ماذا تريدون من الحمراني؟؟؟

أهلا وسهلا
أنا لاني مندوب ولا مدير مبيعات ولا شي
كثرلي منها أن الحمراني يجي يسمع وش الي تبغونه

لكن بما أني أسمع كثير من الأنتقادات لوكالة نيسان دون غيرها من باقي الوكالات حبيت أسمع وش يبغون الناس من الحمراني بالضبط؟؟؟

تحياتي ياأخوي ونقدك مقبول

أنا أقول لك وش أبي,,
أولا نبغى فتح فروع أكثر...سواء صالات عرض أو فروع صيانة أما نقاط بيع قطع غيار فالحمد لله الموزعين كثار و بأسعار أفضل:xyxwave:

بالنسبة للمبيعات:
1-أفتتاح صالات عرض في اماكن متفرقة.
2-توظيف عدد كافي من المندوبين اللي يكون عندهم سالفة عن سيارات الشركة مو يجي الزبون و يكون اكثر معرفة منهم....غير كذا الاسلوب ما يكون كأنه بيعطيني سيارة ببلاش:a1120(121):
3- توفير السيارات بأعداد كافية تقابل الطلب العالي خاصة المكسيما و الألتيما. أكثر المرات يكون اللون غير متوفر أو الفئة المطلوبة جاية في الباخرة اللي تقعد لها 6 شهور في البحر:confused1:

بالنسبة للصيانة:
1- افتتاح فروع كثيرة و في أماكن متفرقة و مناسبة مو يرميها على الطريق الساحلي بين الخبر و الدمام مثل الجبر!!
2- تكون الفروع الكبيرة مشتملة على جميع الخدمات من الصيانة الكبيرة (الميجر) و صيانة القير و المكينة و غيرها. الجبر اللي على الساحلي ما يسوي صيانة للقير!!!
3- توظيف فنيين على مستوى عالي من التدريب و المهارة مهوب يجون يتدربون على سياراتنا....أجل أدخل المكسيما 2002 3 مرات للوكالة عشان صوفة القير!!!!
4- الاهتمام بالنظافة الداخلية و الخارجية للسيارة......ما يركبها الفلبيني و يشغل الرادو و يترك الدرايش مفتوحة 3 أيام الين تمتلي السيارة غبار!!:a1120(86):
5- افتتاح فروع للصيانة السريعة لغيار الزيت و الفلاتر و غيرها من خدمات سريعة بأسعار معقولة

بالنسبة لقطع الغيار: الله لا يكثر خيره و منة الله و لا منته.........الموزعين مو مقصرين:smilie16:


تحياتي يابو شنب:bigggrin:

نبيه يحـط مندوبين زي بقية الوكالات / يعني يحط عدد يلبي هالناس الي

تتعب وتروح الوكاله عشان تسأل عن الباترول وبالأخير ما ننلقى الا

شخص واحد أو أثنين وكلهم مشغولين والناس عليهم سرى مثل سرى

خبز التميس .. ونبيه يهتم شوي بحكاية توسيخ جلود المراتب الداخليه

للسيارات الي تحت الصيانة .. يمكن عشر مرات ادخل سيارات عندهم

وفي الأخير ألقى الجلد الداخلي عليه انواع الشحم والزيوت نتيجة عدم

إهتمام عمال الصيانة بالنظافة ( يعني تخيل ألي يصلح هو نفسه ألــــي

يسوق السيارة ويجيبه لك خارج الصيانه ) ههههه اكيد بيكون وصخ ..

بس وسلامتك .. تحياتي .

