يوكن ولا لاندكروزر

طيب الرجال عطاكم ادله ماعطاكم كلام فاضي وتعصب.. ردو عليه بالمنطق والادله .. موب كلامكم هالفاضي الي يدل ان ماعندكم الا الدجه ..


استمر ياولد وايل ولايهمونك

خخخخخخخخخ و الله انك صادق
الواحد يكتب رد يملأ الصفحه و كأنك متكلم بعرضه ما هو بسياره راس مالها حديد X حديد
روقنا يا ولد وايل :smile:

خذ لاند كروزر ولا تشاور اترك عنك اليوكن وشكاله خرد يالصاحبي خرد
لو تشيل مقعدة اليوكن حقت السواق وتشوف كثرة الفيوزات والمكثفات وووووووألخ
والله متاخذه 0

^^^
كفو يا بطل !
:bigggrin:

^ ^

والله انك صادق كلن بموتره مستانس <<<<< ما تلاحظ اني معك على طول الخط:smilie16:

^^^
:bigggrin:
يا أبن الحلال عط الرجال جوه ،
وكل واحد بموتره مستأنس ،

اخوى ولد وايل ماتلاحظ انك زودة العيار حبتين وكانك مالك تويوتا على غفله

السيارات الامريكيه فى الراحة والفخامه ارقى بمراحل من اللاند الى قاعد تمدحه وكانى راكب هايلوكس

والله ياولد وايل يوم صرت هلالي ماقدر اتهاوش معاك

والله شف لو انت راعي خطوط وبلد خذ يوكن لو انت راعي بر وبلد وكل شي خذلك فكسار مواصفاته جدا جدا حلوه ولا تنخدع من اللي يقولك الفكسار مافيه مواصفات لا انزل لهم موضوع يتكلم عن مواصفات الفكسار اللي مايعرف الصقر يشويه ولايقعد يتلفسف ويألف كلام من عنده

^^^
الموضوع طغى عليه التعصب يا أخوان ،
الواحد يتكلم وكان الناس تسب أبوه ، :bigggrin:
[GMC]
للقوة هيبتها ،

بكثير :bigggrin:

عطني اليوكن افضل في وش من اللاندكروزر

وانا اعطيك ليش اللاندكروزر افضل بمراحل ولا يوجد مقارنه بين السيارتين من ناحية جودة الصنع والشهره والانتشار

سياره قيمتها الاصليه اللي بأمريكا 195 الف
اللانكروزر قيمته بالضبط 270 الف بأمريكا بالله كيف تقارن بين السيارتين وتفضل الارخص والاقل جوده في الصناعه على سياره اعلى منها جوده

رغم انه السيارتين من فئات مختلفه موتر للمواقف والزفلت وموتر للبر والجلد والطرد و و و و و الخ

موتر يباع في اكثر من 80 دوله وموتر مايباع في اكثر من ربع الرقم المذكور



لا ياشيخ اجل وش يدل عليه الله يصلحك تحسب اللاندكروزر يمسك سعره بس عندنا

ادخل على موقع Ebay والا موقع ياهو او اي موقع بيع سيارات بأمريكا وشف اسعار اللاندكروزر بجميع الموديلات المستعمله مع اليوكن الدينالي وشف من اللي يمسك سعره

كلام فاضي حتى اليوكن يزيد سعره في كل موديل بل جميع السيارات لابد يزيد من 10 الى 25 الف




من قالك انه مثبت السرعه ماهو موجود باللاندكروزر

بعدين اللاندكروزر فيه خيارات كثيره وتقدر تاخذ سيارتين بنفس الفئه وحده فيها مميزات ماهي موجوده بالثانيه والعكس

