السبت 18 أبريل 2026
عاجل

المشورة يا شباب ابيكا ولا لومينا...!!!

نادي السيارات الأمريكية مغلق
38 رد 8,531 مشاهدة 24 مشارك الأقدم أولاً
ا
المتصبر @user_206483 · 15-01-2010
السلام عليكم و رحمة الله

انا ميزانيتي يا شباب 55 الف ريال

و بعد لفلفة في معارض جدة

عندي خيارين:

الخيار الاول

لقيت لومينا اللون ls اسود 2006 اقل فئة على الزيرو ب 47 الف ريال

و الخيار الثاني

ابيكا 2009 على الزيرو فل اوبشن بدون فتحة سقف على الزيرو ب 53 الف ريال


ابغى رايكم يا جماعة


والله جدا محتار

و اذا احد يعرف معرض فيه سيارات في حدود هذا المبلغ يا ليت تدلوني

في انتظاركم
ش
شهريار7 @user_173701 · 23-01-2010
اذا الاثنين عالزيرو اكيد اللومينا هذا رايي
d
dark knight 316 @user_174503 · 23-01-2010
ابيكا.....
m
mr.magna1 @user_52733 · 22-01-2010
اختيار صعب
حسب علمي الابيكا قطعها ارخص بكثير من اللومينا
واللومينا اقوى
لكنها اقدم
انا راح احتار مثلك
لكن ممكن في الاخير اقللك توكل على الله وخذ اللومينا
س
ستايل مان @user_207580 · 22-01-2010
الومينا والله موتر
س
ستايل مان @user_207580 · 22-01-2010
لومينا واقطعع
س
سامر حسن @user_197444 · 22-01-2010
اللومينا افضل

بس بمقارنة الموديل 2006 بـ2009

انا افضل الابيكا
A
ARMADAWOW @user_39776 · 21-01-2010
الومينا دامها 2006 يعني الشكل القديم ومخزنة ابعد

لان التخزين له اضرارة في الربلات والرمان والسيور واشياء كثيرة السيارة الي ماشية قليل افضل من المخزنة ,,


ثانيا دام ميزانيتك في حدود هالمبلغ ارى ان سوناتا 2010 اقل فئة ب54 الف ريال بالمعارض
افضل من الابيكا من ناحية الاعتمادية + الداخلية + الرغبة عند البيع + توفر قطع الغيار

واشياء كثيرة ’’

وعشان لاتتعب نفسك كثير روح للمعارض وشوف اي سوناتا 2010 وقوله ابي اشغلها وشوف كيف الاضائة والداخلية والله سيارة غير ,,

واستخر والله يوفقك
H
HOLDEN HSV @user_142776 · 21-01-2010
K
KYRON
انحش مرة وحدة؟ وش دعوة الإيبيكا فامباير؟
كم موديل سيارة اللي انت تعرفه؟
وش المشاكل اللي تورط فيها خويك. عددها لي وحدة وحدة وايش اسبابها.
وايش القطع اللي تورط فيها؟
هل محافظ على سيارته وعلى صيانتها الدورية؟
هل رزين بقيادته؟

بانتظار اجابتك، اما كلامك فمرفوض تماماً.
مللنا هجومكم الظالم على الإيبيكا. كأن الإيبيكا سبحان الله مصنوعة من الورق.


وسع صدرك اخوي
هذي صارت عاده في هذا المنتدى التهكم الساخر على اللومينا و الكابريس مع الابيكا ايضا
و احسن شيء تسويه لا ترد عليهم
طبعا انا معي لومينا
و من كثر ما ارد عليهم كرهت سيارتي بالرغم اني مرتاح فيها و ما واجهت اي مشاكل الا بعض الاشياء التي تكاد لا تذكر
سلام :xyxwave:
ن
نـاصر @user_80714 · 21-01-2010
^^^

خخخخخخ

اخوي الى ترتاح له خذه والله يوفقك
K
KYRON @user_5890 · 21-01-2010
م
معكالي
:c0038:انحش من الابيكا والله مشاكلها كثير اعرف واحد اغتر بشكلها وسعرها المناسب وتورط بخراباتها وقطع الغيار -----وشكر

