عاد انا عاطل لو موظف كان على الوكاله
اللهم ارزقني اللهم آمين
عاد السياره الي ابي مو لجل الفشخره والدلع << تكفى يابو الدلع انت وثلاثينك رح بس اقلب وجهك :bigggrin:
المهم سالفتي سالفه الي معاه جنط زايد او صدام وناوين ترهموهم جميع واشري سياره كامله منكم ههههههههه نو بربلم :tongue:
المهم تكون سياره تكد على نفسها وتكد علي وانا احترت صراحه بين مجموعة خيارات حتى اكون واضح معاكم ونختصر الخيارات والنصائح ويكون الطلب المناسب في الجسم المناسب :smilie16:
اولا فكرت في سياره حوض لمشاريعي المستقبليه الي كل الطرق توصلني لمزارع او بياع غنم مافيها حكة راس فلا شهايد زي الناس والواسطه ابو دلامه واذا طفش رحت لجحا يعطيني نكتتين اتسلى فيهم وارجع
نبدى بالحوض وفكرت ثم فكرت :c0214: مين الي اركب مع جحا وابو دلامه والخرفان وكرتون الطماط بالشكل الي يعمل لي مصروف يومي ثابت يغطي مصاريف البيت والكهرب والمويه والجوال والاعياد والسفريات يعني مو ذاك الزود حق راتب وظيفه مناسب رب اسره طالع من تكاليف الزواج وخاش في معترك الحياه << امش يابو رمش ( يمديكم على معترك ) اعركها بالركبه ياشيخ
زي ماقلت غاسل يدي من الحكومه والقطاع الخاص لان جحا وابو دالامه ما عندهم الا مفاتيح الرفه والعاطل الباطل لازم يرضخ للامر الواقع
طبعا المشاريع المستقبليه للخطه الخمسيه القادمه حق السياره الحوض هذا اذا ما دبجتها زي ددسن 80 غرفتين وحوش بعت خمس غنمات باولادها وشريتها باربعتالاف مؤلفه اربعتا تا ويوم سقتها بس اردها على الطريق تقول ارد نعجه عورا قلت اكيد الغلط مني وادخلها الورشه صنفره وتدليك ومساج حق عجايز باثناعشر الف قلت بتطلع وكاله ويوم سقتها الا نفس العوار :smilie16: قلت هيا خذي دن دن دن دبجتها وفلفلتها لين بنشر الكفر ثم قلت روحي في حال سبيلك انتي من الطلقاء
صبركم علي فانا نشف حلقي وطلع دم قلبي لين طلعت ذالثلاثين والغنم راح وما معاي الا كرسيدا لا نفعت في توصيل معلمات ولا فادت حتى مع الركاب و البنقال يعافوها وصرت مثل المطلقه انقل قشي من مدينه لمدينه لجل تطلع بنتيجه ومغير تعب على الفاضي اطالع فيها واقول نعنبوك انا ماخذك لجل تفيدي والا هم على هم تطالع فيني :smilie16: وتقول الحس فكس
نرجع للحوض فسويت بيتين محميه صغار لجل تعطي اكتفاء ذاتي والزايد مقايضه مع البقاله على الاغراض والي يطلع من الكرسيدا لباقي مصاريف البيت ومصاريف الطلعات والصيف ورمضان والاعياد اما المدارس والاولاد لسى بكير عليهم ومعاي الثلاثين فوقهم الفين ونص حق نقل الملكيه وتصليح العطلات والكرسيدا ناوي اخذ بقيمتها غنم كاحتياط فدرالي لو فشل شغل الحوض تكون الغنم والخضار متكفله بالمصاريف حتى تنحل المشكله
فكرت في فوائد الحوض ان بيكون فيه بدائل للمكده والغنم والخضار مثل الاحتطاب وتوزيعه على المحلات او المنادي او الاخذ بالجمله والتوزيع على المحلات ومن فوايدها تتحمل اغراض بس تكون دورين وملحق مو زي ابو 4 الاف خلاص تطورنا :bigggrin: وابي صفاره ووووووز :smilie16: عشان يتسلى التمر والحبحب كذا شايف ان لها احتمالات ومواسم او حتى شغل مستمر من اجل انعاش اقتصاد البلد
خلونا من الحوض ونتجه للبديل وهي سياره سيدان حق تحميل ركاب وش السياره المناسبه الي تكون كافيه لركاب افضل وقطع غيارها معقوله وصرفيه بنزين مناسبه ولا مانع من الديزل لو نمسك طابور مع طريق الشاحنات وتكون مناسبه للركاب سعوديين اجانب مو مشكله المهم ما يكون فيه تردد من الركوب او تغلي علينا من الحبايب الطعمين اللذيذين
عاد كل السيارات الي اخذت قبل كذا حملت ركاب حتى سياره دفع رباعي حق شبيهه بحق الرالي تعطيني مصاريفها ومصاريفي ايام العزوبيه واذا مسافر او حاب اغير جو والبنزين مولع كلها تحميل ركاب وافرفر من مدينه للثانيه تعطي حق الاجار والمصروف احيان في فندق واحيان تحت كبري احيان تصرف علي واحيان اصرف عليها افضل شي كابرس طلعت منها سيارتين وافضل دخل كورلا صفالي نهاية الشهر 18 واسوء شي الددسن واسوء مدينه للمكده الرياض باقي المدن شرق غرب شمال جنوب تمام المهم العميل يركب وازهل الباقي لو يبي المريخ على حسابه قدام
خلونا من السيدان ونتجه للسياره العائليه :c0214: قاعد ارسم مخطط ميخرش المويه يا تصيب يا اتورط واعلق في شباك النحس الي ملازمني فادري ان القيمه قليله يا اغامر على امل الحصول على تذاكر شهريه افضل راح يطير منها اجار ومصاريف سياره ومصاريفي او اكبح جماح المغامره في الدي الثقيل واشبك الدبل واكون عقلاني بثلاثين وبس والكرسيدا احتياط فدرالي في البأأأأء عشان لو تعثر واحد منهم تكون احتمالية التعثر نسبيه وان تعثر الجميع تكون المغامره والحذر سيان << يتخيل نفسه بين قنابل وشبوك وفي المعركه ماسك رشاش طططع طع فاما النصر واما الهلال واما الهزيمه المره
وش السياره العائليه المناسبه لنقل معلمات بقيمة ثلاثين الف ريال تنطح ريال واحد بقرون والثاني ما معاه اذان وش السياره المناسبه لان شاب راسي شيب واشتد المشيب عشان سياره مناسبه
خلونا من سياره العائله ففكرت في دينه لكن حاس انه نوع من القمار مو بس مغامره صحيح دورت في المزارع وعملت سيناريوهات وعقود افتراضيه كوسيط وفكرت في نقل الاثاث والتوصيل على حسب الطلب والتوزيع لكن قلت ان صعب احط المبلغ في يد دينه سايبه عايبه مغير تتن وبس
انضروا لوضع معالينا وفكروا جيدا ومعليش على الهذره وما خاب من استشار
