ممكن أرد ؟
اولاً فاجئني رد اخونا عمر ! عمر يا عزيزي ترا الناس ياخذون عليك نقده وانت ملقب بخبير و ترد مثل هالرد اسمح لي اقول ما هكذا تورد الابل يا ... ليس سعد لكن انت غيرتها و صارت عمر
ثانيا فيه ناس هنا لو يبي احلف انه ما عمره ركب سيارة امريكية حلفت !
بالنسبة لما بين الباترول 2010 و التاهو
الباترول صحيح انه تم عمل اختبارات قاسية عليه لفتره طويله و كأنه مصمم خصيصا لبيئتنا و موتر قمة في التطور و التكنولوجيا و جودة عالية جدا تنافس الرنج و جيب اللكزس و اشهد له بذلك لكن ننتظر موديلين الى 3 موديلات و نشوف هل فعلا اثبت نفسه ام لا لان الجودة شيء و التحمل شيء آخر تماما مع انه هو هو الارمادا
التاهو موتر من 2000 اذا صح الكلام وهو في ايدي الناس و 2007 تم تطويره الى الافضل ولا اعتقد انه يحتاج لشهادة شاهد ولا يوجد من هو اكثر تحملا منه و ارخص سعر قطع غيار من باقي المنافسين و بدرجة عالية ... لكن ليس من الوكلاء الحبايب بل من محلات قطع الغيار المعتمدة والفرق احيانا يصل اقل بـ 60 % من سعر القطعه هذا اذا احتجت تغير قطع اصلا
يعني مثلا التاهو فحماته لا تتكلم معها الا بعد 100 الف كيلو و البواجي بعد 160 الف كيلو و السيور بعد 150 الف كيلو هذا اضافه الى انه لا يوجد به سير تايمنق اصلا يعني كد و مد ( و كمثال اسألو اهل الكروزر (ستكون انت منهم يا عمر ان كتبت لك و لسيارتك شديدة التحمل ذات اول مشكلة في الدبل في اول 5000 كيلو الحياة) اذا تعدى 150 الف تولع اللمبة مباشرة و غيره بمبلغ و قدره ! و اسألو اهل الفتك عن المشاكل الكهربائية الغريبة التي لا حصر لها و بالذات الكتاوت الشهير و مدري كم علبة فيوز في هالموتر) حتى القطع الاستهلاكية في التاهو تتحمل !
و ولا عمري عرفت باترول غير الفتك الا و خبط و المشكلة .... سير التايمنق و السيور تاكلها وهات يا عمرعمره (عمره = توظيب باللهجة المصرية !) و شخصيا اعرف 3 معهم باترول 98 سوبرسفاري و98 سلق و 99 جي ال في كلهم .... خبطو
و الفتك مسامير ثلاجة ! و الجديد الله يستر منه
و القير الاوتو بعض الاحيان يخلط موية الرديتر مع زيت القير و متأكد منها في قيور الباترول الاوتو و بالذات قير الفتك (الجمس مبرد خاص لزيت القير مستحيل يختلط هذا بهذا)
فقط اهتم من زيت القير كل 30 الف بـ 300 ريال مع الفلتر و السلام عليكم
مع وجود قيور ماشيه 350 الف و لا تم تغيير زيت القير و ماشي بدون مشاكل
و حتى لو خرب القير جديد من الجميح بـ 11 الف ريال فقط لا غير (واحد راعي فتك مغير كام و 3 بلوف بـ 6500 ريال !)
هذا ما يعني ان التاهو ما فيه مشاكل لا فيه مشاكل لكن التقنية اللي في الموتر تستعصي على اهل الورش حلها (((( لعدم معرفتهم به))) يعني كمثال انا عايشته على ارض الواقع
اظطريت اني اغير مفاتيح سيارتي الجمس (لان المفاتيح سرقت نسخة منها) نفس الكهربائي فاك نظام لاندكروزر 2008 لانه كان فيه مشكلة ما يشتغل و صلحها بينما الجمس استعصى عليه فك الدقمة نهائيا حتى الوكالة بالديرة ما قدرو عليه لكن اخذته لواحد مختص جموس في اقل من دقيقة طلع لي الدقمة
يعيب التاهو سؤ جودة المواد الداخلية اللي خربت جمال التصميم
و ضعف الكهرباء فيه كما هو حال كل السيارات الامريكية (لكن افضل بكثير من التسعينات و بمراحل)
لكن ميكانيكيا و بلا منازع ... هو الافضل
بالمناسبة يا عمر .... الكروزر(2007 وتحت) مكتوب في اللوحة المعدنية على باب السائق صنف السيارة : حافلة !
ماشا الله يبو هذيل قلبت ام الموازين وبعدين تعاال تقوول مكااين الباترول تخبط رووح شووف الورش في اي مكاان اكثررها مكااين امريكيه وانا ما اقصد التاهو لا التاهو له عزته بس لمن تتكلم يبو هذيل عن الباترول لازم انت تكوون مجرربه واي مكينه كان ماكانت تخبط من سوء الاستخدااام وقله الاهتمام فيها ومعرووفه قيوور الباترول بي قووتها وقووه تحملها ههههه ومركذا خذلك نظرره في الورش اكثرررر الجربوكسات المرميه حق اش امريكي ههههههه ابو هذيل لاتجيب كلام ماله معنا وياليت تتحقق من صحه كلامك
تحياتي..
