مقارنه بين تويوتا برادو و تويوتا فورتشينر

بنسبة لمقارنتك انا افضل البرادو فقط في اعلى فئته اذا تقدر عليه اما اذا ماتقدر عليه
اخذلك فورتشنر كامل المواصفات وفك نفسك تحياتي للجميع

^^^^^^^^^^^^^^^^^^^^^^

وانا بعد تصويتي لأبو الخل <<< يحسبه سيارة ههههههه
لا فورتشنر ولا برادو *

امزح معك لا تزعل ..

البرادو هو الأفضل ..
تحياتي .. :smilie16:

بسم الله الرحمن الرحيم
السلام عليكم
للي مايعرف او ماجرب الفورتشينر ويقول هايلكس مصندق هذا مو عيب ،بالعكس هذه ميزة مهمة وممتازة لحمل اغراض بدون ربط او معك صغار ماتخاف عليهم وهم بالخلف..
سيارة عملية وتتحمل الكرف والمشي وجيدة بأي مشوار تحتاجها لو تجلدها جلد..
بخصوص البر ادائها قوي وخفيفة ، بالعكس الكثيرين كانوا معهم برادو او اف جي وبدلوا او باعوا
لإقتناء الفورتشنر .
سيارة اقتصادية بالبنزين واحسن مافيها انها ليست بها اكسسوارات زيادة برأيي :xyxthumbs:
ولها الصدارة حالياً حيث الكثير يقتنيها من خلال متابعتي ..ربما بدأت تنافسها الاكستيرا
ولكن تختلف من شخص لشخص..

ودمتم بخير:wavey:

الله اكبر الله اكبر يا ابو الخل والله كلامك كله درر من ذهب ورجل يتكلم من تجارب مره في الشرقيه ومره في الدهنا ومره في المدينه المنوره وله عده تجارب في السيارات وتطوير وتعديل السياره
هذا الرجل انا بصراحه اخذ برايه وخبرته .
وتجد بعض الشباب ما عنده سالفه يكتب بدون اي خبره ويتفلسف ايضا والي يشوفه يقول هذا مقطع ابو الخبره مغير متكي على اللاب توب ومسوي ابو الفهامه

بالله عليكم شوف ردود ابو الخل وتحكمون ما عنده ايت مجامله يقول الحق لو على موتره وغيره من الشباب يحاول يستفز ابو الخل مع اني داري وواثق ان ابو الخل ما دراى عنه


لكن ما اقول الا يا جبل ما يهزك ررررررررررررررررررررررررريح والله انك مبدع يا ابو الخل وننتضر مشاركات احر من جمر وايت رد لك نحن من المتابعين له يا ابو الخل

والى الامـــــــــــــــــــــــــــــــــــــــــام يا مبــــــــــــــــــــــــــــــــــــــــــــــــــــدع

خذلك جيب 97 صالون تيوتا

كلامك سليم تماماً، هذا السبب في توفير التراكشن كنترول بدلاً من الدف لوك، وليس الأداء.

لكن أقول يغني عن الدف لوك في 90% من الحالات، وليس يعطي 90% من الأداء.

الهايلكس تتوفر بكل اللي قلته ولو تفك يجي مراتب جلد و تفك علامة تويوت وتحطها لكزس ما استغربت (طبعا للي باكمل المواصفات)
لكن العتب على الوكيل الله يسامحه بس و ترا تتوفر الهايلكس بلون بيج !

بخصوص الدف لوك

صحيح أنه أداءه أفضل لكن إستخدامه محدود

بعكس التراكشن (إذا كان نشط) يعطيك 90% من أداء الدف لوك

وفي نفس الوقت شغال على طول معك فالفائدة هنا أكبر وأفضل من الدف لوك

:)

:xyxwave: الفورتشنر وبس ..

التراكشن كنترول ما يجي في البرادو إلا على افل كامل، سعره 150 ألف ريال. أما باقي الفئات كلها بدون تراكشن كنترول.

والتراكشن كنترول ميزته يشتغل على الكفرات الأمامية والدف لوك حاطينه فقط في الخلفي في الفورتشنر، لكن الدف لوك بدون شك أداؤه أفضل من التراكشن كنترول، وإللي يقول التراكشن دف لك متطور هذا مو فاهم في هذه الأمور. صحيح أنه تقنية أحدث، لكنه لا يعطي أبداً نفس أداء الدف لوك. والدف لوك موجود في جميع فئات الست سلندر.

