حرارة الفورد ورأس الماكينة- أبي كلام أكيد تكفون

اغلق الموضوع لعدم تفاعل صاحب الموضوع مع الردود

شيك على الخرطوش اللي رايح للمكينة اللي تحت والطريقة هي انك تدعس ابنص على الاخر وتشوف الخرطوش اذا كمش غيرة
وطرمبة الماء والبلف والغطا حق الرديتر

المشكلة الكبرى تقريبا من البلف والله أعلم ممكن إنه مو شغال ميه بالميه أو المروحة وبذلك أدى لكسر ثلاجة الحار وبعدما تم إصلاح الثلاجه ضبطت ولكن البلف أو المروحة لم يغير وأيضا أدى لكسر إما بثلاجة المكينة أو باللديتر أو بالليات

شيك علىها وأخر شي تفكر فيه الراس لأ، الراس مو بالسهوله حرابه

انا معاي مشكلة الحرارة بس ماترتفع الا اذا مشيت عليها اكثر من 120
او شغلت المكيف على العالي
وبعدين يقولي الكهربائي انه طبيعي الخرطوش يكون متحجر لما تكون السيارة شغاله اكثر من ساعه ؟؟! ما ادري هل الخرطوش يتحجر او لا

نفس المشكله صارت لي بماركيز 99 أمريكي رحت وغير طرمبة الماء أصليه بــ 200 ريال .

شوووووووووووووف حبيبي قبل لاتدفع فلوس ع الفاضي أبيك تسوي كم شي الله يعينك علي ههههه
شوف حمي السياره دقيقه أو أقل خلي الزيت يدور بالمكينه
قم وأفتح غطا الرديتر وبعدها ياغالي أدعس بنزين أبنص النص وشوف اذا كانت المويه تفور فهذا الله يعينك راس المكينه
والشي الثاني حبيبي متا أخر مره غيرت زيت المكينه ومتا أخر مره غيرت مويت الرديتر ومتا أخر مره سيخت الرديتر وبلف الحراره وغطا الرديتر
قبل تدفع وتطلع المشكله من الاشياء البديهيه باليساره أول شي سو أو طريقه طريقه أنك تفتح غطا الرديتر وتدوووس بنزين أذا شفته يفور بشكل ملحوظ خلاص راس وبعدها ووضبها واذا كانت العكس بالعكس سو للرديتر تسييخ أو تنضيف بالفلاش فك سرت الرديتر وكب علبه فلاش مخففه فلاش أمريكي تلقاه بخمس ريال تلقاها مخففه بمويا مو حبوب المهم بعد ماتنزل موية الرديتر اقفل السره وكت العلبه فيها وقفل الغطاء
وبعد يوم بالضبط غير المويه وشوف البلاوي وهذي كفيله يعني بدل ماتدفع ثمانين لتتسيخ
والعذر ع الهذره

يا خوفي صبيت مويه قبل لا تبرد السيارة ترى نص ساعة ساعة مو كافية هذا حديد

الثلااااااااااااااااجه

هذي اعراض الثلاجه

شيك على الثلاجه اذا تهرب او لا

اخوي انا ضد موضوع انك تمسح باصبعك علىالرديتر لو حصلت زيت يكون الراس خربان لأنه كل سوائل التبريد التي وتوضع بالرديتر لها لزوجه وتعطيك احساس بأن اصبعك لامس زيت
انا اسمع اخوي انك لو فتحت الرديتر والسيارة باردة طبعا لو شفت الموية تتحرك وتطلع وتنزل كأنها تغلي يكون في عطل براس المكينة والله اعلم

اذا الليات محجرة من ظغط الهواء
هذي روس 100%

بسم الله الرحمن الرحيم
السلام عليكم ورحمة الله وبركاته
لارتفاع درجة المحرك اسباب كثير واكثرها مطروق من قبل اعضاء المنتدى
جزاهم الله خيرا... البعض منها سهل تصليحه وكلفته قليلة والبعض الآخر عكس
ذلك تماما وخصوصا راس الماكنة...والشئ المهم هو انك دائما تبدأ بالحل
الاسهل كلفة وزمنا..
#معالجة اي نضوح لسائل التبريد,وفي حالة عدم وجود نضوح للسائل
ووجود نقص واضح في السائل, عليك ان تفحص زيت المحرك فاذا
وجدت لونه يميل الى البياض فهذا يعني ان المشكلة في الكزكيت(العازل)
بين المحرك وراس الماكنة,وفي نفس الوقت يمكن فحص راس الماكنة(كور)
بفتح الواو ان كان فيه اعوجاج او يتطلب توظيب!!!
#فحص الراديتر وهناك طريقة سهلة يجيدها الفني المتمرس المتمكن في اختصاصه
وهي النفخ في الراديتر يعرف انها مغلقة بسبب الصدأ او التكلسات طبعا تتم مع
غلق الانبوب الذاهب الي بطل الماء الاضافي(الفضلة).
#رفع البلف(الثرموستات) تماما بصورة مؤقته للتاكد بانه المسبب من عدمه.
#التاكد من مضخة الماء(الطرمبة)!!وتتم بوضوح من خلال فتح غطاء الراديتور
والعجلة باردة طبعا!!وعند الدعس!!على دواسة الوقود فتجد انسيابية الماء وجريانه
لاكمال دورة المياه داخل المحرك..
وهناك عوامل اخرى تسبب ارتفاع بسيط في درجة وهي لاتنطبق على مشكلتك,فلتر
الهواء,شمعات القدح او البواجي!!!,ميزانية المحرك,نوع سائل التبريد المستخدم..
اعتذر عن الاطالة لكن للضرورة احكام.
دمت ....بود

اذا صار تنقص مويه بشكل كبير + دخان ابيض من الشكمان + افتح الرديتر ودخل اصبعك فيه وامسح عليه من جوا وشف فيه زيت او لا
اذا كل الى قلته لك موجود اعرف ان الراس فيه مشكله

واذا صارت الحراره ترتفع والمويه فل والمراوح شغاله والجو بارد بعض الشيئ ف90% الراس منشعر

والله يعينك