تقرير رحلة اسود الدفع الرباعي \عرق الحمراني\ 23-12-2009

آسف على التأخر بالرد

أشكرك اخوي ابوسلطان على التقرير الجميل على ذكر التفاصيل

للشباب الي يستفسر عني

أنا جيت مرافق مع زميلي أبويوسف (ل و س 8 8 7) راعي الباترول



ما جيت بسيارتي فأنا ما احب ادخلها هذي المناطق الصعبة لأن كفراتها مو عريضة بالمرة (كفراتها الحالية حقت خط مو بر :blue: )

سؤال آخر لأبو وسن، كيف تمكنت ماشاء الله تبارك الله من تجاوز القصوص من غير تعليقه؟ اغلب الشباب تعلقو فيها مع ان سياراتهم فيها جراوند كليرنس افضل من الكومندر ان لم أكن مخطئ.

ولا زلت ادور معيار الهواء بتاعي :c0214:

مشكلة اهل النيسان عندهم هواية تجميع اغراض الآخرين :bigggrin:

بااااااااااااااقي أبو وسن يكون متعلق على قص ونصورة وهو متعلق على القص بعد اليأس من محاولات التحفير .......... والأنظمة كلها على أون!!!

يعني اللي المصور اللي يقفط أبو وسن متعلق ماراح نصدقة لحد مايصور معها ان الأنظمة كلها أون!!!

استمتعنا باللسهره والعشاء .

ا

الله يعطيك العافيه يا ابو سلطان
الصراحه تقرير ولا اروع
وهلا وغلا يا ابو راشد وان شاء الله لنا شوفه والله يوفقك ويسهل لك الامر يا رب

مشكور أخ ابو سلطان على التقرير الجميل

وفعلا رحلة بدون تغريز واكشن ومغامرات لا تكون رحلة ممتعة

يا ما أحلى التغريز بالرمل عن التغريزبالـــ..........ترقبوا تقريري الجديد

وشكرا على الصور ولجميع المشاركين

وعليكم السلام ورحمة الله وبركاته

ماشاء الله تبارك الرحمن

وتقرير مميز وتنسيق وسرد أبدعت فيه عيني عليك باردة :xyxthumbs:

رحلة ممتعة عز الله إنها فاتتني ، لكن الجايات أكثر إن شاء الله

أنا والله إللي ماحصل لي الشرف بشوفتك يالغالي :rolleyes1:

مجهود كبير تستحق الشكر عليه يا أبو سلطان ولا يهونون مصورينا الأعزاء

بالتوفيق عساكم على القوة

:smile:

مشاء الله تبارك الله ..

طلعه ولا احلى ( خصوصا انها في عرق الحمراني .. ياحبني لهالعرق من بد العروق كلها ) بلا تناه بلا ابا الثمام بلا اهم ( الحمراني ولا تهتم )

مشاء الله تبارك الله ( صور ولا اروع يا ابطال وانشهد انكم هيضتونا على طلعه البر وسواليفه ) ويازين شبه الضو في البر انشهد انها تشرح الخاطر وتوسع البال بـ الحيييييل

يالله ان شاء الله نكون معكم في طلعات قادمه ( باذن الله ) بـ التاهو يا ابطال .

السلام عليكم

ماشاء الله عليكم رحلة رائعة وتقرير رائع تسلم يدك يابوسلطان

مثل هذي المواضيع تشرح الصدر وزيد اللحمة والعلاقة مع الاعضاء داخل المتندى وخارجة

اتمنى من صاحب البرادو ابو محمد ان يعطينا بعض الانطباع عن السيارة خلال الرحلة خاصة انها جيل جديد ونرغب في التعرف عليه بشكل اكبر

تحياتي للجميع ويستحق التثبيت بالتاكيد

ماشاء الله تبارك الرحمن عيني عليك باردة يابو سلطان

الله يعافيك على هالمجهود ماقصرت تكفلت بالتقرير وعنيت واخذت الصور من ابو عبدالله

ثم تعب الموضوع من رفع صور وترتيب وتنسيق

بيض الله وجهك تستاهل الخمسة نجوم

يالله شدوا حليكم نبي طلعه ثانيه

وبالنسبه للي ماجوا فيه بعضهم اعتذر قبل يوم الخميس بيومين وهذا اعتبره حاضر

وبعضهم اعتذر ليلة الخميس وهذا عذره معه واشكره على تقديره واعتذاره من بدري

وبعضهم من الصبح ونمشيها ونبلعها

لكن اللي ماعتذر ولا جا وبالاخير يرسل رسايل على المباراه هذا انا مجهز له ركبه مدفلكه بالتنسيق مع ابو أسد

