صرفيه زايده بالفورد ؟

2009 كامري @user_191270 · 02-12-2009

السلام عليكم

صبحهم / مسهم بالخير وشلونكم اخواني

السالفه ومافيها معي فورد 2009 استاندر بصراحه اشوفه يلهم بنزين يشرب مع انو ما اشد عليه ولا اجر عشان اقول يصرف واعبيه 95 احمر

للعلم كان معي ماركيز 94 وش حليله بالبنزين مايعرف الصرف ابد وكنت اجر عليه جر استاثمت فيه هذاك الموتر :bigggrin: الله يذكره بالخير

وفيه واحد من الشباب قال ركب قطعه تنظم الوقود مافهمت له صراحه وتخليه مايصرف:a1120(86):

وعندي كم استفسار بعد ادري ماهو قسمها بس مابي اكثر مواضيع مالها سنع

1- الجنوط الي تجي على الفورد 2009 استاندر كم مقاسها قريت مكتوب على الكفر R17 وش يقصد 17 مقاسه يعني ؟ دبشه بالجنوط <<:bigggrin:

2- المسجل السيدي حقه يشغل MP3 ؟ والا مايشغل واذا فيه طريقه تخليه يشغل علمونا تكفون

3- عجزت ازين الساعه ماعرفت اوقتها مدري كيف ادخل عليها

والله يعطيكم العافيه مقدمآ

TheEYE @user_176366 · 24-01-2010

أولاً يا أخواني في حلين الحل الأول برمجة بجهاز SCT المعتمد من شركة فورد نفسها
في الشرقية عند محل بور ميكر دانيوا الغنية عن التعريف .. أولاً يفك الفصلة

ثانياً يقلل صرفية البنزين بشكل ملحوظ .. وترى فكة الفصلة ما تأثر على القير للي يمشي على 200 حتى الـ 210 على خط السفر لساعات متواصلة ..

والحل الثاني تغيير البنزين من أكتين 95 إلى أكتين 91 لأنكم لو رجعتوا لكتلوج السيارة
تلقون في الصفحة 242 و الجدول في الصفحة 258 كلها تقول النوع المواصى به أكتين 87 !!!

فا ما في فرق لو عبيت 91 بدل 95 لأنه راح تفرق معك في الصرفية بدال ما تعبي 20 ريال ربع التانكي فقط يصير تعبي 10 ريال فوق الربع !!! أنا أعبي 15 ريال

وهي فاضية يعبيلي نص التانكي !!! بس 15 ريال !!! وابد الأداء هو هو ولا يفرق ذاك الفرق اللي يخلي الواحد يتمسك في أكتين 95 لأن السيارة أصلاً مصممة على اكتين

أقل وهو 87 فا بإذن الله ما فيه خراب ولا شي على السيارة إن غير البنزين من 95 إلى 91

وثالثاً التدعييييييييس للسيارة يعني لما تمسك الدائري وتطير باسيارة ويجيك زحمة
وتهدي واول ما تشوف مجال على طول تدعس للسيارة وتطير من جديد

ويالله وتجيك زحمة من جديد وعلى هذا المنوال لو قارناك بواحد ماسك الدايري معك
بس ما يدعس للسيارة .. يمشي مع الناس على نفس سرعتهم

صحيح أنه ما راح يوصل بدري سواء كان عنده موعد مهم أو وده يلحق على حاجة معينة بس راح يفرق واجد معه في الصرفية .. والكلام هذا من واقع تجربة لي شخصية

فانا مشاويري كالتالي : الصباح توصيل مدارس وبعدين دوام لوزارة النقل وانا ساكن في حي العزيزية .. يعني مالي إلا طريق الصناعية مع ذيك الزحمة في الصباح

وبعد الدوام أروح لجامعة الإمام عند المطار بحكم اني أدرس فترة مسائية وبعد ما اخلص أرجع البيت عن طريق الدائري الشرقي طبعاً فا اسئلكم بالله يا شباب

كم تتوقعون أني أعبي في الأسبوع .............................. 29 ريال !!! أعبيها يوم السبت وتكفيني إلى يوم الاربعاء يعني بمعدل 119 ريال في الشهر بسسسسسسس

والحمد لله على كل حال .. علما باني كنت أدعس للسيارة أول ويعلم الله يا شباب أنها ما كانت تكفيني يومين على بعضها ..

