أخوي عبودي السلام عليكم أنا معك في كلامك متى ترتقي عقول أبائنا الى تغيير أفكارهم لاكن الحضاره تختلف في التفكير والدين يختلف أحنا لو في هذا السن تلقا الواحد من بيته للمسجد يقول وش ابغى من الدنيا ابي الأخره لاكن المسن اللي تتكلم عنه يفكر يعيش ويتمنى مايموت هذا زين لو فكره ان وراه أخره وبعدين الحمدالله النظره بدأت تتغير من بعض الأباء على دليل السيارات الكوبيه بدأت تنتشر والأباء يشترونها لأبنائهم وبخصوص كلامك
واحنا هنا في السعوديه لو يشوفون احد معاه مثل هالسيارات
على طول يحطون في تفكيرهم انه انسان قليل ادب وهامل:mad1:
ردي أحنا السبب الشباب المتخلف هو اللي خلق النظره هذي
ولا حتى اذا بيتزوج مايزوجونه :a1120(82):
ياعزيزي انا قبل لا اتزوج رايح اخطب وسيارتي مركب عليها جنوط 20 ولاظرني مع اني كنت ابغى اطلع بالسيارة الثانيه وكانت بالصيانه وقلت يله لأن الوقت كان مفاجئ لي.
اما شوف عندهم كيف الامريكان مثل هالسيارات تلقاها مع عوائل حتى
الحضارة والمجتمع يختلف جداً بين السماء والأرض شوف بيوتهم وشوف بيوتنا بيته ياصغره وسيارته يافخمها
امس قاعد اكلم الوالد اقوله ابي سياره باب واحد قام الدنيا على راسي
ويسب ويلعن فيا <<<<<< واااااااه:a1120(86):
لاتعليق!!!!!!!!!! هذا ابوك ومااقدر اقوله شيء على عيني وعلى راسي ماقال كذا اللى عنده سبب مقدي فيك ههههه
ماادري متى نرتقي و تفتح عقولنا :blue:
أنا معك.
وعليكم السلام اخوي الكبير :wavey:
كل كلمه قلتها انت في مكانها بس ياليت لو كل الناس متفهمين زيك ياشيخ :blue:
انت ماشاء الله من الرياض والنعم بك وبااهالي الرياض كلهم
انتم عندكم في الرياض سيارات اشكال وانواع سواء كانت كوبيه او سيدان
انا المشكله ساكن في ديرتي وهي عباره عن مدينه صغيره اغلب سكانها من الباديه
واغلب السيارات عندنا جيوب ونيتاتت كوامري كوابرس <<<<<عاد يموتون في شي اسمه جيوب
ولو يشوفني بعض الناس اسوق سياره كوبيه ياويلي سمعتي تطيح ماادري ليه
جارنا ساكن في جده لكن ديرته عندنا وساعات يمر عندنا في الاجازه
وماشاء الله معاه موستنج جي تي 2008 كانت جديده ماكملت سنه وقتها
غلط غلطة حياته من جابها الديره عندنا جا يلف يلف في الديره بالموستنج
شافوه يلف في الحاره اكثر من مره تعرف وش سوو
هو ذا راعي الموستنج دخل البقاله
ويوم طلع الا ويحصل قزاز الموستج نصفين كسروه الابطال :mad1:
ليه كسروه عشان حطوا في بالهم انه قاعد يدور على بنات :a120(115):
وهو مو حق الاشياء ذي ابد هو مشتري موستنج لانه يحب السيارات الرياضيه
توبه ماعاد يجي بها صار يجي بالكامري حقته القديمه :bigggrin:
شفت كيف على طول تفكير سيء :c0038:
الا صح وفي قصه ثانيه
القصه ذي قدامي شفتها
احنا عندنا في الديره جامعه دايما يجون شباب من جده عشان يدرسون فيها
مره واحد من الشباب الي من جده جا وماشاء الله معاه كمارو 6 سلندر
شافوه الشباب الي عندنا سياره كوبيه ورياضيه وسياره حلوه
والشباب ذوله كانوا راكبين ونيت هايلكس 2001
الا ويقرب راعي الونيت من راعي الكماروا ويسقط عليه ماادري كم مره
اخر شي وقف راعي الكمارو من الرعب الي جاه وقاعد يسب ويلعن على راعي الونيت
انت ياحومار انت يابادوي <<<<<من قال الكلمتين هذي انا مت من الضحك :emot96:
وبس ماقصر راعي الونيت فحط في وجه راعي الكمارو وراح ولا كأنه صار شي
شفت معناة الي معاه سياره كوبيه :a120(27):
هذا تفكير اغلب مدن المملكه الصغيره
بس ترا مو كل الشباب الي عندنا كذا اغلبهم بس
وبالنسبه للوالد مايبي ياخذلي سياره كوبيه عشان هو شاف اغلب الي معاهم زي ذي السيارات
اما هامل او يرفع في صوت الاغاني او اخذها للسباقات
بس مااقول الا الي الله كاتبه راح يحصل ومادام الواحد واثق من نفسه يخاف من ايش
