لايفوتكم شوفوا فضيحه فورد الاكسبلور

امحق فضيحه

طيب هاذا طلع ويقول موتري فيه وفيه طيب تراها عيوب مصنعيه وفيه غيرها من الشركات الثانيه فيها عيوب مصنعيه

والاصطبات بالعقل تغيرت ورجعت وخربت يعني فيه مشكله بالنور يمكن مركب زنون او انه مسوي فيها بلا

طيب تعالو يا الي ما تبون ولا موتر فيه عيوب مصنعيه

قبل فتره ما نزل موضوع عن الاوريون الي في البحرين الي طاح الدركسون بحضنه وسبب حادث والوكاله وش قالت قال اشانك ما ربطت الحزام وش رايكم

وعيب البرادو الجديد ونظام التراكشن

وعيب الافالون والسيكويا بدعسة البنزين

ولا تويوتا يوم يشدعون سيارات موديلها 2003 ليش اشان فيه عيب في العصاء الي تحرك الدركسون

يعني فيه شركات مافيه عيوب تصنيعيه

اتحداااااك تجيب شركة سيارات ما فيها عيوب

وبالنسبه للاخ كابرس

وش القطعه الي انت طالبها

تطلب قطعه قليل ما تخرب في المواتر الموجوده يمكن الوكيل ما يجيبها اصلا لانها نادر ما تخرب

طيب رح مر على الجميح واطلب تانكي جمس

ما تلقا وبيقولك نطلب لك

بتقولي وش تبي بالتانكي التانكي انشق ورحت ابي واحد جديد وقالي ما فيه الا نطلب لك من الامارات او المصنع

ورح اطلب طرمبة للبنزين لجمس موديلات 2000 2006 بتلاقي ليش لان عليهن طلب ويا كثر ما يخربن


صح تذكرت يا اخوي انت تبي كمبيوتر لموترك وهو امريكي

وتبي الوكيل يكون موفر القطعه وهو اصلا ما يجيب هالقطعه لانها ما تركب للمواتر الي يجيبها

فورد شركه قويه ولها قيمته بين المجتمع ياحبيبي الكلام الا انت تقوله يمكن بسبب اهمل من الشخص اوحادث لايمكن فورد جبااااااااااااااااااااااار مع اني من عشاق الجمس والشفر لاكن فورد غني عن التعريف

ياقدمك بعد الا اطبل للوكالة علشان ترضى علي خلاص بعدين وش دخلني في الوكلات الثانية انا سيارتي من 14 شعبان وهي عندهم مااتكلم خلاص الوكالة كويسة انبسطوابالله وش القطع المتوفرة بواجي وفحمات :confused1: بعدين شفت انك ماتدري اي فرع الجهاز عند التوكيلات يطلع كل القطع الي في الفروع في انحاء المملكة وبعدين يطلبونها لك غريبة كيف ترد بدون ما تتاكد الله يهديك بس ترى الدعوة كومة حديد ماله داعي انا ماسبيت احد من اقاربك انا صارت لي مشكلة وطرحتها في المنتدى:bigggrin:

كونك رحت لفرع واحد وماحصلت عنده .. خلاص السياره والوكاله صارت زباله يعني ؟؟؟؟

انا اليوم عند التوكيلات فرع البديعه .. وجاي اسأل عن قطع بس مو بشتري

وعالم بعدي جات وشرت قطع كلها متوفره .. كونك ماحصلت بالفرع هذا بتحصل بالثاني

بعدين اذا طلبوها لك ..

المشكله حنا شعب نسوي مشاكل واكشنات مع الوكاله عشان الخدمه السيئه ومدري وش بعد

ولين قالوا له الوكاله نطلبها لك .. سوا فلم طيب وش تبيهم يسوون لك عشان يرضونك

قالوا لك نطلب لك القطعه ماعجبك .. قالوا لك خل سيارتك ماعجبك .. قالوا لك خذ موترك ماعجبك

يعني وش المطلوب .. ؟؟

على قولة الشباب .. خلنا ساكتين بس الوكالات الثانيه عيني عينك سرقه .. وتسرق فيكم

من سنوات وانتم الضحكه تشق وجهكم .. هذي السياره الصح وهذيك السياره المدري وشو

وشعارات كذابه ..

