هو غباء مني ولا دلاخه والله من الدجه

اتمنى من ادارة المنتدى حذف الموضوع لانه انتهى موضوعي من يوم ابو ابراهيم حمسني عسى الله يوفقه ياحبي لك يابو ابراهيم حبيتك لله في الله ولايهون الجميع

الله يوفقك يابو ابراهيم

د

دب حنون

جعلك للجنه ابو ابراهيم اشوف الوضع صار معي نفسيه هههههههههههههههه

آمين ،وجزاك الله كل خير
اخوي شوف انا اول مااخذت سيارتي مثلك حتى قلت اتنازل وابحث عن مستعمل
والسبب اللي يقول التأمين حرام ومدري ايش وكثر الكلام.."كدت اصاب بالوسوسة"
لكن هل منطق اروح اتنازل بعد ماصار كل شي وارجع للوراء بسيارة قديمة قبل 10 او 15 سنة
ولا شريطية يمدحون ويعبون راسك وانت ماتدري عن السيارة اللي قدامك من الكرف اللي شافته..
ولكن كلنا نعلم التأجير او التأمين وين الجهات ذات الإختصاص (افهموها) تمنعه ،صدقني يادب حنون
كثيرين مثلك ماتشوف انواع العصبية والطفش عند الكثيرين ..ولو تفر المنتدى وغيره تلقى انواع الطفش من وكيل من انظمة البلد وغيره وشوف وش كثر المواضيع انخدعت،انغشيت،للأسف سيارة سيئة،المنتدى مليان..
ماالومك ولكن تتوقع لو فيه مااقول الف جميح ولكن نبغى وكلا يجيبوا نفس اللي يجيبه الجميح
لايقل عن 3-5 وكلا ومثلهم نيسان وتويوتا والبقية...
تكون نفس الوضع الحالي كل وكيل يضع سعر وقدره يعني يكسب اكثر من المصانع الجميح يكسب اكثر من شفرولية وفورد
وكذلك ابناء وابو جميل والحمراني ،وخذ مثال الاتصالات واسعارها قبل دخول موبايلي وزين..
ولكن قل عسا في الأمر خيره، انت اجتهدت مثلي ومثل فلان تريد الأفضل لك ولعائلتك ولكن زين
ان الأمر وصل لكذا ومستبقلاً استشر وفكر واستخر ..
والله الموفق

الله يوفقك محتاج ومشكور يابعدي

كبير يابو سلطان
اللهم امين

شوف يا الغالي بدون زعل هذي اسمها دلاخة .... تدري لية لاني سبق وصرت دلخ واكثر منك بعد

موتري ب 100 الف طلع علي ب 148 الف ...

لكن وش نسوي مافي احد يحمي حقوقك و ياخذ حقك

والله يعوض علي وعليك

اخوك \ ابو سلطان

جعلك للجنه ابو ابراهيم اشوف الوضع صار معي نفسيه هههههههههههههههه

اخي بماان الموضوع انتهى تهنى فيها ولاتفكر
راح تتعب

يعطيك العافيه ياغالي

.
.
.
اذا قيمة السيارة 99 الف ريال ,,,, وانت عندك قدرة انك تدفع 60 الف ريال ,,, اشوف انك استعجلت ,, والموظف اللي كمّل الاجرائات ضحك عليك صراحة !!!

كان الاولى ,,, انك تجيب الـ 60 الف اللي معاك ,,, وتسوي جمعية مع زملائك واهلك بـ 40 الف الباقية ,, وخلي كل شهر 2000 ريال مثلا ,,,, بتلاقي نفسك في 20 شهر فقط ,, وانت مخلص اقساط السيارة ومتهني فيها !!