ارجوا أن اكون أفدتكم علماً بان سيارتي ماركيز 2007 أستخدام أمريكي وصرفيتها ممتازة 100%100

2009 كامري @user_191270 صاحب الموضوع · 24-01-2010

ابشركم ماعاد يصرف زي اول

جلدته بالخط خليته يرد نمرتين وطلع من شكمانه سواد والله وعقبها قلت صرفتيه

اجلدو مواتركم كود تعقل هههههههههه

Da7om Alshehri @user_207674 · 23-01-2010

انا معاي فورد 2004 كان وش حليله في الصرف بس الفترة الاخيرة صار يصرف بشكل خرافي غيرت الصفاية وشيكت عليه ما فيه فايدة ..

ومع الوالد فورد 2010 مااشاء الله تبارك الله مااا يصرف ابد ابد مع اني اكده احيانا لكن صرفيته تماااام ..

مدري وش الحل ..

أبو نادر1 @user_105999 · 09-12-2009

دامك مرتاح بالركوب لاتحسب البنزين كل شي له ضريبه أخوي
عندي ماركيز 2008 ويصرف زي ماتقول لكن راضيبه خطي طويل بالدوام ومريحني
حتى بالطيارة فيه سياحي وفيه درجة أولى وكل له سعره خخخخخخخخخخ

التسعاوي911 @user_190959 · 08-12-2009

شف دعستك يالغالي عالبنزين كيف واحكم .

لاهنت يبعدي وأتمنى تحصل حل لمشكلتك مع ان الفوردات والماركيزات تشرب شرب مهو صاحي .

لاهنت .

Feras_Yahoo @user_26052 Registered User · 08-12-2009

والله يااخوان انا كنت اعبي 95
بعدين استخسرته الصراحة

وصرت اعبي 91

تعرفو ليه
لانو اوكتان الفكتوريا في امريكا 87
يعني حتى لو حطيت له 91 برضو زيادة
فما بالك 95

وفرق في التانكي اكثر من عشرة ريال
الفورد الي عندي كنت اعبيه 95 بـ 40 ريال
اما 91 الفل حقه 29 ريال

ونفس الشي مافرق ولا طلع اصوات ولا اي شي من الكذب الزايد الي يقولوه عن 91
كأنه مو بنزين
امريكا بكبرها تستعمل في محطاتها بنزين 93 و 91 و 87
احنا بس عندنا بطر شوية ونستعمل 95 :smile:

ن أن @user_190772 · 08-12-2009

انا مثلكم يشرررررررررررررررررررررب شرب

طفرني :smilie20:

mr-salem @user_182420 · 07-12-2009

شرايكم 91 ؟ أظنه مناسب بالنسبه لنا :)

2009 كامري @user_191270 صاحب الموضوع · 07-12-2009

^^

نفس المعاناه يابعدي ولين الحين محد فادنا من الشباب ولاعطانا حل

mr-salem @user_182420 · 07-12-2009

معي فورد جديد 2009

والله العظيم تعبت يا الربع

أعبيه فل مايقعد معي 3 ايام بالكثير 4 ايام

2009 كامري @user_191270 صاحب الموضوع · 07-12-2009

هلا والله اخوي سلطان

صادق يجيب اكثر من 200 بعد فك الفصله لكن يأثر على القير مايتحمل

وبالنسبه للخط اكيد الفورد مايصرف ملك على الخط مايعرف الصرفيه

بس الي اقصده انا داخل الديره يصرف كثير مقارنه بالموديلات القديمه

sultan saud @user_197927 · 06-12-2009

2

2009 كامري

الله يعطيك العافيه يابعدي صادق 8 سرندل مدري على وشو لاقوه ولانشاط ولابعد من زين الطبايع يفصل على 180 :bigggrin: ليتهم خلوه 4 سرندل بس مايفصل:a1120(86):

الساعه زي ماقلت بالمسجل ماهي وسط التخشيبه والله طلعت عيوني وجبت الدفتر ومشيت على الخطوات مالقيت شي الظاهر دفتر الوكاله حق موديلات قديمه مدري وش الصرفه

مشكور وماقصرت

الله يعافيك بداله

انا عندي ماركيز 2001

ويطق 200 ونتفت خشوم ناس كثيره بس ما ادري ليه شركة فورد نفصت السرعه>>>>سوال وجيه

وبالنسبه للبنزين

انا عندي اشوفه والله ما يصرف

وانا عندي الدليل

عبيته من محطه ابو حدريه فل ومشيت فيه لين راس تنوره وطلعت من راس تنوره وجيت عنك اللي هي مدينتي والبنزين تحت الثلاث ارباع بشوي مو واجد

