صوت سبب لي شد عضلي بالمخ....

بعد جهد جهيد وفحص متواصل واجهاد للمهندسين.... تبين الآآتي...


وديت السيارة لورشة البلاد بالصناعية القديمة ورشة جديده فيها مهندس يقال له ابو احمد...

صراحه الرجل ناااصح جدا...

اول ماركبها قال هي من الرمانات اكيييد ولا لك الا الرضى بس جب طقم الرمانات من الوكاله وابشر بعزك....


جبت له طقم رمانات (بيرنقات) مع الصوف وزيت ووجه (قازقيت ) الكرونة...

وجاب فني هندي اشباهه باكستاني...اسمه الشيخ مخدوووم...

الزبده انه جلس ع الموتر 3 ساعات تقريبا فك الفلنجات والعكوس وغير الرمانات والزيوت والصوف وطبق القطع من جديد..

التجربه الحمد لله الموتر راااح الصوت ولله الحمد ولا اقول الا الله يتممه ع خير ان شاء الله..

وشاكر جميع من شارك برأي او مشورة ...

الله يعافيكم ويبارك بكم....

شاكر لك مرورك ونصيحتك..... بأشوووف التوصيلات الاخرى.
بارك الله فيك





عافاك الله




امممممممم ما ادري انت اخبر لكن الاختياري في اليوكون والتاهو السعودي هو الدبل المفصول ما يجي مستمر مطلقا..

المشكله مش من الدبل اكييييد لأن كذا فحص اكد لي ان الدبل سليم...

والصوت ماطلع الا بعد ما قطعت السيارة 150الف ك او 160 الف ك تقريبا... وكل ماله يتغير طريقه رتم الصوت لكن ماتزيد...!!

يبدأ الصوت معي من سرعه 40 ومع السرعه يبدأ يختفي ولا ادري هل من صوت السيارة يختفي ولا ان الصوت ينقطع...

المشكله انه لو بيرنق كان يزيد الصوت ويكون مزعج جدا...

انا ما اخفيك استخدامي مطلع قيمه الموتر يني امشي فيه بمياهـ وطين وتربات وماخليت شي بس الله يخلف




ما اتوقع يبين بالكمبيوتر الا ان كان من القير والقير مفحوص سليم...

شكرا لك

روح الوكاله وخليهم يسوقونها والكمبيوتر مشبوك وبيعرفون ان شاء الله ولك اخيار تصلحها فى اى ورشه...الوكاله اولا!

يجي دفع رباعي مستمر وهو اختياري بالمواصفات السعوديه من2007 وصاعد باليوكن,, واساسي بالدينالي والأسكاليد

اما السيارات الأمريكيه من 2004 اختياري وانا معي 2004دفع رباعي مستمر لكن الثقيل يدوي خلاف الدينالي الثقيل اوتو ايضاً ,,

لكن احنا ودنا نتوصل قدر الأمكان لمشكلتك ,,,وعندي اسئله ربما تسهل حل المشكله لأنك لم توضحها,,

1-هل الصوت هذا من شريت السياره ؟او كان بسيط وزاد بعد ذلك؟وإذا انه جديد على كم مسافه طع تقريباً بالكيلو؟
2 -لم توضح بموضوعك هل السياره دبل؟أم لا..إذا انها دبل ربما انه موضوع عى الأوتو ويفصل على سرعة80كلم.لأني اعرف واحد اخذ معه شهرين وهو على الأوتو وكان يشتكي من صوت وثقل بالدركسون ,

اما الفلنجات هي تطلع صوت حنّه ولكنها ماتستهلك إلا على مسافات طويله او سنوات قد تصل للـ8سنات وطالع اما سيارتك تعتبر حديثه واكثر مايدمر الفلنجات الأماميه الممشى بالمياه بكثره ولاتستطيع تغيير الرمان لازم كامله مع مسامير الجنط وسلك حاس الفرامل وهي نوعين تجاري بــ450واصلي 600 ريال للموديلات من 2006 ونازل التجاري مسامير الكفر لونها اسود ولا ينصح بها

