تكافل الراجحي لتأمين

بسم الله الرحمن الرحيم


يسعدني ان اقدم لكم قصتي مع تأمين الراجحي حيث يستفسر الجميع ماهي افضل شركه لتأمين
المهم:
وقع علي حادث ودخلت المستشفى وطلعت مالكم في طوالتها..
المهم كانت معي سياره متاجره مستاجره من الراجحي بعقد منتهي بتمليك مؤمنه تأمين شامل
طبعاًََ تطلع من مستشفى تعبان تحتاج رعايه وراحه في البيت لكن حصل لي العكس
دقيت على تأمين الراجحي كي يقوم مندوب التأمين في اجرأت الحادث وسحب السياره
من الحجز قالو ماعندنا مندوب في المدينه الي وقع عليك حادث فيها..!! تسألت
وين الروح ؟؟ قالو روح بنفسك سو الاجرأت من المرور وورش وشيخ معارض وتسحيب
في السياره طبعاًََ انا موظف حكومي ما اقدر اتغيب عن عملي , وطلبت من العمل اذن وقمت
اسعى ورا هالسياره يمين ويسار ورسلت لهم الاوراق بقى ورقه لم اجدها في بنوك الراجحي
ودقيت على تكافل الراجحي وقال خلاص انت بس هات رقم فاكس ونرسلها عليك المهم اليوم
الاول كلمتهم بعد ما أعطيتهم رقم فاكس وقالو نرسلها بعد 24 ساعه راح اليوم الاول والثاني
والثالث مع اني ادق عليهم لكن مامن مجيب ولا حسبو حساب انك في منطقه ماهي بمنطقتك
مما يلحقك من اضرار ماديه بستأجار سياره وشقه عشان تخلص اجرائات سيارتهم ..
في الاخير رجعت داومت وباقي ماخلص موضوعي معهم من شهرين لذالك بنصحكم
(تأمين الراجحي او مايسمى تكافل الراجحي)
ليس له علاقه في بنك الراجحي وتكون اجرائاتهم على النحو التالي


1- تخلص انت بنفسك الاجرائات سواء عليك الخطاء او مخطى عليك ( الذهاب لقسم المرور + تاخذ ورقه كروكي بالحادث مصدقه + تذهب لشيخ مهندسين طائفه الورش وتسعر قيمه تصليح السياره + تصدقها من ثلاث ورش + تروح لشيخ المعارض في حاله عدم صلاح السياره وتسعره من عنده + تدفع تكاليف حجز المرور + تدفع تكاليف سياره السطحى + تصور السياره اربع صور من كل جهه صوره المقدمه المؤخره الجنب الايمن الجنب الايسر + تصور الرخصه ولاستماره والبطاقه والتأمين وعقد السياره وورقه مطالبه وهذي الورقه لن تجدها الا في المناطق الرئيسيه وتروح للبريد وترسلها لتكافل الراجحي .
2- تتحمل مبلغ 10% من قيمة قطع الغيار سواء صلحتها بوكاله او ورشه ( الوكاله اول سنتين فقط لموديل السياره من تطلع )
3- لا يوجد مندوب لتأمين الراجحي في القرى والمدن الاخرى فقط ( الرياض جده الدمام) 4-2500 ريال في حاله هلاك السياره و500 ريال عن كل مطالبه لاي طرف يطالبك
5- أذا السياره مسروقه لا يشملك التأمين
6- حادث في الطرق الوعره لا يشملك التأمين ( انقلاب في البر او الطعوس )
7- أذا لم يتم تجديد التأمين او اوراق ملكيه السياره المستأجره لا يشملك التامين
8- اذا الرخصه مطوفه لا يشملك التأمين
9- اذا تعبت وانت مسافر سفط ونام ولا تخلي خويك يسوق عنك ( لا قدر الله وصار حادث لا يشملك التأمين) هذا ما أستفدته من خلال رحلتي مع شركة تأمين الراجحي ( تكافل الراجحي ) اسأل الله ان تعم الفائده للجميع