أهلاً أخوي
الحقيقة أنا سيارتي شاريها بنظام تأجير عن طريق الراجحي
أما بالنسبة للمعرض ففيه معرض إسمه معرض الصقور بجده أسعاره جداً ممتازة
شرينا منه لومينا بسعر 66 ألف وسعرها بالوكالة 70 ألف , وشرين منه أيبيكا بسعر 61 ألف وهي بالوكالة بـ 67 ألف
وأرسلت واحد من زملائي العام وشرى منه تاهو 2010بحدود 126 أو 128 ألف بدبل وسعره بالوكالة 128 ألف
وإذا تبي رقمه فأبشر أرسله لك على الخاص
أما بالنسبة للمميزات اللي تفقدها , فيقولون إنك ما راح تقدر تستبدل الإطارات إذا كان فيها خلل , أما نظام المساعدة على الطرقات فما أتوقع تخسره لأنه من جنرال موترز نفسها ولا دخل للوكالات بهالنظام
أنا سيارتي ولله الحمد والمنه راضي عنها تمام الرضى , كارفها كرف ولله الحمد ما طلبت شي لحد الآن , أما بالنسبة للتطعيس فالأفضل إنك تستخدم الخفيف ( HIGH ) وإذا غرزت فعليك بعطي الله الثقيل (LOW) أما ألأوتو فأنا ما أستخدمه أبد لأني ماني مقتنع فيه , أحسه يخرب السيارة
وما عليك بالنسبة للتطعيس فبيعجبك والله , وخصوصاً إذا كان جنطك 17 أنا جنط سيارتي 20 ولله الحمد أتحدى كثير من السيارات المشهود لها بالقوة بالنفود وأتغلب عليهم .
عيب جنط الـ 20 يغرز بسرعه يبيلك أغلب الوقت شابك الدبل وإذا طعست فيه تطعيس جامد بدون تنسيم الكفرات ترتفع حرارة القير , أمًا إذا نسمت له على ضغط 20 فخذ ولد .
والله يكتب لك الخير فيما تختار سواءً تاهو أو غيره
مشكور اخوي ما قصرت
انا مكاني في الرياض وانت كاتب المعرض في جدة
وما ادري انا للحين محتار الأرمادا اكسسواراته تشفعله ومكينته 5.6 - 360 حصان
اما التاهو تاهو معروف بهيبته يكفي شكله كشخة بس مافيه شاشات ولا فتحة و 5.3 و 320 حصان
يا خوي اسال الخالق قبل متسال المخلوق, صلي استخارة و شوف اللي يرتاح عليه قلبك الله يباركلك بعمرك, ويا رب يقدملك اللي بيه الخير.
انشاؤ الله اخوي
وشكرا على النصيحة
والله الأثنين حلوين .. انا مجرب التـاهو بصراحه تحمل وقوة وراحه ..
أمـا الأرمادا .. مع ولد عمي له 6 سنـوات ويقول انه عشق السيارة
ولا يفكر يبيعه أبد .. لذلك اتصور أن الأثنين فيهم حقهم ..
لكن أحب أضيف أن ديكور الأرمادا الداخله مميز ومحركه بطل .
مشكور اخوي
