.
.
السلام عليكم ورحمة الله وبركاته ..
كيفكم اخواني ان شاء الله بخير ..
اليوم حاب اخذ رايكم اخواني , بما انه لكم خبره كبيرة ان شاء الله ..
طبعا انا عندي مشوار كل يوم 40 كيلو رايح 40 كيلو جاي !
هذا مشوار اساسي كل يوم بدون الويك اند ..
فآ آبي سياره تكرف معاي وماتطلب الكثير .. طبعا بعد ما سالت وبحثت ..
وجدت جيب شروكي 2011 سعره 140 بس ماعندي خلفيه هل هو استندر بمعنا كلمة ستندر ..
يعني راح يكون بدون فتحه بدون شاشة بدون جلد آلخ ... آو آستندر فيه موصفات اساسية ..؟
وعندي استفسار لو تعرفون سيارات جيوب بسعر 135 آلى 145 الف بالكثييير !
وطبعا انا مستبعد الفورد ادج , لاني رحت وشفة السياره ..
وخلاص جزمت اني طلع ايدج 2011 , طبعا السياره عجبتني مره و طلبت كل شي اللون ابيض و كانت فئة لمتد ..
وكان فرق اللون الابيض 2000 ريال عن الالوان الباقيه ( الاسود نفس الشي )
طلعت قيمت السياره 143900 رجعت البيت واجهز الاورق علشان اخذها ..
حتى رقم الهيكل موجود وكل شي ابيض والداخليه بيج !
المهم جبت الكتلوج وريته لـ آخوي وآنصدم :|
الجنط حق اللمتد نفس جنط الاستندر بالوكالة ! قلت اكلم المندوب و اشوف ..
قالي نعم نفس الجنط ! المهم غضيت النظر عن هل شي .. رجعت كلمت المندوب قلت
فيه خريطة بالسياره قالي لا للاسف اخوي فقط شاشة معلومات !
سالته السياره زينون قالي لا ! قلت فيه رادار قالي لا ! قلت فيه الحركة مدري وش اسمها
اللي بالمرايات .. اذا كان فيه سياره جنبك ينبهك قلت له موجوده هل ميزه قالي لا !
ومعا هذا السعر مبالغ فيه جدا جدا جدا ! 144 الف !! حرام و الله , وغير كذا ما اتوقع انه التغير جذري ..
لانه بدي السياره ماتغير و نفس الكلام على شكل الاسطبات الخلفيه .. فقط الوجهة و الداخليه
فا اتمنا يا اخواني تختارون لي سياره جميله وتكرف معاي ..
شكرا لكم
.
.
