السلام عليكم ورحمة الله وبركاته
مسكت معي اليوم اروح لفرع وكالة المجدوعي < فاضي
أول مادخلت طاحت عيني على السوناتا نص فل بدون فتحة لكنها جات مع بعض الإضافات الجميلة
طبعاً موديل 2010 الدفعة الثانية تختلف عن الدفعة الأولى بتزويدها بإشارات بالمرايا + أزياق نيكل
ولكن مثبت السرعه حالف انه مايجي بدون فتحة !
ركبتها إلا والفلبيني ناط بوجهي ..... تكلمت معه شوي ثم صرفته
رحت لقسم قطع الغيار < يبي مرايا بإشارات
إلا ويخرشني الهندي بقولة : مراية وحدة بـ 1700 ريال
معقولة ؟ 1700 !!!!!! لو عذرناهم بأنها ذات جودة عالية ماتدخل العقل 1700 ريال
لا وتوها ما جاتهم بعد !
المهم واصفط الهندي ... رجعت للمعرض وقلت خلنا نشوف الأزيرا
لقيت ازيرا 3.3 فل اوبشن مع شاشة بـ 104000
=O
قلت ياولد انحش منهم على ذي الأسعار
رحت لقسم الصيانة
طبعاً صيانة الألف كم للسوناتا بـ 71
سألتهم عن صيانة الخمس آلاف قال لي بـ 75
يابلاش
زين العشر آلاف قال مافي معلوم
.
.
.
وبالنهاية صراحة كان تعامل الموظفين بفرع وكالة المجدوعي ممتاز
ولاتحس ان فيهم تكبر أو يتجاهلونك بالعكس هم يجونك من تدخل عندهم
.
.
.
والسلام خير ختام
