رابطة ملاك {{{ الإيسوزو D_MAX }}} لتبادل المعلومات والأخبار وكل جديد ومفيد ..

كل عام وانتم بخير

ومن العايدين الفايزين

السلام عليكم ورحمة الله وبركاته

أنا عضو جديد معكم آمل إني أفيدكم وأستفيد منكم .


بصراحة أنا أبحث عن سيارة بك أب ومن يوم شفت الدماكس بدأت تدخل مزاجي

لكن شفتها من برا فقط أما من الداخل فلم أرها الي عنده صور من الداخل ممكن يفيدنا . خصوصاً موديل 2004 2005

أنا بصراحة اقتنعت نوعا ما ولكن ودي أستفسر كيف هالموديلين (2004 ،2005 ) من ناحية :
1-العزم
2-هل شكلها مثل الشكل الجديد والا تختلف
3- كم نوع موجود من هالموديلين
4- كم الاسعار الحالية التقريبية في معارض الرياض بالنسبة للنظيف من الدبل
5- هل يوجد بنزين دبل والا ديزل فقط واذا كان يوجد بنزين أيهما أفضل البنزين أم الديزل


وتقبلوا تحياتي

السلام عليكم

هذه نصائح من أحد مستخدمي الديماكس نقلتها لكم للفائدة

*******
بالنسبة للديزل انصح بعدم التعئبة إلى عند محطات موثوقه مثل محطة الدريس وذلك لآن بعض المحطات يغشون الديزل يضيفون معه مويه وهو الشئ اللي يسبب خراب الطرمبه غالية الثمن وحصل هذا مع واحد خربة عليه الطرمبه وشراها بحدود 10.000 ريال
طبعا اعبي فل ديزل ب15 ريال يمشيني من 600إلى 800 كم

ولا احب اضيف على كلام الطيبين شرواكم اللي هم اكبر مني وافهم مني شئ (((ولكن)))

احب انبه إلى تنبيه مهم وهو بالنسبه لتغيير(((زيت القير العادي)))حق الديماكس فهو يختلف عن زيت قيور السيارات الاخرى فهو (((زيت مكينه بنزين عيار20w50))) كما في الكتالوج وليس زيت القير العادي المعروف اللي هو زيت الدفرنس الاخضر

وانا ما قلت هالكلام اللي لأني بنفسي اليوم مغيره في ورشة الشيحه احد الربع في صناعية العاصمة بالبديعه وقال لي جب زيت مكينة بنزين وياخذ 3.5 لتر اما بالنسبة لزيت الدفرنس فهو زيت القير الاخضر وياخذ تقريبا 3.5 لتر

اما بالنسبه لزيت القير التماتيك للديماكس فهو نفسه زيت القير التماتيك للسيارات الثانيه
وراعي الورشه نفسه مكانيكي له خبره طويله بالايسوزو خاصه ومعه دماكس تماتيك دبل 2005
وخويه معه دماكس قيرعادي دبل 2006 ويغير زيت القير والدفرنس كل 40.000

واحد من الاخوان يقول في احد الردود هنا انه شاف دماكسات مخبطه قيورها في اليمني بسبب انهم غيروها بزيت القير العادي الأخضر

بالنسبه لفلتر الهواء ضروري تغسيله كل فتره او نفخه بالهواء كل اسبوع تقريبا لأن التيربو يسحب هواء قوي جدا وبالتالي ألا حظ دايم إذا فكيته احصل ورق شجر عالق في الفلتر ويمكن بعضكم لاحظ ذلك

هذا والله اعلم وصلى الله على نبينا محمد وعلى آله وصحبه وسلم

يا إخوان عطونا تجاربكم مع السيارة وأفكاركم وطريقتكم في الصيانة وملاحظاتكم وكل شي يخص السيارة ,, ودنا نتحرك شوي ,, الله يعطيكم العافية

السلام عليكم
مكتوب في كبوت السيارة ان الزيت يغير على 10.000 كم
وفلتر الهواء ينظف كل 5000 كم ومعلومة اخرى لاتحضرني
ارجعوا لها

أنا أنظف فلتر الهواء كل 3000 كيلو

وتغيير الفلتر كل 40ألف كيلو

الله يعطيكم العافية

يرجى الإنتباه الى وجوب نفخ وتنظيف فلتر الهواء كل 5000 كم لأن التيربو يسحب سحب قوي من الهواء ويذهب الى المحرك فيجب ان يكون الهواء نقيا من الشوائب لسلامة المحرك

تسلم و الله ياتميمي1000

على المعلومات

والديماكس سياره رائعه وجميله

والفحص عند الوكاله أحسن شي

اتصلت على وكالة العيسى من اسبوعين تقريبا وقال ماوصل شي ,,

هذه نصيحة من ابو عبدالإله من منتدى آخر جزاه الله خير لمالكي الإيسوزو

(( معلومة مهمة لكل شخص يملك دماكس زيت القير والدبل زيت مكينه انتبه زيت السوائل يدمر الدبل والقير

الدفرنس الامامي والخلفي زيت سوائل

ممكن تغيرها عند البنشر او انت اذا عندك طرمبة الزيت

الدفرانس الامامي والخلفي 4 ليتر تقريبا

القير 4 ليتر الدبل 3 ليتر تقريبا


شغل اليد البنشري من 40 الى 60 ريال وحساب الزيت عليك وشف

الفرق ))

شباب

فيه أي أخبار عن موديل 2010

حياك الله اخي خاطب الحور وبارك الله فيك وسيارتك

فعلا كلامك في محله .. لكن انا اقول ايش افضل سيارة ماتطلب قطع وقطعها غالي او سيارة تطلب كثير وقطعها رخيص ؟
اما الدبل مكانه خطأ لكن يقولون مأمن في حال المشي بسرعه وتوكلنا على الله

مرحبا بك اخي خاطب الحور في هذه الرابطه حبذا لو امكنك توضيح طريقة تركيب الفاصل وطريقة عمله مع الصور يكون فعلت فينا جميل وشكرا لك .

السلام عليكم إخواني أعضاء الرابط في السيارة البريه الديماكس
وهي قويه مره في البر والنفود وأنا معي واحده موديل 2007 الدفعه الثانيه
وهي قويه في البر وتتحمل وأريح من السيارات الأخرى المشابه لها
ولكن فيها عيب واحد وهو قطع الغيار فإنها غاليه مره بل مبالغ في أسعارها
وهذا الأمر الذي قل من إنتشارها بين الناس
والأمر الذي يستفسر عنه الكثير من ملاك الديماكس هو الدبل ومحله الخطاء
ولكن لهوا حل وهو تركيب فاصل تقريبا بــ 90 ريال وتجدونه
عند ورشة السوافي مخرج 18

الأخ تميمي جزاك الله خير وشكرا لك .

والله شوري عليك وانا خوك انك لاتحط مقاس اكبر من حق الشركة الشركة اخبر بيثقل على المكينة وتتحمل وتزيد صرفية الوقود والحرارة لكن اذا انها شبه منتهية فهذا شي راجع لك للكن المقاس لا والحرية لك ويفيدونك الإخوان

اخوي تميمي جزاك الله خير الموتر موديل 2008 اخر دفعه جاي ريموت ومرايات سفط والحمد لله اموره طيبه لكن حبيت رايكم ودي اغير كفرات الوكاله قربت تنتهي وودي اغير كفر مرتفع شوي اما العرض اشوفه طيب فعطونا رايكم وإلا ابقى على مقاس الوكاله وتقبلوا تحياتي