انحش مرة وحدة؟ وش دعوة الإيبيكا فامباير؟
كم موديل سيارة اللي انت تعرفه؟
وش المشاكل اللي تورط فيها خويك. عددها لي وحدة وحدة وايش اسبابها.
وايش القطع اللي تورط فيها؟
هل محافظ على سيارته وعلى صيانتها الدورية؟
هل رزين بقيادته؟

بانتظار اجابتك، اما كلامك فمرفوض تماماً.
مللنا هجومكم الظالم على الإيبيكا. كأن الإيبيكا سبحان الله مصنوعة من الورق.
s
speeed1 @user_47102 · 20-01-2010
اللومينا سعرها غالي شوي لو 40الف اقول مقبول لان الجميع في عام 2007 وبدايته كنت مفكر اشتري وحدة موديل 2006 وكانت ب 52الف وال تي زد بحدود 60الف وطبعا ع الزرو
ارشح الابيكا لو الخيارين فقط واللومينا ما تعيش بدون مشكال حتى لو حافظ عليها
م
معكالي @user_205921 · 20-01-2010
:c0038:انحش من الابيكا والله مشاكلها كثير اعرف واحد اغتر بشكلها وسعرها المناسب وتورط بخراباتها وقطع الغيار -----وشكر
ف
فايربيرد1982 @user_150078 · 20-01-2010
اخوي امير الرومانسية
متأكد انو الابيكا راح تنقطع ؟؟؟؟
صراحة خبر غريب
وماسمعت عنه
؟؟؟؟
بعدين انا معي ابيكا 2007
الحمد لله مريحتني على الاخر
بس عيبها فقط في موضوع العزم شوي
آ
© s p e n c e r © @user_35432 · 19-01-2010
ا
المتصبر
اخوي امير تسلم على الرد

و السيارتين على الزيرو اكيد

والله يكتب اللي فيه الخير

انا المشكلة ما عندي اي خلفية في الامريكي

جزاك الله خير




ترا ولا وحدة منهم امريكية

اللومينا استرالية والأبيكا كورية :smile:

اعتقد ان الأبيكا افضل لأن موديلها اجدد

بالتوفيق
K
KYRON @user_5890 · 19-01-2010
أ
أمير الرمانسية
يا حبيبي اللومينا أفضل لأن الأبيكا راح تنقطع من 2010

ولا راح تلقا لها قطع متوفرة



الاخ العزيز صاحب الموضوع
الرجاء عدم الاخذ بمشاركة الاخ اعلاه، حتى يأتي بدليل وبرهان دامغ على توقف انتاج الإيبيكا.
ك
كـ87ـآبـرس @user_102857 · 18-01-2010
والله يابعدي انا ارشح لك الابيكا وبجداره
صراحه سياره عمليه ومجربها ومثل ماذكر احد الاخوان العزل 100% عبيها فقط بنزين 95 وريح راسك واعتماديه بالخطوط ماشاء الله فيها حاجتين ماتعيبها مثلها مثل اي سياره بالسرعات العاليه على 200 مع الهوا الشديد يلعب فيها + الطلعات مثل الكر وديراب قبل دخول الرياض ماتقواها
وخذ لك موديل 2009 افضل من انك تاخذ موديل عدا عليه 4 سنوات مثل اللومينا ماتعرف اي شي عن سوا تخزينها او المشاكل الي بتواجهها لاحقا
K
KYRON @user_5890 · 17-01-2010
أ
أمير الرمانسية
يا حبيبي اللومينا أفضل لأن الأبيكا راح تنقطع من 2010

ولا راح تلقا لها قطع متوفرة


ماهو مصدرك ياعزيزي على انقطاع الإيبيكا في 2010.
الرجاء الرد عاجلاً.
ع
عاشق الماليبو @user_206811 · 17-01-2010
انا اختار الابيكا لانها جديدة مع ان اللومينا رائعة وقوية بس روح خذلك فرة على المعارض يمكن تحصل شيء حلو
D
DENZEL @user_176961 · 17-01-2010
شوف يالذيب .. انا يوم قرأت اسم الموضوع قلت اكيد لومينا .. لكن يوم دريت انها مخزنه 4 سنوات .. بديت احتار .. انا اقول توكل على الله وخذ لك الابيكا

بالتوفيق