بل حتى في الأربع سلندر شفت في قطر فورتشنر أربع سلندر مع دف لوك خلفي.

طبعا ً البرادو من جميع النواحي وهذا لا يجعل الفورتشينر سيارة غير جيدة ولاكن ليس هنالك مقارنة.

لكن حتى الوكاله قالولي البرادو اقوى قلت لاكن الفورتشينر فيه دف لوك قالي البرادو فيه اتراكشن كنترول يعتبر دف لوك متطور...........ز

100% فورنيتشر

سيارة أقل تقنية أكثر تحمل.

خصوصا أنك لاتبحث عن الرفاهية وإنما الجودة والتحمل.

استخر الله قبل كل شيء.

لاتنسى 6 سرندل وبس ، 4 لتر.

لا يوجد أي وجه مقارنة بين الفورتشنر والسانتا في، يا حبيبي السانتا في كروس أوفر، سيارة سيدان مرفعة. الفورتشنر يقارن بالإكستيرا لكنه بثلاث صفوف. والبرادو يقارن بالباث كما تفضلت.



أما مواصفات الأوفرود فأختلف معك، الفورتشنر أفضل في مواصفات الأوف رود، فخلوصه الأرضي أفضل وزواياه الأمامية والخلفية أفضل وفيه دف لوك خلفي شد بلد.



أولاً، الفورتشنر في رأيي يتميز على البرادو في التطعيس
ثانياً، له الشرف أن يكون هايلكس مصندق، ولا يعيبه
ثالثاً، الأربع سلندر في الفورتشنر هو نفسه في البرادو، والست سلندر في الفورتشنر هو نفسه في البرادو مع كونه أضعف بشيء بسيط، يعني إذا المسألة المحرك فكلاهما يجي أربع سلندر وست سلندر. وعزم الفورتشنر الأربع سلندر في البر ممتاز جداً. صحيح بطيء في الخطوط، لكن هذا مقابل ذاك.
أما الدركسيون الحمد لله السيارة عندي من أكثر من أربع سنين ما عانيت أبداً من مشكلتك هذه، ولا من أول يوم. ما أدري كيف يفرق عن غيره من السيارات في هذه.
رابعاً، تصميمه الداخلي ليس غبي، بل بسيط للتقليل من سعره.

هذا الشبل من ذاك الأسد.

الفورتشنر أنسب للبر في رأيي، تعليقه يتحمل أكثر وفيه دف لوك وقلة الإلكترونيات يزيد من اعتماديته.

البرادو أكبر بقليل وأريح وأفخم وأوسع ويمشيك مسافات أطول وشاصي أصلب وتحميل أكبر وأقوى بقليل وأغلى بكثييييير، لكن ليس فيه دف لوك. ولو تاخذ فل كامل يكون فيه تراكشن كنترول جبار لا يكاد ينافسه أحد فيه. وجودة ممتازة في المواد المستخدمة.

انا ما أدري ليش تسمونه هايلكس مصندق !!!

هل الهايلكس يتوفر بمحرك 6 سلندر ؟!

هل يتوفر بدف لوك ؟! ومثبت سرعه ؟! وتراكشن ومانع انزلاق !!!!

واشياء كثير صراحة تختلف بين السيارتين ..

التشابه في الطبلون فقط .. مع ان طبلون الفورتشنر افضل (الوانه اقصد)

يعني لازم تقليل وحقران للسياره حتى لو أنها اثبتت وجودها .. :rolleyes1:

طبعا البرادو في جميع النواحي

البرادو أقوى في كل شيء في الصناعة في التطعيس في في ...

الفورتشنر ما ودي اخفس به ولكن هو معروف انه هايلكس مصندق
اخوي عنده الاربعه سلندر عزم زفت في الخطوط يالله يمشي 160
واذا كان الهواء ضدك 140 بصعوبة .. تصميمه من داخل فيه غباء شوي من ناحية الدركسون
والمكيف .. الدركسون كم مره سقته وادق بوري مع اللفه (لا يوجد فراغ بينه وبين الدركسون) ..