انا اقول الغيره تولد اكثر من كذا ..

وكالة سحبت ملايين السيارات .. ووكالة ماتستقبل سيارتها عشان تصونها

والثالثه تشيل القطع الاصليه وتبدلها بتجاري والشعب يدفع عرابين بالمية الف والميتين الف

على قولتهم خلي الطابق مستور ..

ان شا الله ابشر ماحنا مضللينك .. ياخوي بع الموتر ازين لك لاتجلس تعذرب كذا بس

على فكره الثريا اللي تمدحه زارف ام الشعب المسكين المغلوب على امره .. رح ياخوك للثريا

خله يزرفك وانت تضحك


قال ايش الوكيل مالقى من يخليه يحترم العملاء .. ياعمي اكثر من 20 سنة ماحد اشتكى من الوكيل

جات عليك انت يعني .. لاحوووول بس لايطول الموضوع وهو قصير

اشوف المراقبين مبسوطين على الهواش ..

الموضوع انتهى لعدم الفايده مجرد فضايح لاتسمن ولا تغني من جوع

سلام عليكم

طولوا بالكم يا جماعة مش مستاهله نخسر بعض كل سيارة و فيها ميزات و ما في شئ كامل الا سبحانه و تعالى

استغرب من الوكلاء ليش ما يغيرون السياره اذا صار فيها عيوب مصنعيه ولا قدرو يصلحونها وخصوصا وانه ما راح يدفعون شي من جيوبهم
الله يرحم تجار زمان اهم شي عندهم السمعه الحسنه يشترونها بالذهب
وعموما عيوب سيارته بسيطه واستغرب عدم تصليح الوكاله لها وهو متابع القضيه وان شاءالله الانصاف يجي من امريكا

لاقالوا ولا يقولون انا صار معي شي وحيد وهو عدم توفر قطع الغيار وسيارتي جالسة الحين بتكمل الشهر في الوكالة علشان قطعة كهربائية وشفت واحد في قطع غيار توكيلات الجزيرة يطلب الرفرف الايسر قاله مافيه نطلبها من امريكا واحد في المنتدى خربة علبة الفرامل طلبوها من امريكا وسلامتكم لاتجبرون الناس على اراء معينة تقبلوا الرأي الاخر وسلامتكم واي واحد يقول ان كلامي موصحيح يروح لتوكيلات الجزيرة ويطلب قطعة غيار ويشوف هي موجودة اذا كان كويس قالوا له يومين الى ثلاثة ايام ولا شهر ويعلم الله اني معي اكسبلور موضوع ذي صلة http://www.assayyarat.com/forums/thread217826.html

كل سيارات فيها عيوب تصنيعية سواء كانت امريكية او يابانية

وقد تكون سيارته في عيب مصنعي وهذا ليس مستبعد عادي الله يعينه وان شاءالله ياخذ حقه اذا كانت سيارته في عيب مصنعي وليس سوء الاستخدام

السياره مع اكثر من شخص اعرفهم او ذكروا لي

وبشكل عام يمدحون فيها .... صحيح انها ليست بجودة التويوتا
بس تعتبر من الافضل في فئتها

انا شخصياً لو بشتري جيب راح اشتري اكسبلورر الجديد

ومشكوووووووور يا خوي صاحب الموضوع على حرصك

تحياتي

وش فية الياباني:emot177: <<< ادور حرش

والله نعرف من الوكاله اللي سحبوها تسحب

عندي فورد 93 واعمامي 2 2001 وقريب مني عنده اكسبلورر

كلهم يمدحون فورد بقوة ليه ؟

لانه يسوق سيارته زي الخلق مو كان معاه همر

اسف لكن الفضيحة صارت فضيحتين بموضوعك

تحياتي

ما اعتقد ان الرجل بيتعب نفسه و يذكر التفاصيل
و هو ما عنده شئ

ليش ما نعترف ان السيارات يأتي بها عيوب تصنيعية
فورد ليست منزهة عن الخطأ
و كون سيارتك سلمت من العيوب لا يعني ان السيارات الاخرى ليس بها عيوب

