ان غشينا في الاكسبلور

لم تاتي القطعة الى الان يعني العيد بتيعد بجمس الوالد والله يعين :smilie20:انا طلبت القطعة يوم الاحد 6 / 9 رمضان والان التاريخ 27 / رمضان وماطلبوها بعد الاتصال عليهم بعد فترة الا يوم الاربعاء 8 / 9 وسلامتكم

انا مصدقك في الي تقول بس انا حاصل معي الشي هذا ماهو قال وقيل والتشليح لفيت في تشليح الحاير مالقيت الا قطعة 2006 وقالوا الوكالة ماتصلح بس علبة فرامل زي ماقال محمد ابوفهد ورفرف يسار لاحد الاخوان الي قابلتهم عند قطع الغيار وجهاز كمبيوتر تقعد السيارة حوالي شهر ما تتحرك صراحة قهر :mad1: عموما طلبت القطعة من امريكا والله يعين ولي اسبوع تقريبا

مسألة وجود القطعة في فرع آخر بمدينة أخرى شيء طبيعي..وانا مجرب الشيء هذا كثير مع وكيل مازدا وكيل جي ام سي بالبيد..
الحاصل ان كل فرع له كمية محددة من القطع..ويوم تطلب القطعة وتكون مخلصة في فرعك يجيبونها لك من فرع آخر بمدينة أخرى..
انا ساكن في المدينة..طلبت كارتير جربوكس من الحاج وجابه لي من فرع جيزان..
المسألة ان القطعة تاخذ من 24 الى 48 ساعة حسب المسافة..لكن اذا الوكيل تعبان فكلام ثاني..
بالنسبة لتوكيلات الجزيرة..جربتهم في فورد اكسكيرجن موديل 2004 لخمس سنوات تقريبا..واشهد لهم انهم افضل وكيل تعاملت معهم في الخدمة..
الاكسسوارات والقطع الكهربائية خذها قاعدة..اشترها من التشليح ولا تلجأ للوكالة..فقط خذ من الوكالة السعر للمقارنة..لكن القطع ميكانيكية حاول قدر الامكان انك تأخذها من الوكالة..
انا من سكان المدينة وما اعرف موزعين في الرياض..
بالتوفيق..

مابي ادخل مناوشات مالها داعي في كومة حديد يعني علبة فرامل ورفرف من امريكا :bigggrin: انا واضح مابي ادلس على الناس واقول ان القطع متوفرة :confused1: انا قلت فحمات وبواجي ولم اسال عن شي اخر للعلم والتوضيح يمكن اخطيت وكتبت اكثر القطع الاستهلاكية وسلامتكم

بما أن القطع الاستهلاكية متوفرة حتى للسيارات الاستعمال اذا السيارة كذا :xyxthumbs:

سواء تقصدني اولا انا حاب ابين للناس عيوب السيارة مش علشانها معاي اجلس امدح فيها واغطي العيوب ابي الناس تفهم ان مو كل سيارة منتشرة يعني ان قطع غيارها متوفر وهذا الي وقعت فيه :a120(115): بس للعلم اكثر القطع الاستهلاكية الي سالت عنها زي الفحمات والبواجي موجودة :bigggrin: بعد هذي يبيلها بعد امريكا مو ناقصين :smilie16:

والله انا ما جربت الوكاله لقطع الاكسبلورر

توه جديد والله يكفيني من شره وخراباته

بس جربتهم في الفكتوريا ومافيه قطعه رحت اسعرها وقالي مو موجوده ولو تلاحظ اي محل للفورد تلاقي عنده قطع للفكتوريا والماركيز ادري بتقولي لانهن قديمات ومنتشرات

وواحد من اخوياي احتاج قطع لموتره رانجر 99 ولقاها مع انها اشيا ما توقعت يلقاها

الظاهر انهن فلنجه وهوبات وقطع بالمكينه وقطع ما عرفت وشو وقلت له رح للوكاله وان شاء الله تلاقيهن لانه مالقا بمحلات قطع الغيار

ولقاهن بالوكاله واخذهن بنفس الوقت


ومره كانت معي كورلا 2001

خرب عندي القفل حق باب الراكب تقفل ولا عاد انفتح ومع الحوسه والدوسه والقروشه لقيت ورشه فيها واحد تركي محترف وقدر يفك الديكور حق الباب مع اني كل ما رحت لورشه قالي ما اقدر افك الباب

المهم اني فريت على الوكلا كلهم وكل محلات القطع ومالقيتها وعبداللطيف جميل يقولون نطلبها لك من جده وما تجي الا طقم كامل بـ 800 ريال على ما اذكر ان ما كانت اكثر ويقول يبيلها اسبوع الين ما نجيبها

واخرتها رحت للتشليح واخذته بـ 200 بس بعد كرف وتعب

وبنفس الكورلا خربت علي كراسي المكينه وكرسي القير والموتر قير اوتو

والله الصناعيه القديمه ما لقيت الا كرسي واحد

وفريت على الوكلا ونفس الحاله واخرتها لقيتهن في محل مشهور لقطع تويوتا وطلبها لي وجت بعد يومين

الله يجزاك خير على النصيحة .
بيض الله وجهك .

