وش افضل اكورد ولا سوناتا اعطيني رايك

ما في مقارنه الله يرحم والديك الاكورد افضل بمراحل وياباني 100%

قال تعالى: (( إِنَّ اللَّهَ لا يَهْدِي مَنْ هُوَ مُسْرِفٌ كَذَّابٌ ))[غافر:28]

أبو عواد

أنا لا أكذب سامحك الله

^^^^^^^^^^^^^^^^^
وش الارنب الكبير هذا اتقي الله يارجل

يعني الأكورد الحين مرسيدس ولا فولفو في نظام السلامة والأمان !

يا رجال الهوندا كلها كراتين

خصوصاً الموديلات الحديثة من 2008 وطالع

كنا مسافرين على أكورد 2008 على وقتها من الرياض للشرقية السرعة كانت فوق الـ 180 ك.س

أقسم بالله طارر الصدام الأمامي من الهواء وقام يضررب بالرفرف !!

اخوي نصيحة قيمة السوناتا الفل اخبرها تقريبا زي الاكورد السبشل

انا اقولك خذ السوناتا اما اذا كانت نص فل السوناتا فـ أنا اقولك لا تغامر بروحك

وتاخذ السوناتا النص الفل , الكوري وهو فل يالله سلم سلم شلون وهو بدون اي بي اس

وانظمة السلامة الباقية للي ما تتوفر الا بالفل على العموم انا اميل للأكورد بالنسبة

للاستطلاع

السوناتا اطلق ولا قولولي وش فيها الاكورد ممكن في السلامة احسن لكم الامور الترفيهية السوناتا اطلق واليوم الاغلبية تجري ورا المظهر وقليل من يفكر في الامان
والامان امان اللـــــــــــــــــــه

والأكورد خفيفه لا تغلط

اصوت للاكورد
اشترينا سونتا الاسبوع الماضي نص فل
السياره من ناحيه الفاخمه و الراحه جيده لكن ما حسيت بفرق كثير في السواقه عن الاكسنت
السياره خفيفه

افضل الاكورد لان فيها امان عكس السوناتا بدون ABS لو السوناتا فل فاعطيك صوتي ،،
لكن انت خيرت اللي بدون ABS فصوتي لـ اكورد

اخي الفاضل انا اشتريت سوناتا نصف فل بانوراما بنظام abs ونظام حساسات وجنان ماشاءلله من جميع المواصفات واربع اير باقات واربع سماعات اماميه وفتحات مكيف خلفيه وحركات وبركات وبسعر 76الف ريال بس من الوكيل الي شريت منه المجدوعي

ههههههههههههه سوناتا واكورد
بكامل قواك العقليه تسأل ؟
اذا انت تقول ايه
فانا اقول لك السوناتا ماتقارن باكورد
سوناتا وبس
قارن السوناتا مع bmw7 أو مع بانوراما s600

ههههههههههههه سوناتا واكورد
بكامل قواك العقليه تسأل ؟
اذا انت تقول ايه
فانا اقول لك اكورد ماتقارن بالسوانتا
اكورد وبس
قارن الاكورد مع المكس او مع الاوريون

لاتلومه اصلا ماجرب سيارتين ولا حتى ركب فيهم اللي يعرفه بس ياباني وكوري !! :smilie16:مثل الشياب

من تجربه ، سوناتا شكل القديم 2010 افضل من اكورد 2009 بشي بسيط واهو سعر قطع الغيار ارخص ولا الباقي ماشوف فيه فرق
بس الجديد صراحه مدري عنهم بس اعتقد انهم افضل

دام هي احسن سيارة بالعالم

والمرسيدس والبي ام والكاديلاك والباقي وش وضعهم ؟

رسميا مسجلة اسرع سيارة سيدان في العالم CTS-V ..

وش تبي اكثر . .. يعني لازم تكبرون السالفة ؟

ثانيا قطع غيار الهوندا نااااااااااااآآر .. وغالية جدا

هذي مشكلتكم .. التخلف لسه شغال مع احترامي لك والله :bigggrin:

الحين يالغالي الكوري يتقارن مع اللي معه بمستويات ..

مايكفيك انه اخذ نفس جوائز السلامة حق المرسيدس E في الجينيسيس ..

واشترت امريكا بــس 389 الف سيارة من السوناتا على ما اعتقد ..

يعني وش تبي من اثباات اكثر ..

سالت كل الشباب وربي قالوا روعة وحنا مرتاحين فيها :wink:

الاكورد اغلبية الشباب يقولون قاسية في الخط ومتعبة .. وصوت المكينة يحن

يعني اخوي خلك في المواصفات والسلبيات والايجابيات لاتهمك اسم الشركة ..

الحين برايك يالغالي التويوتا الحين زي زمان ؟ .. بامانة

صارت الحين زي الهيونداي على ايام 2000 - 2004

مدري هالشباب اللي يقولون كوري وتقارنة بياباني وماني عارف ايش

مدري كلامهم هذا ماخذينه من الشريطية والا من متابعة سوق السيارات العالمي ..

للعلم هونداي أصبحت في المركز الرابع على مستوى المبيعات في العالم بعد أن حلت محل شركة فورد .. وأظن تعرفوا وش معنى اسم فورد ..

صحيح الاكورد لا نختلف على جودتها ولكن بكل جرءة أستطيع مقارنتها بالسوناتا ..

والسوناتا أثبتت جدارتها بكل المقاييس .. وكنت في حيرة مثلك بالضبط بين نفس الفئتين ..

و استقر رأيي على التالي :

سوناتا فل كامل (88 الف ريال عند الوعلان ).. أو أكورد سبشل ( 84500 ريال عند أوتو ستار ))..

ولكن للأسف الفل كامل انقطعت من السوق .. هذا غير اني صاحب سفريات كثيرة وأعشق السفر عبر البر ..

وسألت ثلاث أشخاص كلهم لديهم أكورد وكانت الإجابة ( السيارة تتعبك في السفر الطويل )

في المقابل زميلي بالعمل لديه سوناتا 2003 ولا يشتكي منها نهائيا ..

وأعطى سيارته لأخوه الصغير وطلع سوناتا 2011

ونقل لي عن أحد أصدقائه اللي معاهم أكورد .. انه يسافر بالطائرة لجدة ..

وهناك يستأجر سوناتا .. قال له ليش ؟قال ياخي اريح .. الاكورد قاسية وغير مريحة ..

لذلك اخذت سوناتا سبشل ( 76500 من أوتو ستار ) وزميلي أخذها ب730000 من الوعلان في رمضان الماضي ..

سافرت على السوناتا من الرياض لجدة و لله الحمد اقتنعت بالسيارة أكثر .. لكن عزل الهواء كنت أطمع بأكثر من الحالي وتقييمي له جيد ..

نفس الانطباع عند صديقي بعد سفره من الرياض للباحة ..

وانت استخر والسيارتين كلها ممتازة والله يوفقك ..

..

اليآبآني حالياً اصبح إسم فقط !

الأكورد قطع غيارها مُبالغ فيها جداً وعلى شهادة أصحابها !

/

أنا معي سونآتآ من آحسن مايكون ، وإلي يقولك كوري ومدري وشو

ذآ كلام قديم وإنتهى وماله أي داعي ابداً

والحين السيارات الكوريه آصبحت تقآرع اليآبآنيه بقوة

عموماً الخيار لك انت ياعزيزي .. وألف مبروك مقدماً

سلام :)