لكن عموما ,,, اتوقع سبب هذا الحساب قد يكون متوافق مع الراتب ,,, حيث يبدو لي ان عليك استقطاعات اخرى ,, لذا تم تخفيض القسط الشهري لهذا الحد

اذا تبي نصيحتي ,,, انت الحين دافع في السيارة هذه 60000+16335 + 1060×60 = 139935 ريال ,, يعني تقريبا 140 الف ريال مع حساب اللوحات والمصاريف الاداريه

اشوف اذا انك السيارة باقي ما استلمتها ,,, تروح الوكالة وتلغي الاتفاقية وتدفع مبلغ بسيط يعتبر كرسوم ادارية

واذا انك استلمتها ,,, راجع العقد تمام ,,, واقرأ تحت بند فسح العقد وشوف وش الشروط اللي حاطينها

انا نصيحتي لك ,,, لو تقدر تتخارج منهم الحين افضل ,,, معليش اتحمل على نفسك خسارة 4 ولا 5 الاف ,, الحين ,,, ولا تقعد ضاحكين عليك 5 سنوات !!! بـ 40 الف ريال زيادة !!

الف شكر شباب

أخوي انت أخذت السيارة و خلاص يعني ما في داعي تنكد على نفسك
اتهنى بها و لا تفكر بالي حصل

كل دقة بتعليمه و الجايات أحسن ان شاء الله

فيه واحدمن الزملاء أخذ لله اكسبلورر تأجير وبعد فترة رجّعه لهم ..حاول ترجعه لهم إذا قدرت ..

اجل الله يعوضنا العجله شينه والف شكر ياجماعه

عظم الله أجرك والله يعوضك خير

مشكلة التأجير إنه الشركة تحسب عليك 5% عمولة سنوية على باقي المبلغ + 7% سنويا على كامل سعر السيارة للتأمين ولو لا سمح الله صار حادث والسيارة راحت فيها يكون التأمين اللي انت دافعه من دم قلبك من حقهم هم وانت مالك أي حق فيه

ما لك أي حل يخليك تخرج من هذا العقد بدون ما تخسر واجد

السلام عليكم ورحمة الله وبركاته

اخوي انت شريت وخلصت انتهى الموضوع، سؤالك مو واضح لكن برد على قد فهمي لسؤالك واسمحلي على القصور..

اولاً انا من اشد المعارضين لنظام التأجير المنتهي بالتفليس.

سيارتك قيمتها كاش 99,000 ريال على خبري

وطالعه عليك بمبلغ 139935

انت دافع دفعه جامده كان من الممكن تاخذ السيار بطريقة الاقساط عن طريق بنك والقسط بيخف عليك بما ان دفعتك قويه وايضاً بتطلع عليك السياره اقل من 139935.

بقولك انا وش سويت:

شريت اكسبلورر 2010 ستاندر بمبلغ 95000 عن طريق تمويل من البنك،

الدفعه كانت 40000 وهذي تصير خارج حسبة الاقساط.
يبقى 55000 والنسبة 3.5% سنوياً لمدة خمس سنوات تطلع علي السياره بـ 104625 ريال

بقسط 1077 ريال شهرياً..... تعال نحسب سيارتك اذا اخذتها بنظام التقسيط عن طريق البنك:

قيمتة السياره 99,000 دفعة اولى 60,000 المتبقي 39000 بنسبة 3.5% على خمس سنوات تطلع السياره بـ 105825 ريال... بقسط 763.75 ريال شهرياً

والفرق بين النظامين بالنسبة لك 34110 ريال.

والسيارة بأسمك.... طبعاً زيد عليها 2500 ريال تأمين شامل..

ولا حد يقول في نظام التأجير السياره مأمنة,, التأمين مو لك التأمين لمالك السياره اللي في الحاله هذه مو انت بل الشركة المقسطة,, واذا لا سمح الله صار حادث وتكنسلت السياره ما تاخذ شي، اذا تبي سياره بديله الله لا يهينك ادفع الفرق ونسوي عقد جديد..


ردي هذا يحتمل الخطأ,,, اسف على الاطاله و سامحنا على القصور

ان شاء الله يفيدووك الاخوان لان مالي علم بهاذي الامور..