وعلى فكره الـ G فقط مايجي فيه مثبت سرعه والا الباقيات موجود الا القير العادي

بعدين لا تقارن بين سياره فيها اكثر من اربع فئات وبمواصفات تختلف من تصدير لآخر

مع سياره مافيها الا ثلاث فئات وكلهن معروفه مواصفاتهن




الله واكبر الحين البصمه صارت ماتضيف شي

بعدين وشلون ينسرق الموتر ومفتاحه ماهو فيه تلعب علينا انت والا لاقينا والا وش السالفه

اقر الآيه اللي تحت بالمنتدى وتمعن فيها زين الله يصلحك ويهديك بس

اجل انسرق وهو بصمه ايه الله المستعان بس :bigggrin:



اي شي يذكر خلاص تصدقه انت

وشلون ينسرق الموتر ومفتاحه ماهو فيه والموتر مايشتغل الا بزر تشغيل والمفتاح لابد يكون داخل محيط السياره شي غريب

او يمكن نقزو زر التشغيل :bigggrin:

,

كيف تقول وش المميزات

خلنا نجيب فئه الفكسار

الـ 2009 مواصفاته اللي ماكانت موجوده في الـ 2002
شاشه نفقيشن مع دي في دي وبلوتوث وكميرا خلفيه
ذاكره ابواب
طاره كهربائيه
نظام الكرول كنترول
نظام الـ KDSS
نظام انزول المنحدرات DAC
نظام الـ VTT-i
ايرباقات جانبيه واماميه
قير خمس سرعات
الموتر اوسع واكبر حجم واكثر رساوة واريح وافضل عزل

هذي المواصفات الجامده اما الباقياات مثل المسجل وذاكرة المراتب والمرايات وباقي هالامور ماتحتاج تنذكر

غير مواصفات اللاندكروزر الفريده واللي ماتلقاها الا فيه

مثل الونش والاسبيرين وكاله بنفس جنوط الموتر ماهو جنط اسود مثل بعض الكسر


ممكن تعطيني وش المميزات اللي باليوكن خلت سعره يرتفع من 124 الى 165 الف من موديل 2006 الى 2007

ماني جايب لك اليوكن اللي كان بـ 90 الف عشان مااحرجك خلنا في موديلات 2006 و 7

الجوده مافيه مقارنه الاند سياره مخصصه للبر والكرف والطرق الوعره والدفع الرباعي موجود في اقل فئاته ولاكن اليوكن مخصص للطرق المعبده والدبل لازم تزيد المبلغ عشان تاخذ دبل..

حبيت أذكر معلومه إكتسبتها حسب خبرتي الطويلة بهذه المحركات و ما تتميز به
و لاحظت نقطتين مهمين جدا بمحركات لاندكروزر و فورتيك

تويوتـــا VS جنرال موتـــورز
كلاهما شركات أمتازت بصناعة محركات و هياكل تتحمل و تعمر و اعتمادية عالية ( عدا الحالات الفردية ) و أمان أعلى مما سبق و ذات قيادة ممتازة لدرجة أنها أصبحت تنافس و مرغوبة أكثر من السيارات الأوروبية التي عادة ما تكون 4 أضعاف السعر

محركات لاندكـــروزر لو تلاحظها و تستعملها ستجد أنها تصل لأقصى عزمها عند أقل دوران من المحركات مما يقلل من أستهلاك المحرك و يخليه يعمر أكثر ناهيك عن قدرات الدفع الراعي المتاحه و سبل التحكم فيها المتاحه للسائق كازرار و أدوات و غيره

محركات فورتيـــك لا تصل لأقصى عزمها الى عند دوران عالي جدا و لكن ما يميز محركات فورتيك أن الضغط العالي عليها بإستمرار عادي جدا ولا تتأثر كالمحركات الأخرى , يعني دوس على المحرك ولا يهمك اذا فورتيك


هل صحيح ان تويوتا قضت على جنرال موتورز ؟



.

