المرورالفاشل (دعوة للمناقشة)

اها ,,, شكرا للتوضيح !!

يعني مصممة للوحات الطويلة ؟؟ :c0214:

نسيت اقولك اخذتها بـسعر خاص 200 ريال

لا يا خوي رحت بعيد هذي صناعتها كندا وخاصة بالرادار وكاميرات الرادار والليزر ولها فتحات لتركيبها على اللوحة . يعني شغل صح مو ترهيم مراهقين وابشركم ركبتها اليوم على اللوحة الخلفية لكن قطعتها لنها مصممة على سطر واحد ماهي بعريضة والله يكفينا واياكم شر ساهر,

حسبي الله ونعم الوكيل

قصدك اللي يسمونه ( استكر الملاقيف ) ؟!!

استكر الملاقيف يمنع الرؤيا عندما تكون زاية النظر مائلة ( 30 درجة ) ,,, وتستخدم في اجهزة الايفون والبلاك بيري والاجهزة المحمولة , وهي طبقة تتيح لمستخدم الجهاز من مشاهدة الشاشة فقط عندنا يكون في وضع مقابل لها ,,,

وسعرها 99 ريال في مكتبة جرير ,,,,

لو تقصدها نفسها ,,, خذلك وحدة وجرّبها على اللوحة !! :bigggrin:

لقيت في السوق قطعة بلاستيكية مصممة ضد رادار وكاميرات الليزر بـ 500 ريال للحبة

^^^
الاخوه الامارات فبل فتره كم شهر يتكلمون

انهم بيعدون السرعه احتمال ستزيد الى 140ك

طيب وش رايكم باللي المسافه بين أهله وعمله 1450 كلم

ويبغوني أمشي بسرعة ما تتجاوز 120

أنا أمشي بسرعة 160 ولا أوصل إلا بعد 11 - 12 ساعه ( مشي متواصل )
يعني بالله لو أمشي 120 بعد متى أبوصل ؟؟؟؟؟

يعني تحديد السرعه بـ 120 قبل حوالي 20 سنه ( معقوله من 20 سنه ما تغيرت تقنية السيارات وتقنية الكفرات ومعقولة ما تغيرت الطرق ومعقولة ما تغيرت قدرات السائقين )

علامة تضع أكثر من علامة تعجب ولكن للأسف لمن المشتكى

.
.
.
اللي يبغى يقهر حاله اكثر ,,, يستمع صباحا الى اذاعة القران / بك اصبحنا
ويوميا الساعة 7 صباحا يطلع علينا الرائد ابراهيم ابو شرارة ,, يشرح ويدافع عن نظام ساهر

عدد شوارع في الرياض فيها 5 الى 7 اشارات ,, يقول لو التزمت بالسرعة القانونية ( 60 كلم ) على تلك الشوارع ,, اعرف ان الاشارة الضوئية ستكون جميعها باللون الاخضر ,, لانها مبرمجه على هذا الامر ,, وفي حالة زيادة السرعة او نقصانها , فـ انك ستتأخر عن الاشارة ممايعني انها ستتحول الى اللون الاحمر !!

جلست اتفكر في اللي قاعد يقوله // ولقيت نفسي اقول :

هو يتكلم عن وين بالضبط ؟؟

يضحك علينا ذا ولا كيف ؟!!!!!:a1120(82):

ههههههههه وآلله نظآآم مو سـآهر آلآ سـآرقً هع هع
آجلُ طريقً كبير طويلُ وسيع طول عرض كل شي وآلسرعه للمسار الايسر 80 ياحبيييب آمك كيف تجي هذيً :D
آلله مشكلهً هالنظآمُ بيطفرُ بآلشعبً , كل همهم آلفلوسً مآشبعو من ورُآنآ ويبون زودُ آلله لآيوفقهم ,
,
وبعض آلعسآكر صرآحهُ ينحطون ع آلجرحُ يجيك ب آسلوب وآلله يخليكً تستحيً وتحرم تسوي هالشي مره ثآنيهُ :D
,
وآلله شي يقهرً , يلآ آهم شي آلآخلآقً
شآكرً لك على طرحكُ , لآهنت

نضام ساهر مايقفط الا الطفاره الملحطين

ولا المطانيخ مايجيهم شي

الله لايوفقهم يااارب

الي يقهرك

يجيك شارع مره يقول 90 ومره 80

للاسف ان الهدف من هذا النظام هو جمع المال وسلب الناس لا اكثر ولا اقل

من أمن العقوبة أساء الأدب
سواءا عساكر
سواء مواطنين

المشكله ليت نظام قاهر يطبق المخالفه على كل الناس الكاميرا تدور الفقير وتلزخه على ظهره صوره 4*6
لكن راح يجي يوم وتحاسب كل نفس فيه وترد المظالم باذن الله عند من لايظلم احدا
حسبنا الله ونعم الوكيل

ههههههههههههههههه....نظام ما له مثيل ...

