طلعت من حوالي شهرين سوبربان جديد ولاحظت على الكفرات شي غريب فها تموجات خفيفة تشعر بها عندما تمسح على الكفر بيدك وكأنها تحبيل خفيف، راجعت الوكالة وقالوا عادي كل السوبربان كذا وأنت مهوب أول واحد يشتكي من هذا الموضوع وخاطبنا وكيل الكفرات وقال هذا شي عادي يحصل من شد الكفر مع الجنط، طبعاً أنا ما صدقتهم ونشبت لهم وقلت غيروا لي نوع الكفرات أخذونا للورشة وقالوا شف كل السيارات السوبربان اللي واقفة نفس كفرات سياراتك ونفس الملاحظة عليها وفعلاً مريت على كل السيارات ولاحظت على كفراتها نفس الشي حتى خويي اللي معي استغرب وقال فعلاً كلها نفس زي بعض تقريباً.
بصراحة السيارة راسية في الخط وصلت بها سرعة 160 ومشاء راسية وما تحس بشي حتى اللي راكب معي ما حس بالسرعة وما كان مصدق لما شاف الطبلون.
أنا الآن محتار وخايف في نفس الوقت هل أتوكل على الله وأخليها، أو أغيرها على حسابي وارتاح لأني ناوي إن شاء الله أطلع عليها للإمارات وأخاف توهقني في الخط الله يستر.