ياشباب اذكروا الله
من كلام الشباب و معاناتهم مع هالوكالة المعفنة الضاهر انهم هم الي فلسوا مو شركة التوصيل من امريكا.
ياشباب الي قاعدين تدافعون عن هالوكالة و غيرها من الوكالات فيه اشياء اساسية يجب توفيرها و بكميات معروفة هنالك فيه شيء في علم الادارة الصناعية اسمه حد الامان للمخزون و اعادة الطلب بس الطمع من تجارنا بعدم تجميد اموالهم و غيرها من الاسباب لكن لو يفتحون الوكالات بدون وكيل و مباشرة مع المصنع كان افضل من ها الطماعين

ماحصلت شي عندهم ابشرك طلبتها من امريكا :a1120(82): حشى طالب قطعة دبابة اوطيارة :smilie16: بس الشكوى لله خلها تعفن عندهم شهر هم وكالتهم لين يفرجها ربك :rolleyes1:

عندك البيان الجديد عندهم صيانه وقطع غيار اعتقد

الحمدلله طلع لي شاهد على ماقلت ياخي انا ماعيبت بالسيارة عيبت على عدم توفر قطع الغيار بالنسبة هل الموزعين عندهم قطع الغيار متوفرة يعني ممكن مالقاها في الوكالة والقاها عندهم صراحة مابحثت في الموزعين المعتمدين الخمت ورحت للوكالة :rolleyes1:

عزيزي عدم توفر القطعه لا يعيب السيارة ولا يعيب الوكيل مادام السيارة عملية لاكن اللي يعيبها طول مدة طلب القطعه وهذي تحصل في أغلب الوكالات مما تسبب تأخير للزبون نفسه وتعطيل مصالحه وكلامي هذا بالرغم اني لم امتلك سيارة من تويوتا ولا من فورد والمفروض كل الوكالات يفرض عليهم فرض من وزراة التجارة بتوفير قطع الغيار للمستهلك واذا كان هناك نقص في قطع الغيار بالكثير 7 أيام طلب ولاتتعدى هذي المدة مع توفير سيارة بديل اذا كان الزبون مستمر على الصيانة لدى الوكيل.

بسم الله الرحمن الرحيم
اخوي ماجد
بداية الله يعينك يارب
انا مثلك معي اكسبلورر سعودي شاريه من توكيلات الجزيره موديل 2006
شاريه وكاله على وقته
المهم خربت علي علبة الفرامل تخيل جلست شهر كامل لين جابوا القطعه
وخربت علي مكينه الكرسي معد تتحرك
نفس الشي جلست شهرين لين جابوها
والحين انا لي 3 اسابيع انتظر البكره حقت المكينه وتخيل طلبيه وللحين ماوصلت
مع انهم شيكو حتى بالحاج حسين ماحصلوها عنده
مصيبه والله اذا قطع الغيار مو متوفره
الشي اللي ضحكت منه مره جاء واحد معه فيوجن جديده شيكوا عليها طلعت البطاريه فيها مشكله
المهم قالوا له مافيه بطاريه بنطلبها من جده ويبي لها 3 ايام
والمشكله الرجال سيارته ما تشتغل الا باشتراك

حتى انا صارت لي البطاريه كانت ضعيفه ونفس الشي طلبيه لكن اشو سيارتي كانت تشتغل بدون اشتراك

عموما اذا الله راد وبغيت اشتري سياره مافيه غير تويوتا
سياره قطع غيارها باقرب سوبر ماركت

عموما الله يعينك يا ماجد

انا شاريها مستعمل بس الرفرف او الزيق الي على الرفرف بعد فيها امريكي وسعودي اعتقد انه لافرق نتمنى من الاخوان اعطاء موزعين معتمدين عليهم الكلام في الرياض :c0214:

والله يا اخي لا تزعل نفسك هذا شي معروف حتى تويوتا لو تجيب سيارة مواصفات امريكي ما راح تلاقي قطع الغيار بسهولة (الأفالون مثلاً)
الشركة ملزمة بتوفير قطع غيار السيارات حسب مواصفات البلد
أما بالنسبة للاكسسوارات فهذي شي واضح كان قدامك وانت تشتري يعني ما كانت شي مخبى

وقطعة الاكسسوار حقت المرطبات والرفرف اليسار بعد علشانها امريكي :confused1:ا وبعدين الي يقول بس قطعتين في جده وممكن في مكان ثاني اقول اول مايفتح الجهاز تطلع القطع عنده في كل مكان :confused1: طيب انا طلبت القطعة الي في المرتبة الثانية الي تخلي المرتبة تنزل تحت لسهولة الركوب قالي في الدمام :confused1: طيب اذكرولي موزعين معتمدين في الرياض يمكن يوفرون القطعة واكون من الشاكرين :smilie20:

سيارتك استعمال امريكي..ومعروف ان الاستعمال الامريكي يختلف عن السعودي في بعض القطع ومنها الكمبيوتر..
كيف تلوم الوكالة على توفير القطعة لسيارتك وهي اصلا استعمال امريكي مش على مواصفات البلد؟؟
الوكيل ملزم بتوفير قطع الغيار للسيارات التي يستوردها فقط..وكاتبينها بلوحة عريضة في فرع الوكالة بالمدينة..الدليل على اختلافها ان القطعة اللي جبتها من التشليح لم تناسب السيارة على الرغم من انها نفس القطعة..
على العموم..الله يعينك وييسر لك امرك..