محتار بين كابرس 2010 وفورد 2010 ... ما رأيكم ؟

AbuDhafer @user_227342 · 18-06-2010

السلام عليكم ورحمة الله وبركاته

أسعد الله صباحكم بالمسرات

إخواني الكرام ... انا الآن أفكر في بيع سيارتي الكامري 2006 ( قطعت 83 ألف كيلو فقط )

وأشتري إما كابرس 2010 أو فورد 2010 ( ماركيز أو فكتوريا - الاختلاف فقط في الاكسسوارات كما أعلم )

فما رأي حضرات السادة الكرام ..

أحتاج في السيارة مكيف ممتاز بلا مشاكل .. راحة في الخط .. وسع في المكان .. صيانة قليلة

ثم ماهي عيوب السيارتين ؟؟ وماهي مميزاتها ؟؟

وهل فكرتي صحيحة في بيع الكامري مع أنها ولله الحمد ما فيها مشاكل ولا حوادث ولا شيء

سبب بيعي لها فقط الدفعة الأخيرة 13250 ريال .. وأريد الوسع والراحة في السيارة الجديدة ..

دمتم بود .. AbuDhafer

UAE AIN @user_184933 · 03-08-2010

كــــــــأبــــــــــر ـســـــس

AbuDhafer @user_227342 صاحب الموضوع · 03-08-2010

بارك الله فيكم جميعا ونصايحكم على الراس ...

والمعذرة على التأخير في الرد كنت مسافر للجنوب ...

والآن ما لي إلا الاستخارة والتوكل على الله .. والله يكتب لنا ولكم الخير

دمتم بود ..

فايز الاشجعي @user_217124 · 03-08-2010

الي معه فورد يمدح الفورد بعض اخوانا

والي معه كابريس يمدح الكابريـــس
هذا ماشاهدته

ياخوان انصحو الرجال نصيحه لوجه الله يعني الي معه فورد وفيها عيوب يذكرها
والي معه كابرس وفيها عيوب يذكرها

اما كل واحد ينصح ب

Free Man @user_35730 · 03-08-2010

ا

ايفرست

بالنسبه لي اختار الفورد
والسبب

لانها سياره من فئه مختلفه عن فئات السيدان ولاتوجد فئه من سيارات السيدان تشابههاا
ولان جميع سيارات السيدان تختلف اختلافا تاما عن السيارات الامريكيه الكلاسيكيه

اولا الفورد سياره تتمع بكلاسيكية السيارات الامريكيه والتي عشقها الكثيرون وانتهت تلك العراقه بالسيارات الامريكيه منذ منتصف التسعينات
وتبقت فقط بالكراون فكتوريا والجراند ماركيز والتاون كار حتى الان

الكراون فكتوريا سياره كلاسيكه بقير علاق بقاعدة شاص تتميز بطول الهيكل وقوته
وبمحرك V8 وبقوة في القير وبسرعة في الاستجابه ورحابه داخليه ومريحه جدا في الطرقات و تشعرك بمتعه بالقياده
طبعا لم تهتم الشركه بالسرعه والتسارع لاهتماها اولا واخيرا بعمر المحرك وكفائته

ثانيا السياره ذات جوده عاليه ومهما طال الزمن عليها تجدها محافظها على جمال شكلها الخارجي وادئها لم يتغير وانتشار الموديلات القديم خير دليل على ذلك

وجميع اعطالها قطع استهلاكيه بواجي + كويلات + مساعدات دينمو الخ ...

واستغرب ممن يقول الكراون فكتوريا لايوجد فيها مواصفات
لو نظرنا للموديلات القديمه مثلا موديل 1995م
يوجد بها هيدروليك + مقاعد متحركه + مكيف الكتروني + مرايا بخاصية التعتيم + فاصل لطرمبة البنزين اذا صار حادث لاقدر الله عداد الكتروني بالكامل وبعض هذه الموصافات لم تظهر ببعض السيارات حتى الان

والي يقول السياره فاضيه من الداخل ذلك بسبب ترتيب الديكور بشكل هادي وعدم وجود ادراج لانها تأتي قير علاق والبعض يهتم فقط بالادراج مثل ديكور السيارات ذات التعشيق العادي او الارضي
فقط تكثير ازارير على الفاضي

بالنسبه للكابريس سياره جميله وشبابيه بحته واهتمت الشركه بقوة المحرك

مريحه من الداخل لكن لاترتقي الى راحة الكراون فكتوريا لان الكابريس ادائها رياضي وتختلف اختلاف تاما عن انظمة التعليق بالكراون فكتوريا

تصميها الخارجي جميل وديكورها الداخلي جميل وعصري ولو تمت مقارنتها بالسيارات الاخرى تتفوق عليها لانها تعتبر من فئه مشابهه لهما

لكن يوجد اختلاف كبير بينها وبين الكراون فكتوريا

باختصار

السيارتين ماعليها كلام ويفرق بينهما المواصفات ونوعية الاستخدام وعليك بالاستخاره

للاستخدام الشبابي عندك الكابريس او التورس
اما الكراون فكتوريا تعتبر فئه لحالها ولايوجد لها مشابه او منافس لان جميع المنافسين توقف انتاجهم منذ منتصف التسعينات

