ماهي افضل كفرات ممكن اركبها على الاكسبلورر غير نوع قودريش؟

مازال للحوار والنقاش بقية .....في انتظاركم

اذا معاك حق ميشلان هو الافضل
ثم الياباني مثل دانلوب و يوكوهاما

لاصحاب الخبرة والمهتمين ...............مازال للحوار والنقاش بقية .....في انتظاركم

بس عيب الميشلان انه غالي ....والاصلي غير متوفر

انا اشوف ان الميشلان اطار ممتاز ،،

الوالد عنده كفرات من 2004 الى 2009 ما غيرهن الا يوم انفجر واحد وطلع السبير تعبان

واظنهم دنلوب

وكالات ( قوديير ، دنلوب ، بيريللي ) ، كلها جنب بعض ، على طريق الدمام الخبر السريع مقابل الناغي بي أم دبليو .

أنصحك يا خوي بالدنلوب ، سعره رخيص نسبيا ، مريح في المطبات ، عمره متوسط
الإختيار الثاني هو الميشلان ، اغلى سعر ، أفضل جوده وتماسك مع الطريق ، قاسي في المطبات نوعا ما ، سعره أرخص من البريللي .

أما قوديير فهو جيد ، ولكن ضمانهم (أي كلام) .

الله يوفقك لما فيه الخير

انا انصحك تبقى على القودريتش صراحه .. يعني الصانع لما يختار اي شي يوضعه في المركبه

يكون بناءا على اختبارات وليس تحصيل حاصل ..

انا بحكي لك فقط عن القودريتش .. اول شي هو من عائلة الميشلان .. ثاني شي

بغض النظر عن الحراره .. نسبة التآكل 400 والتراكشن A والسرعات Z

Z طبعا 200 كم \ س

طبعا الكفر بناءا على تجربه وليس تخمين بحكم اني املك السياره .. اشتريت السياره في 2007 ماغيرت الكفرات الا في 2010 ما شا الله تبارك الله

طبعا غيرتها لما ضرب علي واحد من الكفرات حتى لما ضرب ضرب بطريقه غريبه

ضرب من الجنب كأنك مقشره .. مع ذلك الكفر استحمل طول المدة هذي ووقفت بسلام

غير كذا طبعا المفروض اغيره من اول بس خليته ومع ذلك ماقصر اعطى اللي عنده وزياده

ولاحظ انا اقولك واحد اللي ضرب الباقيات لازالت سليمه .. بس غيرتها خلاص بحكم انو

3 سنوات اعتقد كافيه جدا واصلا تعتبر متجاوزه نظرا لجونا الحار

وبدلت الكفرات بكفرات قودريتش مره ثانيه جديده .. لأني صراحه مرتاح معها جدا

ازيدك على نقطه .. الكفرات الاولى .. السياره طلعاتي للبر فيها كثيره في الشتاء

في الصيف امسك خطوط .. مشيت على حجر ومشيت على نفود والكفرات من اروع مايكون

نسمت وعبيت كثير .. وصلت الى 5 في كل كفر وانا في النفود .. ومع ذلك ما شا الله تحملت كل هالتضاريس

نصيحه .. لاتبعد عن اللي يوصي فيه الصانع .. والخيار لك .. اذا مصمم مصمم

عندك الهانكوك .. ناعم ولين .. ومريح في الخط حسب ماسمعت من بعض الاعضاء

وعندك ايضا الميشلان .. بس شرط يكون الاصلي ..

اخر شي .. اذا غيرت الكفرات .. حاول تعبيه نيتروجين .. وليس هواء طبيعي .. النيتروجين افضل وابرد على الكفر حتى مع الدوران

تحياتي لك ارجوا اني افدتك

ركب برلي نفس الوكاله اذا انت متورط