وهذا انا اشوفه مو صرفيه

2009 كامري @user_191270 صاحب الموضوع · 03-12-2009

ح

حمني2002

اخوي الغالي نفس المشكله انا معاي فكتوريا 2009 قوة شرب للبانزين
وعندي ماركيز 95 شحليله ما يصرف لكن وش نسوي الضاهر انا بنقلبها مويه

تحياتي لك

هلا والله اخوي حمني انشهد يلهم لهم فاتح فمه على طول جربت تو عبيت بعشره قلت بحسب المسافه الي بيصرفها لان بالعاده اعبي فل ماتصدق صرف 10 ريال ب55 كيلو بس مشيتها عليه وازود من العشره ريال بعد الظاهر على كذا يبيلي اقلص فيه وايت بنزين بيطفر فينا هذا :bigggrin:

شاكر لك مرورك ياغلاهم وننتظر احد يفيدنا بحل للصرفيه ودبره للساعه الي ماهي راضيه تتوقت صح:bigggrin:

2009 كامري @user_191270 صاحب الموضوع · 03-12-2009

z

zeco1983

نفس المشكلة لدي 2006 واحس الصرفية مره عالية مقارنة مع الفوردات القديمه مع العلم اني غيرت الصفاية وشيكت كمبيوتر ولكن مافيه اي تغيير
عن جد قهر:mad1:

صادق يابعدي صرفيه ماهي مثل القديمات والله كان معي 94 ماركيز مافيه فرق صرفيه هو والكامري ازود شوي وانشط عزم بعد من الجديد

يعطيك العافيه وماقصرت ياجدي

2009 كامري @user_191270 صاحب الموضوع · 03-12-2009

F

Feras_Yahoo

هوا الفورد كذا صرفية بدون عزم خخخخخخ
الله يسامحم الشركة مكينة كبيرة على 224 حصان

بالنسبة لسوئلك الأول الجنوط الي تجي على الفورد مقاسها 17 صح
دايما بعد الـ R تلقى مقاس الجنط

والمسجل حق الفورد للأسف ما يشغل ام بي ثري لازم تسوي CD تراكات ومايشيل السي دي الواحد اكثر من 80 دقيقة >>> مرة قهر

الساعة مالي علم فيها سواء الي تجيك وسط التخشيبة او الي على المسجل
لانو الفورد الي كان عندي موديلها 2001 ومسجل كاسيت

اخوووك

الله يعطيك العافيه يابعدي صادق 8 سرندل مدري على وشو لاقوه ولانشاط ولابعد من زين الطبايع يفصل على 180 :bigggrin: ليتهم خلوه 4 سرندل بس مايفصل:a1120(86):

الساعه زي ماقلت بالمسجل ماهي وسط التخشيبه والله طلعت عيوني وجبت الدفتر ومشيت على الخطوات مالقيت شي الظاهر دفتر الوكاله حق موديلات قديمه مدري وش الصرفه

مشكور وماقصرت

حمني2002 @user_178798 · 02-12-2009

اخوي الغالي نفس المشكله انا معاي فكتوريا 2009 قوة شرب للبانزين
وعندي ماركيز 95 شحليله ما يصرف لكن وش نسوي الضاهر انا بنقلبها مويه

تحياتي لك

zeco1983 @user_188948 · 02-12-2009

نفس المشكلة لدي 2006 واحس الصرفية مره عالية مقارنة مع الفوردات القديمه مع العلم اني غيرت الصفاية وشيكت كمبيوتر ولكن مافيه اي تغيير
عن جد قهر:mad1:

Feras_Yahoo @user_26052 Registered User · 02-12-2009

هوا الفورد كذا صرفية بدون عزم خخخخخخ
الله يسامحم الشركة مكينة كبيرة على 224 حصان

بالنسبة لسوئلك الأول الجنوط الي تجي على الفورد مقاسها 17 صح
دايما بعد الـ R تلقى مقاس الجنط

والمسجل حق الفورد للأسف ما يشغل ام بي ثري لازم تسوي CD تراكات ومايشيل السي دي الواحد اكثر من 80 دقيقة >>> مرة قهر

الساعة مالي علم فيها سواء الي تجيك وسط التخشيبة او الي على المسجل
لانو الفورد الي كان عندي موديلها 2001 ومسجل كاسيت

اخوووك