تحياتي

يا سلاااااااااااااامي عليك اجمل رد شاهدتة ان والله رايق مثل الفورد وكلامك صح الي يبغا سيارة فورد والي يبغا سرعة وبعد سنة تطلع اصوات ياخذ كابريس ومن قال انه كابرس اصلا الكابرس الاصيل وقف 96 وهذا لعبة استرالية مكتوب عليها كابريس يسترلي على السيارات الامريكية الكلاسك الفورد واخوانه والكابرس القديم (( ولايهونون طبعا مرسيدس وبي ام ))

بلا تعصب @user_227743 · 02-08-2010

افضل الفورد خصوصا كراون فكتوريا افضل من الكابرس
والله يوفقك

TAURUS KING @user_230475 · 02-08-2010

السلام عليكم ..

خطأ إنك تقارن الكابرس بالكراون فيكتوريا
لأن الاولى سيارة عصرية و متجددة عبر السنين , أما الثانية فهي كلاسيكية ولم تخضع لأي تغييرات مظهرية من عام 1998 . يعني فورد حاولت من خلال هذي السيارة انها تحافظ على رونق السيارات الامريكية الكلاسيكية , فما اهتموا بأمور التكنولوجيا والخدمات في السيارة , ومع هذا فالكراون فيكتوريا تعتبر من اكثر السيارات مبيعاً وانتشاراً في العالم بفضل جودة التصنيع الهائلة من فورد !

الكابرس ممكن تقارنه مع التورس الجديد
وأنا شخصياً لو تقول لي فورد ولاّ شيفروليه!!
أقول لك الفورد وبدون تفكير
من واقع تجارب طويلة مع هالشركة , من ايام سيارة كانت عند الوالد (فورد تيمبو موديل 90) وانتهاءاً بسيارتي فورد تورس 2010

وبعدين التورس مو محتاج دعاية
والله سيارة قمة في كل شي
انا شاريه قبل 3 شهور من الآن بالضبط , طراز SEL
وماشي معايا احلى من العسل
من الداخل رحابة وفخامة , والتكييف ثلج , والمحرك 3.5 بقوة 265 حصان , وراسية ع الخط بشكل غير طبيعي , والتصميم الخارجي ولا احلى
وأنا انصحك فيها بصراحة
وفي الأخير القرار راجع لك , ومثل ما قالوا الاخوان عليك بالاستخارة

وأنا جاهز لأي استفسار عن التورس
وسامحوني على الاطالة:smile:

سوسو-2010 @user_193395 · 02-08-2010

فورد

اريح بكثير ارسى اكبــر شكمانين

كابرس
اخف احسن ديكور شكل جديد

ارشح الفورد احسنــ

الا خراباتــ قليلهــ جدآآآآ وعملي وبقوهــــــــــــ

الكابرس لاحد ينكر كلهـــ خراااباتــ ومشاكل وعند خويي كابرس والثاني معاه لومينا

والله يوم معاه واسبوع بالورشهــ

اللومينا ltz موديل 2006 اللي مع خويي<<مع كذا هو محافظ

الكابرس ss 2006

ومع واحد بحارتناا معاه لومينا ss2006 كلــه خراباتــ وكل اشوي ينكسر قيرهــ

المحتار2009 @user_196958 · 02-08-2010

تبي نصيحتي يالغالي ابعد عن الفورد لانها من تالي صارت جودتها زفت مره مره

انا شريت ماركيز 2010 جديده قبل 3 شهور والله ثم والله اني متحسف اني شريتها انواع المشاكل اللي طلعت لي صوت طقطقه ومكيف زفت x زفت لأبعد درجه والنوافذ الكهربائيه الخلفيه خربت علي قبل شهر ورحت الوكاله وزينوها والحين خربت مره ثانيه , ورحت شيكت عليها قبل اسبوع عند مركز فحص سيارات وشيك لي البدي وكل شي في السياره وصارت السياره فيها رش عند باب الراكب وباب السواق, الله لايوفق هالوكاله لا دنيا ولا آخره .

والله يا اخوي مشكله اذا جيت تشتري موتر جديد وتصير فيه هالمشاكل وكل يوم والثاني في الوكاله , الحين الواحد يشتري سيارة جديده عشان يفتك من الورش والخرابات وعوار الراس وفي الاخير يصير العكس اسبوع في الوكاله اسبوع معك آآآآآآخ بس.:a1120(82):

يعني بالعربي يا اخوي حاول قدر الامكان تبعد عن الفورد وخصوصا عن الوكاله النصابه الحاج حسين علي رضا.

