انا في مشكله والله مشكله يا اهل فولكس واجن

الحب كذبه @user_144606 · 11-09-2010

السلام عليكم

والله يا شباب مدري شلون اتكلم في الموضع انا احب الباسات سي سي واقدر عليها من ناحيه السعر والله مافيه سياره ملت عيني غيرها قبل فتره استشرت الشباب في مرسيدس E موديل 2008 وقلت يمكن اقتنع فيها

لاكن والله مافي سياره دخلت عقلي غيره الباسات لاكن المشكله الوكيل الي والله خفت منه بشكل غير طبيعي لدرجه كرهت السياره لاكن ما قدرت احصل سياره احسن منها وش الحل ابي المساعده تكفون السياره عجبتني لاكن الوكيل مخوفني في السياره لدرجه اني محتار بقوه

عطوني حل الله يريحكم

YaseeR @user_238305 · 21-09-2010

والله وانا اخوك الحال من بعضة الفلوس جاهزة من اكثر من شهر ومنزل موضوع اقول للناس وش اسوي متخوف من الوكيل لاكن السيارة مميزة وجميلة وقوية ,, وفعلا الزين يفرض نفسه !!

لاكن الوكيل سيء سيء جدا لأبعد الحدود ,, وهذا الكلام مو من فراغ كانت عندي باسات سابقا وعرفت تعامل الوكيل وعرفت زيادة اسعار قطع غيار الوكيل طااايرة فالسماااا فوووووق ,,

والصاينة تعال بكره والا تعال بعد بكرة ,, القطع غير موجوده ويمكن تنتظر يوم او يومين او اسبوع او حتى اسبوعين بعد !!

لاكن السيارة ماعليها اي غبار نهائيا عملية واعتماديه

al6ariq @user_224210 · 20-09-2010

أخوي الحب كذبه

أنا مريت بنفس مشكلتك ابي سياره و الفلوس موجوده لكن مالقيت سياره قويه ذات جوده عاليه و مواصفات حلوه وشكل أنيق ومميز وسعر معقول مقارنه بسعر السيارات بشكل عام الا السي سي

لكني صرفت النظر عن السياره بسبب سمعت الوكيل :blue: بس بعد ماسئلت أكثر من شخص من ملاك الفلكس فوجدت ان المشكله الاكبر في الوكاله هي تأخر السياره عندهم في الصيانه طبعا وهذا وانت مسوي موعد مسبق عشان يستقبلون السياره من عندك وفي بعض الاحيان قطع الغيار غير متوفره في المستودع فراح يطلبونها لك من جده طبعا هذي الامور راح تأخذ وقت

فاذا عندك سياره زايده في البيت وتحت امرك باي وقت فماعندك مشكله باذن الله والمشكله الثانيه على حسب كلامهم انك من تمتلك سياره من سماكوا فما عندك بديل قوي تعمل صيانه لسيارتك فيه غير الوكاله حتى ولو عدا سنوات من عمر السياره لان ماعندنا ورش بمستوى عالي متخصصه في الفلكس واجن في المنطقه الشرقيه

فاذا ماتشوف ان هالنقطتين مشكله بالنسبه لك فتوكل على الله بصراحه السياره جدا رائعه وتحس انك مميز لاني وبصراحه ماشوف زيها كثير بالشارع على عكس الافلون والكزس والمكسيما والانفينيتي الى بكل مكان تشوفهم

p

ppp_2009

والله ساماكو سمعته سيئه واكثرها اشاعات
انا متعامل مع الوكيل من سنه ونص ما شفت الا الخير
سبق وقلت ما واجهت خير مشكلة تاخير الصيانه بس

واذا تبي تاخذ سي سي انصحك بالسته سلندر
اما اذا انت من هواة التزويد والقوه انصحك بال2.0
لان اقل شي عليها برمجه بـ4 الاف تعطيك 40 حصان

عزيزي ppp_2009 ممكن تفيدني أكثر عن البرمجه

S K Y @user_27367 · 15-09-2010

الله يوفقك واتكل على الله ولاتخف

السياره ان شاءالله ماتحتاج للوكيل بإذن الله 5 سنوات قادمه غير صيانه معتاده

ppp_2009 @user_185964 · 15-09-2010

والله ساماكو سمعته سيئه واكثرها اشاعات
انا متعامل مع الوكيل من سنه ونص ما شفت الا الخير
سبق وقلت ما واجهت خير مشكلة تاخير الصيانه بس

واذا تبي تاخذ سي سي انصحك بالسته سلندر
اما اذا انت من هواة التزويد والقوه انصحك بال2.0
لان اقل شي عليها برمجه بـ4 الاف تعطيك 40 حصان

الحب كذبه @user_144606 صاحب الموضوع · 13-09-2010

انا من الشرقيه وهذا الي مخوفني

merci @user_219849 · 13-09-2010

ياخي خوفك مبالغ فيه شوي ..بس ساماكو مو بالاسوء وفي تحسن نوعا ما خاصة بجده والرياض بس اذا بالشرقيه الله يعينك...ومثل ماتفضلو الاخوان عندك الضمان وما تخاف من شي والله يوفقك