نبي توصيل قطع غيار للورشات

علي غرار توصيل الطلبات من المطاعم

ياخوي عنوان الموضوع كأنك من احد مندوبية وتبي تسوي حل ماندري ان موضوعك يعالج مشاكل الوكيل في المنتدى يعني بدون فايدة اوصله بهم
يعني وش بنستفيد لو نكتب 1000 صفحة اصحوا ياشعب من الاماني والله مايصير الا هاذي الدرجة واذا سئلة الواحد يقولك اذا ماعجبك الموضوع لا عجبني اذا كان فيه تطبيق اما كلام فتقبل الي يجيك لانك انت كاتب الموضوع

:bigggrin: متابع للأخير ابي اشوف الهدف من الموضوع عشان اشآرككم

توفير قطع الغيااار قبل كل شي


والباقي يهون

اريد من الحمراني ان يهديني جي تي ار ستاندرد 2011 :smilie20: :D

.

ياليت يهتم في سياراته ويوفي حقها ويحط سعر معقول سواء للسيارات او القطع

1- توفيـــر قطـــع الغيــــــــار وبأسعـــار معقولة حيث الأسعار الحالية عالي العال أجل بالله أنوار الضباب للألتيما 2006 سعره فوق 500 ريال ههههههههههه سلامات !!
2- فتح المزيد من مراكــــز الصيانة في الرياض وفي كافة أرجاء المملكة.
3- السيارات الشعبية أعدادها قليلة وكذلك الألوان لا يتم توفيرها جميعها !!
4- الاهتمـــام بالعاملين في ورش الصيانة واختيار عمالة ذات مهارة عالية لكي تحافظ على سمعـــة الوكالة .
5- الصيانـــة الدورية للسيــــارة أسعارها عالية لماذا ....؟ يجب مخافة الله تعالى ان لم يكن هناك قوانيين تحكمكم

اضيف على ما ذكرت سابقا القطع بصراحه اسعارها مبالغ فيها والسيارات الجديده يبغا لها سنتين اقل شي عشان توفر القطع يعني ياليت تكون القطع متوفر وبسعر معقول
ولك تحياتي ياصاحب الموضوع

شباب رجاء الي مايعجبه الموضوع لايدخل
ولايرد فيه ناس راح يعجبها الموضوع

نبيه يوفر القطعه بسعر معقول والصيانه مهي معقوله ابروح اسوي تشييك كامل للسياره تجلس عندهم اسبوعين وين جالسين حنا

اولا يعطيك العافيه على الموضوع ثانيا نريد من الحمراني عدة اشياء منها
1-تغيير جميع فنيين الصيانه عنده وتغيير مدراءهم لان الموجودين هالحين الغالبيه منهم مايفهم والي يفهم منهم حرامي
2-توفير السيارات التي يقتنيها عامة الشعب وبكميات مناسبه والوان مرغوبه والسيارات الي يبونها الناس هنا التيما مكسيما باترول ارمادا النيفارا وهذي ياليت يوفرها غماره وحده ويفرها بنزين
4*4 والاكستيرا والباثفيندر وباقي سيارات النيسان المرغوبه ويوفر السيارات هذي بمواصفات جيده
3-يكثر مراكز الصيانه في كافة انحاء المملكه ويحط نقاط للخدمه السريعه
4-يفتح المزيد من الفروع ويخليها وين مايروح الواحد قدام عينه
5-يعطي موضفينه دورات في حسن استقبال الزبون ويشدد عليهم بالشي ذا
6-يقسط السيارات عن طريق جميع البنوك لانه هالحين يقولو لك حنا نقسط او ناجر عن طريق البنك الاهلي فقط
7- يكثف الدعايات بشتى الوسائل ولكل السيارات
8- يحط عروض صيانه مغريه وعروض
وبصراحه يبغى له شوي شغلات غير هاذي بس هاذي المهمه

نبي انتشار لفروع الصيانه

مثل ماقال اخوي
مالاهدف من الموضوع ؟
اذا انت من طرف الوكالة فهنيأ لنا بكم اذا كنتوا تبون تعدلون انفسكم ؟
وراح نفيدك بنقاط الضعف عند الحمراني وباذن لله يتغيير للافضل
ننتظر الاجابة

ماالهدف من الموضوع ؟
_
_
بالانتظار ..
:smile: