>> رآبطة عشاق فورد أكسبلورر<< ""ford Explorer ""

الحمد لله أني وجدت ضالتي فقد تأكد شكي بأن اختلاف حجم الاطارات يسبب مشاكل مزعجة بالسيارة وهذا بفضل الله ومشاركات الاخوة الاعزاء بالمنتدى
وسأقوم بتغيير الاطارات حالاً
وابلغكم بالنتيجة

السلام عليكم جميعاً
الاخوة الاعزاء كيف حالكم
انشاء الله تكونوا بصحة جيدة
اود ان استفسر منكم اصحاب الخبرة بالفورد اكسبلولر
اختلاف حجم اطارات الجيب 255 الى 265 يؤثر بالسير على الطريق من حيث الاهتزاز
أو الرجفة
ودمتم سالمين

2 - بالنسبة للملاحظة الرابعة هل عدم توقف الكفر الأمامي بعد 80 كم بسبب إنه كان يدور قبل و لا زال في حالة دوران ( صوت الطقة صراحة كان قوي و يوجع القلب فما قدرت أكمل و لا انتبهت لهالنقطة إلا توي :blue: ) ؟
النظام طالما لم يستشعر ثبات السيارة سيظل يعمل
قد صارت لي سالفة على هذي النقطة , مرة وانا ماسك طريق الرياض -الطائف وأمشي تقريبا 145 كم ولعت لمبه الكفرات ووقفت على طول وليقت الكفر الايسر الخلفي منفقع وقمت بدلت الكفر مع الأستبنه حقت السيارة وكانت الاستبه مختلفة في المقاس(أصغر ) والدعسه حقت الكفر يوم ركبت الكفر ومشيت حسيت السيارة كأنها شابكة الدبل الخفيف معرفت انه حس بأن دوران الكفر اسرع من الكفرات الأخرى فشبك الدبل فقلت بأتعدى 100 كم وبيفصل من نفسه ومشيت حتي 140 كم وأحس ان الدبل مشبوك وبعد 50 كم تقريبا وقفت عند محطة وصلحت الكفر وطليت تحت السيارة وأشوف زيت متناثر حول المكينة خفت كل شكل المكينة ودعت وشف العيار حق الزيت المكينة ولقيت الزيت كويس والزيت المتناثر لونه قريب من الاخضر واسأل البنشري قال لي زيت دفرنس وطيح قلبي قلت بس الدبل راح فيها ولا الدفرنس الأمامي راح فيها وقلت مادام الدعوه خربانه مانبيب موقف إلا في الرياض أو ماعد تمشي السيارة وصلحت الكفر وركبته ورجعت الأستبنه ووصلت الرياض والسيارة مافيها شي جربت الدبل شغال والدفرنس مافيه صوت ولا شي وودتها عند مكيانيكي وشاف زيت الدفرنس الامامي لقاه ناقص شوي وتتبع التهريب ولقى التهريب جاي من لي تنسيم الدفرنس الأمامي عشاني مشيت عليه 140 كم والدبل مشكبوك صار ضغط زيت الدفرنس عالي فنسم من البلف حق التنسيم واللحمدلله زدت الزيت بس

مايستفاد من الموقف هذا :
1- كفراتك لازم تكون نفس المقاس حتي مايشتغل عليك الدبل
2- دبل الاتو مايفصل أذا كان يحس ان فيه انزلاق في الاطارات حتى ولو تعديت 100 كم
3- لو مريت بموقف مشابه لاتتعدي 100 كم حتي تصلح الكفر
4- نظام التنسيم موجود لحمايه للدفرنس الأمامي من الضغط الزائد
5- اذا ولعت لمبة الكفرات وقف مباشره وفحص الكفرات

والله شف الأخ ألكترشن مسوى تجربه على الداينو وابغاك تشوفها وتعلق عليها وش تعتقد
http://www.youtube.com/watch?v=87e1LNMnn9A&feature=plcp&context=C3554d38UDOEgsToPDskIFzIEv3rx1WmmQ6Q1yp5Y4

الطبلون

انا ابرمجه او ابيع لك الجهاز اللي يبرمجها انا ارسلولي ارقامكم على الخاص وانا اتصل فيكم
او اللي تطلع له tire monitore fault
او tire sensor fault
وللاتصال 0599009001
متوفر معي حبه الان

هذي المعلومة لقيتها أخيرا بهالموضوع :

http://www.assayyarat.com/forums/thread124048.html

تمت التجربة و لكن أبشرح الوضع اللي كانت فيه السيارة وقت التجربة :

حطيتها على رافعة ترفعها من النص و الكفرات معلقة بالهواء ..

