يوكن ولا لاندكروزر

بالله عليكم جيب اللكزس الجديد اللي مثل البرادو هل فيه شي يوصله ل 270 الف ياجماعة الخير شي مستفز ياعمي آخذ يوكون دينالي فل الفل وأوفر 90 الف في جيبي
ليه المبالغة هذي
لكن للأمانة السيارة اللي تستحق سعرها هي اللكزس ال اس هذي تمام لكن الباقي لالالالالالا حراااااااااااااااااااااااام

^^

عزالله ما قلت الا الصحيح

جرّب اليوكون والله راح تدعي لكل من نصحك

^^^
فعلا ً إذا وصلت السعر هذا أطق لي رنج روفر واريح رأسي
وش الكلام هذا << أبو جميل شغال زي الحلاوة والعالم تظف :bigggrin:
أقول يا صاحبي GMC وراح تدعي لكل واحد نصحك فيه ،

السلام عليكم ورحمة الله وبركاته
ياولد وايل بلاش التعصب انا ما اقلل من خبرتك لكن انا مجرب والتجربة خير برهان
اللاندكروزر واليوكون كلهم عينين في راس وكلهم حقين كرف ومكدة وحنا جربنا كل منهم
وتويوتا الآن جودتها معروووووووووووووووووووووووووووووووووووووووف مو مثل أول نظييييييييييييييير السعر المبالغ فية اللاند كروزر فل اوبشن
ازود عليه شويه وآخد رنج روفر فوج
اذا جينا للمقارنة بين الرنج والكروزر اظن النتيجة معروفة
وفي الختام اختلاف الرأي لايفسد للود قضية ورضاء الناس غاية لا تدرك
تحياتي

بالنسبة لي أنا أفضل اليوكون لأنه أحلى وأشيك

والله يالغالي من مجرب

السيارتين ما عليهن كلام كل وحده احسن من الثانية ولو ان اليوكن اميله لان سعره
معقول وجبار في الخط والبر سيان
صدقني لايقل فخامة ولا كده عن الكروز وسواء شريت يوكن ولا لاند باذن الله ما تحسف
والضايع بين الاخوان مندل خخخخخ

شوف اخوي انا بالنسبه لي اقولك الاندكروزر...صحيح انه غالي لكنه شيك في الجيب يعني سعره ما ينزل كثير عند اعادة البيع عكس اليوكن و الامريكي بشكل عام ....ثاني شي اللاند معروف عنه خراباته قليله و يعمر معاك وحق كراف وينفع للبر....اما اليوكن فسعره ينزل بشكل كبير لكن الميزه اللي اشوفها فيه بانه افخم من الجي اكس ار لكن الفي اكس ار افضل منه...وفي الاخيراللاند عملي اكثر ولو انه غالي...بالمناسبه سمعت قبل كم يوم بمشكله في احد سيارات التاهو او اليوكن مو متاكد بس المشكله انه لما تظغط على الفرامل يقفل الدركسون بس طبعا هذا عيب مصنعي باحد السيارات مو كلها لكن حبيت اخبرك باللي سمعته من الاذاعه... ولا تنسى قبل كل شي اتصلي صلاة الاستخاره...
مع التحيه...

اقول يوكن

احسن اشي بالاندكروزر مع احترامي علامه تويوتا فقط !

ولا حد ياخذ ردي تعصب وجه نظري

اليوكن صراحة مواصفات جبارة وسعره فيه !!

اما اللاند كروزر صراحة مبالغ فيه جدا جدا

يابن الحلال من ناحية التحمل اللاندكروزر افضل مايبيلها طقه عصى

الفخامه الناس واذواقها

لكن جودة الداخليه اللاند كروزر اجود ماهو قليل بل بمراحل كبير عن مستنقع البلاستيك اللي طايح فيه اليوكن

في سياره تنتشر رغم غلاء سعرها ووجوده منافسين كثر وهذا يدل على سمعتها الطيبه

وجودتها الميكانيكيه والتصنيعيه

وفي سياره تنتشر بسبب رخصها لدرجه انه بعض السيدان المتوسطه اغلى منها


باختصار الغالي سعره فيه

الاند كروزر افضل يكفي البصمه والمفتاح الذكي وموتر كشخه وقطع غيار في كل مكان واجود من اليوكن واصبر وافضل عند البيع والله يكتب لك الي فيه الخير ولاتنسى الاستخاره...