المهم انه فيه ناس تبي تنجلد جزاهم الله خير

عموما عرق الحمراني أقشر بمعنى الكلمه والله يارباضاته انها ماتعرف لا الشتاء ولا الصيف

ابو وسن يمشي وراي يحلف يقول كنك تمشي على بحر من طيش الرمل

عموما حلات هالرحلات التغريز والكشن والا وش الفايده نروح ونرجع وحن راكبين مواترنا

لزوم الضحك والذب والمسكات على بعض ياحبي لكم جميعا :bigggrin:

ابو هذال لا تعلق جيب اللكزس ذيك الساعه له الفخر انه انت اللي تسحبه ماهو التاهو

واللي يسأل عن انطمة البرادو الجديد هل ساعدته او لا التعليقه لو عنده عشرين دفلك ماتطلع ابدا لانه جميع الكفرات تضرب بوش وبالتالي صور 6 في 6 مع انظمتك انت وياه

يوم اتعلق انا حتى الهيدروليك مافادني ولا حتى رفع السياره

تقرير ابداع أبوسلطان .............. وأخيرا شفنا أبو منصور ينسحب

بااااااااااااااقي أبو وسن يكون متعلق على قص ونصورة وهو متعلق على القص بعد اليأس من محاولات التحفير .......... والأنظمة كلها على أون!!!

يعني اللي المصور اللي يقفط أبو وسن متعلق ماراح نصدقة لحد مايصور معها ان الأنظمة كلها أون!!!

عشان نكون مقتنعين انو الحمراني انتقم من الكل.......... كما جرت العادة .... هههه

تقرير ولا أروع وتميز التقرير بكثرة الصور
تعرفون حنا يالشيبان نحب الصور أكثر من سواليفكم يالجيل التالي!!!

تحياتي لك

ماشاء الله وش موديك هناك
ترا فيها مناطق مسكونه ( جن ) المناطق اللي داااااخل يعني 90 كيلوا وانت ماشي يوم صوت الصفيرة يفقع الراس (صوت السكون) ..... هههههههه

الحمد لله اللي رجعتو سالمين وأنا بالذات أبغى تقرير عنها ...... أحب قعور ذيك الأرض (كنت أبموت فيها مرة)



تحياتي لك

ما شاء الله تقرير رائع وصور رائعة جداً سلمتم جميعاً.

أفا يابو منصور، يسحبك كوماندر؟ ما كانت الهقوة

تمنيت اني طالع معكم لكن للاسف الظروف ماسمحت لي

مرحبا ابو سلطان

ما شاء الله تبارك الله رحلة خفافي وجميلة جدا
بس ناقصها أكشن شوي
..:: :bigggrin: ::..

تقرير ولا اروع ما شاء الله ولقطات احترافيه
وعشوة يحبها قلبك
وكن قائدكم ما تهنئ بالزعيم


عموما نبي منكم رحلة تستاهل العنوة يومين ثلاثة وان شاء الله بنشاركم انا وكم واحد من قروب المدينة

وخمس نجوم ( بس عشان الشعار :ch19: )

تحياتي ..

وليتكم عطيتونا انطباع عام عن البرادو الجديد والقديم


كانت فرصة مواتيه للحكم بوجودهما حاضرين ووجود اماكن تجربة ووجود خبراء بالدفع الرباعي


اتمنى لو كنتم استغليتوها


تحياتي ..

الله يجزاك بالخير يا أبا سلطان
تقرير طيب مثل راعيه0
وكان بودي أن أكون معكم،ولكني كنت مرتبط مع الشباب في النفود-بيني وبينكم فقط 800كم-الكبير وراء حائل0:ch19:

شيء رائع بارك الله فيكم ابو سلطان تصلح معد تقارير مع قناة ترفل ديسكفري