بالنسبة للتجريب :

أول ما حطيت D قامت تدور الكفرات الأربع لكن الأمامي يدور بشكل أبطأ من الخلفي ..

حتى مع فصلة التركشن ( ضغطة واحدة قصيرة + ضغطة طويلة 5 ثواني لين تأشر علامة التركشن بالطبلون ) كانت الكفرات تدور بنفس الحالة ..

و فصلت فيوز التركشن لكن كانت نفس النتيجة ..

و نفس الكلام تماما لما عشقته R ..

( لما شغلت الدبل HIGH كأن الكفر الأمامي صار يدور بنفس سرعة الخلفي )

لكن فيه ملاحظات لما قمت أدعس بنزين :

1 - بعد تجاوز 40 كم طلع صوت طقة ( نفس صوت طقته إذا كان يطعس وبدى يحفر أسمع هالصوت و أظن اللي يصير إن الكفر اللي جالس يحفر يقطع عنه الدفع ) ..

2 - نفس الصوت يطلع تماما بعد تجاوز 60 كم و 80 كم و 100 كم ..

3 - صوت الطقة كان يستمر حتى لو ثبت الدعسة على سرعة معينة ( يطق كأنه شبك أو فصل حاجة بشكل متكرر ) ..

4 - حتى بعد ما تجاوزت 80 كم كانت الكفرات الأمامية تدور ..

لكن عندي كم سؤال :

1 - هل كمبيوتر السيارة اعتبر إن رفعة الكفرات بالهواء كأنها في حالة تغريز ( دوران الكفر بدون ملامسته للأرض ) فشغل لي [COLOR=red]الدفع الرباعي ( لأن لمبة HIGH ما كانت تشتغل ) عن طريق 4*4 AUTO ؟[/COLOR]

2 - بالنسبة للملاحظة الرابعة هل عدم توقف الكفر الأمامي بعد 80 كم بسبب إنه كان يدور قبل و لا زال في حالة دوران ( صوت الطقة صراحة كان قوي و يوجع القلب فما قدرت أكمل و لا انتبهت لهالنقطة إلا توي :blue: ) ؟

3 - ليش بالبر لا فصلت الفيوز يقلب دفع خلفي و ينوفر من دون ما يطلع صوت هالطقة ؟

4 - هل تجربته عالداينو تفرق ولا يعتمد نفس الفكرة ؟

ما قصرت وعساك ع القوه دايم


1- الترتره احياناً تجي واحياناً لا ... وهي بعد التشغيل فقط ... اما اذا مشيت فيها او وقفت فلا يوجد ترتره او تفتفه

2- الزيت مغطي 3 اربع الاكسات

3- زيت القير صار من الصوفه ... ارسلت لك رساله .. ما ادري وصلت ولا لا ؟

4- الزيت القادم بحط 15-40 باذن الله

هذي لها أكثر من أحتمال ممكن يكون من الزيت ماوصل الى جميع اجزاء المكينة(ثقيل) ويمكن يكون تحتاج إلى تنظيف الثروتل وحساس الهواء , على حسب الصوت الصادر من السيارة ,والله أعلم

وبالتوفيق

وعليكم السلام ورحمة الله وبركاته

بالنسبه لرقم 1 - نعم تشغل صيغة mp3 عادي .
اما لرقم 2 - ماتنزل من يوم ما اخذت الي عندي وانا افر و ادور لها السيدي وبالنهاية وصلت انه لايوجد .
هذا كل شيء .

يا اخوان كم صفحة عدت وما حد رد على اسألتي وهي :

1- هل الشاشة الاصلية للاكسبلورر تشغل mp3 ولا ما تشغلها

2- كيف انزل خرائط الخليج على الشاشة الاصلية الامريكية

يا شباب اذا مو انتو راح تردون علي اجل مين بيرد على اسألتي ؟

استكمال موضوع الزيت

جميع من سألتهم في المنتدى قالوا 5 علب مع السيفون .... ولهم فتره طويله وهم على هذا المنوال ... كذلك توجهت اليوم لمحلين غيار الزيوت عشان اتأكد اكثر ... قالوا 5 علب مع السيفون ......... عاد عقبها خلاااااااااااااااااص رحت للمحل الي غيرت عنده وانطلقت عليهم هواش .. بغوا يضيعون مكينتي والله يستر لا يكون صوف المكينه خربت الان !!! حتى واحد سألته منهم لاني مالقيت الي غيري الزيت قال 5 علب مع السيفون !!!!!!!!!!!!!!!!!!!!!!! ياخي فقعوا قلبي

المهم سحب شوية زيت بقدر نصف علبه ... ووصل العيار الى منتصف الاكسات وزياده شوي ...