لكن نحن إذا احببنا شركة وصلناها للسماء و إذا كرهناها
طيحنا سمعتها الارض

في كل سيارة هنالك عيوب تصنعية لانه في النهاية هي صنع بشر
و تحمدوا ربكم و ادعوا للرجال ان الله يعينه في مشكلته و تحل قضيته

اتمنى ان لا يضيع حقه إن شاء الله و ما ضاع حق وراءه مطالب
و هذه العيوب غير مقبولة اي كانت الشركة المصنعة

و لا تقول إستخدام امريكي الرجال يقول وكالة
و الله يعينه و يصبره

ول ول ول :bigggrin:.
هههههههههههههه

...

غلطان اخوي الفضيحه انه الواحد يكتب عن شيئ مو له يعني لو انت صاحب السيارة اكتب الموضوع وانت ماتدري عن استخدامه وخشونه قيادته وماذا يفعل بها ..ومنك معاه كل يوم ..حتى تشوف قيادته للسسيارة في كل الظروف .

والحمد لله في مشاكل في بعض الشركات اليابانيه تحصد الارواح :a1120(121):.

والحمد لله على كل حال ..

والاكسبلورر سيارة عملية وذات جودة عالية .

تحياتي .

بالعكس تماما ما عمري عرفت واحد معة اكس بلورر واشتكى منة ابد

اول ما اسمع كلمة اعتمادية يجي فبالي الاكسبلورر

سيارة تتحمل جميع الاجواء من برد وحر

سيارة مدينة وبر
مع الوالد اكسبلورر من عام 2005
ما اذكر انة قد غير زيت ولا سخن الموتر ولا رفع الجلنط ولا راح الوكالة الى يومك شد بلد يا رجال اشوة انة يعبيها بانزين

واذكر جتني فترة استخدمتها في تحميل البلك والاسمنت لمدة اسبوعين

مع هذا كلة ما تسمع فيها صوت ولا طقطقة ابدددد

وشوف شعبيتها ايضا ياخي في كل اشارة تشوف على الاقل 3 سيارات

غير ان مبيعاتها وصلة 6 مليون سيارة

ما اتوقع راح توصل كذا اذا كانة بهذي العيوب المذكورة

يعبها شي واحد بس ... عدد احصنتها 210 حصان عى وزنها اتوقع قلية شوي لكن اتوقع مع الشكل الجديد ان مشكلة الاحصنة راحة

اخوكم ابو سلطان

هههههههههه

موضوع مضحك جدا جدا

يا خي الى الآن الناس ما يعرفون ان بعض الحالات الخاصة ممكن تصير في اي موتر


و يبقى الاكسبلورر من المواتر اللي اثبتت الاعتمادية


سلام يا جماعة فضايح هههههه

ياساتر وربي اول ماشفت الموضوع قلت الله يستر وهذا انا مابعد طلعت سيارتي وطلع الموضوع مو مستاهل التكبير ذا كله ليه ليه ليه ليه

^

تلآحظ أنت .

الموضوع في وآدي والإستطلآع في وآدي .

غير صحيح ابدا ..

----------------

المشكله العالم مادري من وين تجيب هالكلام

بس دام فيه وكالة يقولون .. وقالوا .. وسمعنا .. كل المواتر عليها فضايح ياعالم

اركبوا سيكل ابرك لكم ..

مع احترامي .. موضوع اسخف من السخافه صراحه ..

لو بحلف ثلاث ارباع اللي هنا يفتون بسيارات وهم مامعهم الظاهر مو نفس السياره

مامعهم موتر اصلا

تحياتي لوكالة قالوا ويقولون وسمعنا ..

لو تلاحظون شي الاستطلاع ماله دخل بصلب الموضوع مادري ليه قهر من الوكالة يعني ولا وشو بس ؟؟