باركوا لي
شريت اكسبلورر 2007 نظييييييييييييييييييف والحمد لله
1- فيه شغله ما عرفت لها وهي شغلة الدبل ؟
الحين اول زر هو الدبل الخفيف وبعده القوي وبعده الاوتو
ضغطت على الخفيف صار يومض باللون الاخضر (نف الزر) !!!!!!!
وش السالفه لا يكون فيه شئ :-(
علموني وش القصه ؟ وكيف استخدم الدبل ؟
2- ثاني شغله ما عرفت اصفر العداد !! ... غيرت الزيت 5 علب ونصف مع السيفون .
مضبوط كذا ؟
مكتوب ع الغطاء 5-30 فاخذت زيت نفس المعيار من شركة هافولين
3- الشغله الثالثه :
ما فيه كتالوج عربي !!!!!!!!!!!!!!!!!!!!!! وش العمله ؟!!!! كيف افهم السياره ؟
اهم شئ الدبل طمنوني عسى ما فيه شئ !!!
أولا على البركة و يعطيك خيره و يكفيك شره ..
بالنسبة للدبل فما أخبره يطلع لون أخضر !!
اللي أعرف إنه برتقالي و هذا يكون للـ( 4×4 LOW ) ..
اللي هو الدبل الثقيل و ما يعشق غير النمرة الأولى ..
لكن ما راح يشتغل لين تفضي القير و تكون السيارة واقفة ..
لما تضغطه يومض لون برتقالي لفترة بسيطة ثم يشبك معك ..
و طبعا هذا للأماكن الصعبة و اللي ما تقدر تسرع فيها أصلا و بسببها سموه low ( LOW SPEED )
و نفس الشي لا فصلته يومض شوي ثم يفصل ..
أما الخفيف ( 4×4 HIGH ) فما يحتاج توقف تقدر تشبكه و أنت ماشي من دون ما يأشر ..
و نصيحة شغله بأي مكان تدخل فيه تراب و السبب هو ( إن وضع 4×4 AUTO يكون دفع خلفي لكن لو حس إن الكفر بدى يغرز يعطي دفع للكفرات الأمامية بنسبة 5% ثم يرفعها تدريجيا لين يشتغل الدبل الخفيف ( 4×4 HIGH ) يعني بنسبة دفع 50% للكفر الأمامي و الخلفي و الزيادة بالتدريج تتعب الدبل و التروس داخله فلذلك تشغيل الدبل البداية يريح الدبل )
لكن تأكد من اللون اللي يأشر يمكن يفرق مع الموديل ..
بالنسبة لتصفير الزيت و الشغلات الباقية فما عندي بها علم اعذرني ..