MY VW @user_237333 · 13-09-2010

اذا انت بالرياض
انا مجرب الصيانة والاوضاااع كلها تمام انشاء الله
يا رجال اتكل عرب العالمين وخذها بعد الاستخارة

الحب كذبه @user_144606 صاحب الموضوع · 13-09-2010

عزيزي دكتور مجنون انا مو مهتم بسعر ما بعد البيع انا مهتم للسياره والوكيل هدي مشكلتي

دكتور / مجنون @user_18878 · 12-09-2010

حرام تشتري سياره.. لو تبغى تبيعها بعد 5 سنين ماتجيب لك سعر!! اشتري مرسدس احسن من الباسات بمليون مره

الحب كذبه @user_144606 صاحب الموضوع · 12-09-2010

يعطيكم العافيه على الردود ولا قصرتو والله يعطيكم العافيه

اخوي carless انا الحيره مو في سياره السياره ما عليها كلام انا محتار وخايف من الوكيل فقط لا غير

carless @user_231471 · 12-09-2010

أنا بالضبط واقع في نفس مشكلتك !

قيمة الباسات سي سي ال 6 سلندر، أزيد عليها 6 آلاف بالضبط وآخذ أودي A6

أو آخذ مرسيديس C فل

MY VW @user_237333 · 11-09-2010

انا معاي باسات سي سي ١.٨ tsi فل كامل
ما واجهت مشاكل الى الحين
صرت ماشي فيها ٥٩٠٠٠ كم
والحمدلله
كلها تمام تمام
لا اصوات ولا خف العزم والتكيييف ماشاء الله اتحدى فيه احسن سيارة
توفير بنزين والمهم تميز بتميز تبارك الله
اتكل عرب العالمين ثم استخير وخذ السيارة
أخوك Mohannad

حبيب الملاييين @user_157406 · 11-09-2010

يا عمي توكل على الله ..!!
ولا يهمك الوكيل انت حافظ على سيارتك وان شاء الله ما يجيك الا كل خير !! والوكيل في ناس تمدحهم وكثير يذموهم !! ..
انا على الأقل ما سمعت احد يمدح الجميح وكيل سيارتي .. ومع ذلك اشتريتها منه !! والحمدلله ما واجهت مشاكل معاه !! ابدا !! .. ههه يمكن غالي حبتين بس ..

تحياتي

otiwi @user_236782 · 11-09-2010

يا خوي توكل على الله لو عندي المبلغ ماهمني لا الوكيل ولا حتى رئيس المانيا بنفسه
سياره جديده اش تتوقع منها كل يوم عطلانه يعني
ياعمي اشتر وتمتع فيها وربنا يهنيك فيها وخلى البكي وقت الاحزان
توكل على الله وبعد العيد قول لنا اش صار معاك وكل عام والجميع بخير

The_Game @user_133527 · 11-09-2010

^^^
شوف احد الاخوه كانت عنده مشكله في سياراته وصلحو كل حاجه على الضمان
ان جينا للحق كل وكيل يبغاله العين الحمرا لانو يحاول انو مايعطيك حقك
انت استخير ربك وان شاء الله تتيسر امورك
تحياتي لك

الحب كذبه @user_144606 صاحب الموضوع · 11-09-2010

مشكور حبيبي على الرد لاكن انا خوفي كله من الوكيل ومشاكله ياخي كرهني في سياره لاكن ما حصلت احسن منها

السياره جباره بكل صراحه لاكن الوكيل الله يقلعه

Energy @user_18872 Renault Aficionado · 11-09-2010

وعندك الـ سي سي 1.8 لتر سعرها 118 الف سألت عنها بس مخلصه

و عندك كمان سي سي 2.0 فل بـ 145 الف ..

وحلاوه انك تاخذها الان ان الشكل جديد لسه .. زي عندك الباسات العاديه من عام 2006 الى 2011 او 2012 الله اعلم و شكلها ماراح يتغير حتى صور تجسسيه للجيل القادم مافي اخبار عنها ...

يعني تاخذها و انت متطمن من ناحيه ان الشكل مو قديم

اسف على الاطاله

Energy @user_18872 Renault Aficionado · 11-09-2010

انا كنت بطلع جي تي اي و بطلت بس مو لسبب الوكيل بس ما ارتحت لشرائها لان مستواها في نفس مستوى سيارتي و ترددت في اخر لحظه ...
لعلها خيره لي ..
.........

نظامهم حلو ضمان لمده 3 سنوات مفتوح الكيلو مترات يعني لو مشيت مليون لمده ثلاث سنوات يتغير ع الضمان و يمديك تمدده سنتين بمبلغ اعتقد 3 الالف ريال و السياره حلوه و سعرها فيها عن نفسي ماتلاقي شي بسعرها و نفس المواصفات من المنافسين لها و لو مقتدر ماشاء الله عليك خذ سي سي سته سلندر ابداااااااااااااع لايوصف هذه السياره بـ 165 الف

الله يكتبلك يلي فيه الخير يارب و عيدكم مبارك :)

هع الهع @user_235009 · 11-09-2010

حبيب قلبي توووكل على الله خمس سنين قداام ما غندك اي مشكله في السيارة
وما راح تحتاج الوكالة