هذا مثل اللي يبكي على قميصه يوم طاح ...سألوه ليش تبكي ..؟

قال كيف لو إني كنت لابسه....خخخخخخخخخخ

مرووووووووووور فاااااشل ...ومع احترامي لجميع العسكر...إلا أنه من أسوأ وأدنى

طبقات المجتمع....وأنتم تعرفون هذا ولا أحد يشكك في هذي المعلومه بالذات....

لأني سمعت قصص كثـــيــــــــــــــــــــــــره...عنهم بالذات العسكر الموجودين بالجنوب...

صراحه لو تدرون ....! شي يشيب له الراس ...ايش خلاص الدنيا فوضه ...خلاص

ما عاد فيه حيا......الحمد لله الذي عافانا بما ابتلاهم به وفضلنا على كثير من العالمين..

ثانياااا....نظام ساهر ونظام تدبيل المخالفات....أنا أجزم إنه ما حطوه إلا للفلووووووووس... وبس

ثالثا واللي يدل على فشالة العسكر عندنا ...توه قبل أمس وأنا مار بالشارع وداخل لفه ....

وشوي إلى عسكري ينادي علي...وأنا ما دريت أثاريه تفتيش لكن العسكري ما كان واقف..

وماشفت هذي الدعامه البرتقاليه...

وهو ينادي كذا سحبت عليه على إني ما شفته...

وشوي إلا وهو وراي...ويقول وقف ....وقفت وقال ليش ما توقف يوم ناديتك...

قلت ناديت...؟ أصلا ما شفت أحد بالشارع ...

قال أقل شي احترم البدله اللي هو لا بسها ....

قلت طيب إذا حطيت نقطه لا تقعد تسولف مع أخوياك وخلك نظامي ووقف بنص الشارع...

قال مالك شغل توقف وخلاص ...

قلت خلاص خلصنا...

المهم عطاني قسيمة وقبل ما أمشي قطعته قدامه ومشيت وقلت افرح بها..

.......................

لا وبعد شفت اثنين عسكر في الفجر قبل اسبوعين يتطارحون بالجيوب حقتهم ...

بالله وش ذا ....؟ أنظمه ومرور وعسكر ...فاااااااااااااااااشل...

تحياتي للجميع وأرجو أن لا يحمل ردي الإساءة لأحد....إلا أنها الحقيقه...الصعبه..

حسبي الله ونعم الوكيل..

تتعب و انت تقول مرور فاشل , قبل عشر سنين واحد من قرايبي كان ما شي بطريق مظلم رايح جاي بين مزارع بالقصيم المهم وهو ماشي حصل واحد بالخط مدعوس ( آدمي ) من جنسيه يمنيه الرجال ما قدر يتفاداه و كمل عليه المهم وقف و اتصل على الإسعاف و الشرطه و أول ما وصلوا لمه ركبوه و بدون تحقيق من مكان الحادثه للسجن و قالوا له ما تطلع ألا أنت دافع دية الرجال و الشكوى لله دفع وهو يتحسب الله عليهم .

والله مره مع ولد عمي على طريق الدمام -الجبيل التفتيش الدائم وقفنا بس ما عطانا مخالفه وبعدها فيه تفتيش مؤقت (ساعتين ويروحون) لان اللي في التفتيش الدائم بلغ علينا عطانا مخالفه يقول السرعه المسموعه 140 وانت ما 142 وش ذا اللعب عيني عينك

وين كاميرات نظام ساهر في الشوارع المشهوره للتفحيط داخل الاحياء
والا مايبون يزعجون المفحطين...!!!!!!!!!
اللي نعرفه ان ديننا الكريم حفظ للانسان المسلم خصوصيته ومنع التجسس عليه بواسطة الكاميرات المنشوره في الشوارع وحتى المرور السري
وهذا لايمنع ان المرور يوقف المخالف ويردعه ويطبق عليه القانون بالسياره الرسميه ويسلمه المخالفه بيده
لكن مو كل ماطلعت تقنيه جديده نطبقها ونستخدم تكنولوجيا الكاميرات الحديثه التي ترصد اكثر من عشر سيارات في نقطه واحده وفي زمن واحد ومع الاتجاهين وبالفلاش
والتفرغ لمخالفة سيارات اخرى في نفس الموقع والاماكن الاخرى ولانهتم بالطريقه هل هي جائزه ام لا
هذا غير تدبيل المخالفات الربوي اللي اكثر المتضررين منه من هم دون خط الفقر يامرورنا الغني
مانقول الا حسبنا الله ونعم الوكيل