لا اعتقد هذا صحيح , مبيعات جنرال موتورز تثبت عكس ذلك و المشكله تقع في الإدارة ادارة جنرال موتورز من أسوأ الى أسوأ ولا تستطيع أن تستخرج من هذه المبيعات أرباح معقوله و لكن لن تنتهي هذه الشركة لماذا ؟ لأنها صنعت أفضل سيارة عائلية بالعالم و هي السوبربان ( و سيارات أخرى ) بل هذة السيارة هي نتاج خبرة صناعة أمتدت لقرن من الزمن ( 100 سنه ) و حتى لو افترضنا أنها عرضت للبيع سيلتقطها المستثمرين و بسرعه لانهم يعلمون جيدا أن المشكله هي بسوء الإدارة و بمنتجات مميزة و ذات نجاح مضمون .

.



.

بهذا التفسير البسيط ستبقى جنرال موتورز و ستنافس و ربما ستنتعش و تستحوذ على السوق مرة أخرى

هذه شركتين ليستا بحاجه أن تجتمع مع شركات أخرى فقط لأن تعطي للسوق منتج أفضل , لأن منتجاتهم أصلا هي الأفضل و ليسوا بحاجه لذلك بل الشركات الصغيرة الأخرى تسعى بكل الوسائل لو تحصل على فرصه للعمل مع هذه الشركتين المميزتين






.

يا خوان سبب غلاء تويوتا هو الوكيل المملكة كلها وكيل تويوتا واحد وهو عبد اللطيف جميل هو محتكر تويوتا بالسعودية
بينما سيارات جي ام لها بالسعودية اربع وكلات العيسى والتوكيلات العالمية والجميح وبابليد
بالاضافة ان اليابان بلد منتج يفرض رسوم غالية تقدر 200بالمية من السعر الاصلي
على بعض المنتجات واظن اللي اشتغل بالاستيراد واقتصاد اليابان معتمد على الصناعه
بالدرجة الاولى

اليوكن والتاهو كسيارة خطوط طويله وعائليه افضل بكثير من اللاند كروزر
اما السعر مسألة انه يمسك سعره السر في ذلك هو تسجيل زياده في سعره في كل موديل جدبد ولايدل ذلك على الجوده المميزات اليوكن افضل بمراحل كثيره من اللاند وإلا ماهو تفسير عدم وجود مثبت سرعه بكثير من سيارات اللاندكروزر بينما ذلك متوفر بكل فئات اليوكن والتاهو ومعظم سيارت GM وهو لايكلف الشركه شي اما من ناحية البصمه هي لاتضيف الشي الكثير إذا كانت لاتحمي السياره من السرقه وقد سمعتا 2009انسرق بالرياض على الرغم من وجودها وذكر هذا الكلام بالمنتدى,المشكله تكمن بعدم طلب مميزات من الوكيل تايوتا بأمريكا اكثر مواصفات من هنا ,فرق 100000الف عن موديلات 2002 ماهي الأضافات اللتي زود بها اللاند اللتي تستحق هذي الزياره عندما كان بــ130 الف لايوجد فرق إلابتغيير الشكل ولايعني ذلك الكثير ..

السيارتين جميله وكل وحده فيها مواصفات ومميزات عن الاخرى وانت شوف وش عاجبك اكثر واستخير وتوكل على الله

سبحان الله الحين صار رخص سعر السيارة يعتبر عيب ؟؟؟:c0038:

إرحمونا عقولنا يا متعصبي تويوتا :a1120(82)::a1120(82)::a1120(82):

اليوكون افضل بمراحل كثيره
اوسعو افخم و احلى شكل و شبابي و رسمي و مواصفات روعه و مكينه جباره عن مكينتين للاندكروزر و فرق السعر الشاسع!!!!
و لي عتب لبعض الاعضاء ليش توهمون الشعب السعودي ان اي شيء تويوتا ما يخرب ابد و جودة لا يعلى عليها ؟؟؟
لدرجة اني في ايام الجاهلية اذا شفت كامري بالورشه انهبلت اقول كيف الكامري تخترب :confused1:
كل السيارات تخرب و بلاش كذب و تظليل على الناس