وأنا أقول لا تستعجل وتغير شيئ إلا أنت متأكد منه 100%
والله يوفقك

لا تستعجل

إعرض سيارتك على أكثر من فني يمكن يكون الخلل بسيط

لي تجربة على سيارة سابقة كان فيها صوت و الورش محتارين الصوت من عمود الكرنك أو القير

وبالأخير بعد عرضها على خمسة ورش أو تزيد طلع الصوت من الشكمان ملامس للبدي وكان التصليح فقط بـ 10 ريال

أنا أقول لا تصلح السيارة حتى تتأكد 200% من العطل الحقيقي مع تمنياتي لك بالتوفيق

حياتي انت....:bigggrin:

انا المشكله ما اعرف اميز وين المشكله ومالي الا حل اني اغير البيرنقات الخلفيه والفلنجات الاماميه وقلت ممكن القى حل اقل تكلفه....

لكن الظاهر فيني فيني اقط 4 الاف او تزيد <<< أهئ أهئ أهئ:a120(115):

يا بعدي انت....

المشكله انه لما ارفع الموتر.. والفه بيدي يعطيني نتائج إجابية.... ماتبين معي هل هو سليم او عاطب...

حتى الفني اللي بالورشة يقول ما يبين معي...!

والموتر متأكد ان الدبل مفصول ما تدور الكفرات الاماميه ابدا....

ومن ناحية ارفعها كامله وادوس ادور الكفرات هذي من المحاااااااال.... لأن التراكشن كنتروول يدقر عطول يعطي اشارة ان الكفر يدور بوش ويقفل الدرنس وتفرمل السيارة ويقفل الدفرنس...توقف كل الكفرين لأن الدفع عندي للكفرين مع بعض مش كفر واحد بس الكرونه تشبك (الزبده حاولت وفصلت فيوزات ع شان ادور الكفرات وعجججججججزززززت....
انا دخلت المنتدى لأني ابي اشوف حل لها الشئ الغريب صرآآآحه... حيرني عجزت اعرف من وين...<<<< ياكثر هرجك....

شكرا لكـ عزيــــــــــزي....

عليكم السلام ورحمة الله .

أخوي أنا من وجهة نظري ان المشكلة يمكن تكون من الرمان ( رمان العكس ) الداخلي او الخارجي طبعا لازم تتأكد مررررره قبل الفتح لأن السعر غالي ومكلف علشان كذا حاول تتأكد هل الصوت امامي او خلفي بواسطة السمع وانت تمشي في السيارة وحاول تكون النوافذ مغلقة هذة طريقة والطريقة الثانية مثل ماقالو الشباب ارفع السيارة وشوف بس غالبا مايكون صوت الرمان واضح الا اذا كان عليه حمل .
بس حاول في اسرع وقت تكتشف المشكلة قبل ماتزيد عليك القطع التي يبيلها تبديل خصوصا اذا كان الرمان .

تحياتي انا ......

وعليكم السلام والرحمه

من ردودك اخوي اتضح ان السياره والله اعلم انها دفع رباعي الا اذا اعتقادي خاطئ

ولكن شيك على البيرنجات مثل ماقال الاخوان

وايضاً اذا السياره دفع رباعي حاول تتأكد بالفعل ان النظام مطفئ وحتى لو كان الزر

تبع الدبل يوضح لك ان السياره في وضع الدفع الثنائي فقط

وذلك برفع السياره كامله والتجربه على بالفعل الزر يفصل النظام او انه يعلق ثم يشبك

طبعا لاننسى اذا السياره لها مشاحم حاول انك تشحمها

ولكن التقرير السليم لازم ترفع السياره وتلف الكفر وتشوف الصوت من فين

أخوكـ

عافاك الله اخوي...

بس الموتر مافيه دفع رباعي مستمر ما يجي الدفع الرباعي (المستمر) الا بالدينالي والاسكاليد...

إسيارتك دفع رباعي مستمر فهو من الدبل يفصل على 80 او من الفحمات الفلنجات تبين إذا رفعت الكفر ودورته بيدك يصير دورانه خشن وله صوت

يابن الحلال غسلتها لمن اذنت.... يمكن 4-6 مرات غسلتها بستم...

شكرا لك....

بأجرب لكن مثل ماقلت اني غيرت الطقم الاول...

اول شي غسل السيارة بستم وبعدين شوف