والسلام عليكم

سري للغاية > @user_223368 · 02-08-2010

اخوي ما فيه مقارنة بين الكابرس والفورد

من ناحية القوة :- الكابرس افضل
من ناحية الشكل الخارجي :- الكابرس افضل
من ناحية الفخامة :- الكابرس افضل
من ناحية الحجم :- الكابرس افضل
من ناحية الراحة :- الكابرس افضل
من ناحية سعة المكينة :- الكابرس افضل
من ناحية عدد الاحنصة :- الكابرس افضل
من ناحية العزم :- الكابرس افضل

اخوي عندك

اس اس - رويال - ال تي زد V8

ابو مرجي @user_108455 · 02-08-2010

نصيحه خلك على الكامري
واذا اشتريت كابرس ترا مايطول 8سنين بالكثير وهذا من واقع لو نظرت حولك ماراح تلقى كابرس موديلها 2002نادرا جدا ان تجده بجانبك في الاشاره
والفورد الجديد كويس بس مشكلته خثيث مو زي الكامري ماتتدقق على الاصوات
وهذي مشكله اصحاب الفوردات والماركيز معهم وسوسة اصوات والفوردميزتها انها ماتشيخ و3000 تردها ورده
بس عيبها تصيب بصاحبها الوسوسه
ونصيحه دين13500ولا دين100الف

Durango HEMI @user_185987 · 01-08-2010

انا انصحك بكابرس
ltz
لان
شكل الفكتوريا و الماركيز
حتا لو تشتري قديم الناس ماراح تفرق
وشكرا

T_R_Z @user_162421 · 01-08-2010

الكابرس افضل شكل وقوة مكينه

بس انت بتبيع كامري ياباني يعني حق مكده وتاخذ كابرس ماراح تتحمله

بس لو تاخذلك ماركيز ((سعودي))

راح يتحمل اكثر من الكابرس

ولا تنسى صلآة الاستخاره

كيانkkkkk @user_180596 · 01-08-2010

كابربس ltz 8v خذ منه الفخامه والهيبه خاصة لجاك اسود:a1120(121):
بس عيبه انه غالي ......... ولا اخفيك اخوي انا ناوي ان شاء الله اطلع ماركيز 2010 لان المزانية ماتحمل الكابرس والله يوفقك ان شاء الله تعالى لما فيه الخير......

samaction @user_22068 · 01-08-2010

كابرس بلا منازع
مواصفات افضل من الفورد
واريح وارسى واقوى بالخط
واذا ودك احسن من ذول كلهم فورد تورس والله انها سياره ما شاء الله

مجازف 1 @user_226535 · 31-07-2010

تاكد من مظم القير

BOB_MARLEY @user_76514 · 31-07-2010

اخوي اذا بتاخذ وكالة .. فأنا انصحك بالكابريس ال8 سلندر Ls أو LTZ أو SS هذي حسب قدراتك المادية ..
مع اني امتلكت 3 فوردات ..وبعدها اشتريت كابريس 2008 Ls 8 جلس معي سنة .. وبعدها بعته للظروف .. وحاليا امتلك سلفرادو 2008 وماركيز 2009 وكالة ..
طبعا الى اليوم ندمان على بيعة الكابريس.. و ندمان اني شريت هالماركيز مع العلم اني شاريه من الوكالة ب 85 ألف ..نوع GSL .. لكن ما فيه مقارنة ابد ..
على كل هذا رأيي الشخصي ..وعلى قولهم اسأل مجرب .
تحياتي لك ..

ss4rakan @user_161854 · 31-07-2010

أكيييييييييد الكابريس بس اذا تبغاها خد لك ltz v6 فل كامل توصلها حوالي ال 100 ألف وشي لانها فيها شاشة واعتقد جلد و واسعه ومكيفها 100% ماتحتاج غير البنزين والزيت

ومبروك مقدما على ما اشتريت

وان شاالله اكون افدتك سلااام

-ksa- @user_228736 · 31-07-2010

انا انصحك في الفورد افضل بي كثير من الكابرس من كل النواحي

فايز الاشجعي @user_217124 · 31-07-2010

السلام عليكم
من بعد اذنك اخوي صاحب الموضوع حبيت اطرح مشكلتي بموضوعكـ
حتى يقرأونها اخوانا المشاركين بموضوعكـ ويفيدوني
وانا انصحك بالكابريس 2010 فل كاااااااامل والله ياهي هيبة ملكـ

كيف الحال يالربع عساكم طيبين

ياخوان انا معي كابرس 2002 LTZ قبل 3 ايام كانت تحشر الغيار الاول تغير والضغط على 4
وغيرت فلتر القير جلست يومين وماعاد تغير مره وحده

داعس لها لاخر شي الضغط على 7 وهي بالغيار الاول

واحد يقولي قير
واحد يقولي كلاتشات
واحد يقولي حساسات
واحد يقولي توضيب
وكل واحد يعطيني راي من عنده

تكفوووووووووووووووووووون يالربع فيه احد يعرف حل المشكله هذي ؟.

أو حصلت معه او حصلت مع احد يعرفه

اتمنى ان تفيدوني
والي عنده حل موجود بمواضيعي تحت اسمي موضوع عن مشكلتي يدخل ويعطيني افادته
حتى ماتتركون اخوي ابو ظافر