من جهة اخرى لقيت السياره مهربه زيت احمر من وجه الكرتير الي تحت المكينه وليس من كرتير القير الي فيه فتحة التغيير او الزياده . لا بل يوجد امامها من جهة المكينه كرتير اخر ما ادري وش هو فيه الظاهر 8 مسامير ؟ هو الي يهرب ..... هذا ايش ؟

مشاركتي رقم 3417 ما رديتوا علي .... وش العيار الي احطه هل التزم بالي مكتوب على غطاء فتحة الزيت وهو 5-30 ولا اغيره ؟


وشئ اخير وليس آخر ................ البنزين كم تحطونه 91 ولا 95 ؟ حطيت 91 والله يستر ...
وفيها تفتفه او ترتره بسيطه بعد التشغيل ... واذا انتظرت شوي تروح ويصفى الموتر

هالمقطع شفته قبل و حاولت أسوي مثله بس ما طاوعتني نفسي :smilie16:

لكن يبيلي أجرب و لعل التجربة تكون أفضل من كل المعلومات ..

هذا شرح للنظام الدفع الرباعي حق الأكسبلورر بس طبعا بالأنجليزي
http://www.explorerforum.com/forums/showthread.php?s=&threadid=56552

بالنسبة للصار معك ماعندي تفسير له بس أنا أذا دخلت البر بس أنسم أذا كان مافيه تغريز قوي ويمشي معي وأشوف الكفرات الأربع شغالة

أذكر في واحد كتب عن تجربته وهو مغرز في طين وماطلعت السيارة إلا لمن حطها في الأوتو وكانت الكفرات الأربع تدور مع التراكشن قدر يطلع
أعتقد أن التراكشن له علاقة بالأوتو فلو طفيته عن طريق فصل الفيوز أعتقد أنه يبطل عمل الأوتو
شف المقطع هذا الكفرات كلها تدور بس هل هو مشغل الأوتو أو مخليه في الأوتو ما أدري
http://www.youtube.com/watch?v=fxPPyn8B6k0&feature=related

لو لقيت أي معلومات مؤكدة أفدنا بها
وبالتوفيق

الف مبروك أخوي فهد ويعطيك من خيرها ويكفيك شرها
معليش بخش بالعرض
بالنسبة للدبل السيارة في الوضع العادي تكون شغاله على الأتو والأتو يقسم توزيع العزم 35 % أام و 65% للخلف

يالغالي متأكد من توزيع الدفع بالنسبة للأوتو ؟

أخبر مرة خليته يغرز و اللي حفر بالبداية الخلفي فقط أما الأمامي فكان ثابت ..

و الفيوز رقم 6 تبع مانع الانزلاق إذا فصلته ينوفر معي الخلفي فقط ..

و أذكر على كلام الأخ the electrician إن الدفع خلفي و ما يعطي للأمام إلا في الأماكن الزلقة مثل ما قلت ..

دخلت ع النت اقرأ عن موضوعي زيت المكينه << موهب خالص :bigggrin:

لقيت العالم مثلي ما تدري كم تحط !!!

الاراء تقول 4.75 بدون سيفون و 5 بسيفون

بس انا شفت سيفون الاكسبلورر كبيير حجمه وما اظن ان 250 ملل تغطيه صراحه .

اتوقع ياله نصف علبه تغطيه ....

من جهة اخرى مكتوب على غطاء فتحة المكينه حقت الزيت ان العيار المطلوب هو
5-30 رحت وغيرته بزيت غاااااااااااااااااااااالي وهو هافولين سعر العلبه بـ 40 ريال !!!!!!!!!!!!!!!! يقول يمشي 10 الاف كم بالراحه ..

وانا اعرف اني استعجلت بس وش اسوي الزيت الاول كان رايح وطي !!

وكالة فورد الي عندنا كم العيار الي تستخدمه في الاكسبلورر ؟ او هي تلتزم بعيار الشركه الصانعه وهو 5-30 ؟

بصراحه كان ودي اني حاط 15- 40 احسه وسط بين المجموعات كلها

اليوم ما امداني اشيك على العيار ..............

غداً باذن الله بشوف وش قصته والله يستر لا يكون متعدي الاكسات

ماعندي خلفيه عن هذا الموضوع
وأن شاء الله يفيدونك الأخوان

اخواني صفحتين عدت و ماحد رد علي

ياريت تردو على سؤالي

وعندي سؤال ثاني وهو : كيف ابرمج او انزل خرائط الخليج على الشاشة الاصلية الامريكية*