من الهيلوكس مافيه الا الغلاء ومواصفات أقل ,,, والحمد لله سافرت عليها وجربتها ماشفت منها الا الزين عسى الله يبارك لي فيها ,,, بس الله يستر من الطرمبه ,,
وهذا الشتاء جاي وان شاء الله تكشتون فيها أحلى الكشتات :xyxwave:
الله يحييك و يبقيك و مشكور على انشائك الرابطة ,,, صراحة ما أخفيك اني كنت
على وششششششك انشاء رابطة دي ماكس بهالمنتدى ...
لاني توي مخلص قراءة رابطة الديماكس اللي بمكشات صفحة صفحة :a1120(82):
و شفت الفيديو حقك اللي سحبت به دينه فيها قعود ( ما شاء الله تبارك الله )
و ما بقا مللي بالنت يتكلم عن الديماكس الا و قريته
شوي شفت موضوع الرابطة قلت ( سبقك بها عكاشة :wink: )
لكن الشي اللي ما قدرت اتاكد منه اللي هو سالفة دخول ريحة الديزل بالكابينة ؟
واحد يقول لا ,,, و الثاني يقول شوي ,,, و الثالث يقول على حسب
صراحة احترت ... لان الشي هذا ممكن يصرفني عن شراء السيارة
فإذا ما عليك أمر تبين لنا مدى دخول رائحة الديزل داخل السيارة
و مشكور كل الشكر :xyxwave:
