ماشاء الله تبارك الله
بالنسبة للكابرس أنا مجرب كابرس 2006 ديكوراتها تعبانة وتتفكك بسرعة و كثيرة مشاكل
أما 2007 أغلب مشاكلها في الكهرباء والدينمو كثير من الناس اشتكو منها لأنها أول دفعة
2008 لا أعرف عنها شي وما سمعت فيها شي لكن واحد من الشباب مجربها يقول مريحة أكثر من القديم
وبالنسبة للسيارة هذي أشوف سعره ممتاز جداً بس أخاف ان فيها بلا؟؟! لأن سعرها يتراوح بين 60 إلى 65 ألف تقريباً للنظيف... وبسألك هل صاحبها شاب وإلا شايب؟؟ لأنه اذا كان شاب ابصم لك بالعشرة انه محلل الموتر لأنه 8 سلندر :)
عموماً أهم شي تاكد من الرشوش والصدوم والخربات ولاتعتمد اعتماد كلي على فحص الكمبيوتر لأنه ماهو دقيق ومهما قالك راعيه ان مافيها رشوش بوية أو سمكره أو مشاكل لا تصدقه لأن الذمة ضايعة هالأيام
أحسن شي امسك فيه خط وجربه مع المطبات واللفات
بالنسبة للورش ما أقدر أفيدك لأني ماني من أهل الرياض لكن حاول تبحث عن ورش فحص متخصصة في الأمريكي والظاهر انها منتشرة في الرياض
والله يعطيك خيرها ويكفيك شرها مقدماً
:)
جزاك الله خير اخويmasterpiece على ردك
السيارة شفتها بديها وداخليها نظيف وجربته مافيها شي..بس مدري وين افحصها..ومدري والله هل سعرها الرجال مايدري عن اسعار السوق ولا فيها بلا والله اني خفت بصراحة بعد ماعرفت الاسعار الحقيقة لها..السيارة مع شخص كبير في السن ...بس يعطيها ولده الصغير دايم ....مدري كيف اتكد من الرشوش والشاص وغيرها من عيوب السيارة..وين اروح احس اني عالق....مع اني والله ماكنت ناوي اشتري كابرس لخوفي من خرابته بس شفت السيارة مع صاحبها وكالة واسهل لي من دخول السوق...ولا انا كنت ابي كراون فكتوريا 2006 وفوق..لانها اقوي واقتصادية في البنزين وتتحمل الكد وقطعها رخيصة ..
بصلي صلاة الاستخارة وبشوف الى الله كاتبة لنا .
وجزاكم الله خير جميعا على مساعدتكم ونصائحكم لي..شكرااا
