السلام عليكم ورحمة الله وبركاته
كل عام وانتم باتم الصحة والعافيه ان شاء الله تعالى
في البداية انا اقوم بغسيل سياراتي بالمغسلة كل يوم اربعاء اوديها للمغسله واغسلها واحيانا مرتين بالأسبوع ... على حسب الجو وكل ماكان الجو سيء غسلتها...
لكن صراحة غسيل المغاسل مايرضى طموحي ولازم تحصل فيه عيوب مع الاسف ولامغسلة من مغاسل السيارات عجبتني الا مغسلة وحدة مغسلة محطة العربة بالتحلية وماجربتها لكن شفت سيارة صديقي ويقول مغسلها هناك وغسيلهم روعه وسعره 50 ريال...
وبما ان والدي صاحب مؤسسة دعاية والاعلان وفنان تشكيلي يشتغل ببعض المعارض بنفسه صحيح فيه عمال لكن صدقني ماحد يصلح الشيء الا صاحبه ويوكلهم بالعمل لكن بعض الامور الدقيقة لازم يشرف عليها بنفسه
من هالمنطلق قررت اغسل سيارتي بنفسي ولااشوف فيها اي عيب بالعكس مع ان كثير من الاصدقاء يقول اكثر ماكثر الله المغاسل ولا خل السواق ولا الي يقول ولله انك فاضي :confused1:
مااثر فيني هالكلام بالعكس زادني متعه بالغسيل :bigggrin: خصوصا اذا كان معاك شاي وناسة
رحت لمحلات ساكو وشريت مناشف شركة ترتل واكس وعددها 6 وشريت صابون ماقوايرز وعدد 2 كبار و صراحة ممتازة جدا جدا جدا وايضا شريت مواد ماقوايرز خاصة بالغسيل عن طريق الرش وظيفتها تلمع الدهان وتزيد العمق و بنفس الوقت تحمي السيارة
والسعر كل هذا ب300 ريال يمكن وبالنهاية الواحد يستمتع بشغل يدة
ماشاء الله تبارك الرحمن
الله يوفقنا واياكم لكل خير
اخوكم الجوهرةes350 :xyxthumbs:
