أفضل سيارة ف حدود 75

reeedz @user_243939 · 01-02-2011

السلام عليكم ورحمة الله وبركاته ..

الموضوع واضح م عنوانو ..

انا ف اخر سنة ف الثنوبة وحاب اشتري سيارة طبعا حدودي 75 واذا مره مره 79 مستحيل ازود عاد
هدي ميزانيتي هههههه <<<<< يعني مو تقولولي زود 5 الاف وخدلك ........ .

انا ف البداية من عشاق السوبارو والليجاسي خصوصا بس انصدمت انو الفلوس ما تكفي حتى ستاندرد ب 86 طبعا ..

فقررت استشير الشباب ف المنتدى وانشالله فيكم الخير والبركة ..

في كم سيارة انا اشوف انها ممتازة لدا السعر ..

1- سونتا فل أوبشن ___ 79 ألف ..

2- ميتسو لانسر فل أوبشن ___79 ألف ..

3- شيفرولي كروز ..

3- وهي الأهم عندي رايكم سواء سيارة كورية او يابانية او امريكية او حتى المانية اذا كان في بدا السعر..

اتمنى ما حد يبخل عليا ..

اسف ع الاطالة ويعطيكم العافية ..

reeedz @user_243939 صاحب الموضوع · 25-02-2011

أنا حطيت التقرير الي قلتلكم علي ..

باسم (تقرير مبسط عن السيارة الي حاخدها باذن الله (SOBARO - LEGACY 2.5i )) ..

اتمنى تشوفو وتعطوني رايكم ..

reeedz @user_243939 صاحب الموضوع · 24-02-2011

انا الحمد لله رحت ع اليمني (سوبارو) اليوم ..

وقريب باذن الله حانزل صور كموضوع ومشاركة ف دا الموضوع كمان ..

اتمنا تصبرو عليا شويت ساعات عشان المباراة اليوم ..

شكرا لكم ..

omar-scary @user_247260 · 24-02-2011

شباب الي يقول سوناتا لو بتغير 5 سنوات خذها .؟ ليه يعني؟؟
اش بيصير بها بعد 5 سنوات ؟؟ !_!
ياخي لو على البانوراما في شي اسمه صيانة و يظبطولك العازل .. ~_~
بعدين 5 سنوات بتكون تخرجت و بتغيرها غصب عنك ^^
سوناتا فل احسن شي او نص فل بس دور لان بتلقى كثيرررر نص فل ..
يعني معارض تلقاها بـ 2 اير باق و معارض بـ 1
معارض بـ مسكات الباب نيكل معارض نفس اللون السيارة
يعني دور و ركز بالمواصات بدقة لما بتشتري .. ^^
و بالتووفيق ..
و بس تشتري طمنا و قولنا رايك بالي شريتها :)

الحربي2011 @user_222913 · 24-02-2011

شوف الكرايسلر حلوة ورزة وكشخة واي حاجة بس يعيبها الوكيل وبعدين ترا مو عملية والله وربي حتكرهها وتندم
ادا انت ناوي ع امريكي عندك
شفروليه
جي ام سي
توكيلات الجزيرة
حسين علي رضا ميركوري
ابعد عن شي اسمو كرايسلر ولا دودج و كاديلاك

reeedz @user_243939 صاحب الموضوع · 23-02-2011

ع

عاشق كلايسلر

يب يالغالي سعرها نفس ماقلت لك .. ونفس المواصفات وموديل السيارة 2011 ..

وانت بكيفك اذا مادخلت مزاجك لا شكلآ ولا مواصفات .. القرار الاول والاخير لك ..

والله يوفقك ..

والله نبهتني ع نقطة مهمة ..

انشالله اسير عليهم مع بعض ..

شكرا لك مره اخرى ..

عاشق كلايسلر @user_240786 · 23-02-2011

يب يالغالي سعرها نفس ماقلت لك .. ونفس المواصفات وموديل السيارة 2011 ..

وانت بكيفك اذا مادخلت مزاجك لا شكلآ ولا مواصفات .. القرار الاول والاخير لك ..

والله يوفقك ..

reeedz @user_243939 صاحب الموضوع · 23-02-2011

انا ما افكر ف النيسان ..

ما تعجبني ..

لكن حاراجع افكر ف اختياري الاول ..

شكرا لك ..

الحربي2011 @user_222913 · 23-02-2011

بقووووووووووة والله تخوف
شوف يابطل انت الحين معك 75؟
روح المعارض وخدلك التيما استاندر قير اوتو عداد زيرو بغبارها بــ65 وحط 10 في جيبك
وربي افضل خيار لك وعند النافرا الجديد مرة حلو....... في واحد
ريموت تحكم عن بعد تشغيل زر انوار زينون نظام دعم المكابح مثبت سرعة مكيف خلفي
بـ80 الف تقريبا

reeedz @user_243939 صاحب الموضوع · 23-02-2011

راح استخير باذن الله والقطع والله مخوفتني ..

مسعود الفضي @user_76274 · 23-02-2011

سوناتا2011

الحربي2011 @user_222913 · 23-02-2011

انتبه انتبه انتبه ............. ادا تبغا نصيحيتي شوف
انسى السوبارو بكل ابوها وربي خااااااااااااااااااااااايسة... انا اقلك ليش وليش انتشاراها ضعيف وتكاد لا ترااها
اول شي سعر القطع الغيار نار....وكيل سيئ...... سعر السيارة زايد مرة....ولا قطع الغيار مو متوفرة يعني تخيل مرة رحت تبى تسوي صيانة ولا احتجت حاجة مثلا خلينا نقول ع سبيل المثال بواجي او فحمات او سيفون وقال ماعندي تعال بعد شهر اش راح يكون موقفك وانت توك مشتريها وادا انت ناوي تشتري من النت زي ماتقول هيا حلني عبال ماتجيلك القطعة راح تجلس كم يوم بدون سيارة وكل شوي اطلب من النت ها؟ هههههه
ياخي نصيحة ماراح تعرف الميزة دي الا لما تسوي صيانة او تكون محتاج قطعة تلفت عندك من حادث لا سمح الله ...... الله يسلمك من كل شر
وبعدين ترا مررررررررررررررة قاسية وسعرها ادا جيبت بتبيعها ينزل في الارض
هدي وجهة نظري ورايي ... مابغاك تتورط................الامر راجعلك
انت استخير وتوكل ومبروك مقدما

T.3.S @user_254280 · 23-02-2011

اذا انت بتشتري وبتقعد عندك 4 او 5 سنين انصحك بالسوناتا اما اذا 8 سنين وفوق فأنصحك بالكروز
على فكره في سياره شفروليه اسمها ابيكا رووعه بما انها نفس مواصفات الكروز بس انها اكبر في الحجم انصحك فيها وسعرها مايتجاوز الـ 77 الف للفل اوبشن طبعا

سوناتا V6 @user_230258 · 23-02-2011

عدم توفر قطع الغيار كارثة وما راح تعرف الشيء هذا إلا إذا لا سمح الله صار للسيارة حادث

لو قلت القطع غالية قلنا ماشي وأمرها سهل

reeedz @user_243939 صاحب الموضوع · 22-02-2011

يا جماعة انا ادور ع التميز والعملية والراحة والقوة ف سيارة شبابية وحده ..

طبعا مافي شي كامل والكامل وجه الله ..

بس انا اقول انو الليجاسي هيا تجمع كووول دي المواصفات لكن مشكلتها ف توفر القطع..

اسعا القطع مو غالية ابدا خصوصا الموديلات الجديدة لكن مافي قطع اصلا الا الاستهلاكية الا نادرا ..

وانا احل دي المشاكل بواسطة النت يعني تطلب القطعة طلبية وتركبها هنا ف السعودية ..

غير كدا ما اتوقع في اي سلبيات ف السيارة ..

واتمنى تكملو نصايحكم لانو كلنا بنستفيد ..

شكرا لكم ...

سوناتا V6 @user_230258 · 22-02-2011

1

نيسان ألتيما

2

فورد فيوجن

3

تويوتا كورولا فل كامل

4

هيونداي سوناتا

5

ميتسوبيشي لانسر ______ أو مازدا

طبعا ً من عيوب السيارتين هذى ( قطع الغيار نآر ) ( الوكيل لك عليه )

غير السيارات الخمس هذى لا تفكر تأخذ

راعي الفخامة @user_237168 · 22-02-2011

مازدا حلوه

كابريس5 @user_230070 · 22-02-2011

انت وضح لنا تبي سياره قوية تبي كشخة تبي تكرفها وضح وانشالله نساعدك

reeedz @user_243939 صاحب الموضوع · 22-02-2011

وبالنسبة للازيرا واللومينا ما عجبوني مرررره ..

واشكرك ع الاقتراح ..

reeedz @user_243939 صاحب الموضوع · 22-02-2011

ع

عاشق كلايسلر

كيا كادنزا 2011 الستاندر

شكل جديد فخامة رساوة ... صح انه كوري بس السيارة جودتها عاليه ..وفيها المواصفات الي يحبها قلبك
وسعرها بعد الخصم 76 الف ريال شامل اللوحات والتأمين
+ خصم 2000 تقدر تطلبها من المدير التنفيذي ... اذا بتشتري كااش

ومواصفاتها :

جنوط 16 انش
نظام مانع انغلاق الفرامل
ايرباقين
فتحة يو اس بي و AUX
مقاعد مخمل
ريموت فتح عن بعد ( مفتاح اعتيادي)
مسجل سي دي ابي ثري سته اسطواناتى تكاية امامية و خلفية
نظام صوتي سته سماعات
مكيف للركاب الخلفي
الانوار المضيئة في الابواب و الطبلون
كمبيوتر للرحلات
مرايات جانبية كهرباء تغلق تلقائية مع مؤشرات جانبية
مقعد السائق تحكم كهرباء
مكيف منفصل للسائق و الراكب في الامام
انوار ضباب
شكامينها زي اللكزس 460
صور لها .. بس هذي للفل ماتفرق عن الستاندر من برا الا الشبك + البانوراما فقط ..

ولولآ الحب في الله مانصحتك فيها ...
وادخل منتدى السيارات الكورية قسم كيا وتأكد عن المعلومات بنفسسك ..

مو معقول ؟؟؟؟؟؟؟؟؟؟؟؟؟؟؟؟؟؟

بلا متاكد من المعلومة ...

بصراحة لققققطة اذا كان الخبر صحيح ممكن اتهور ..

اتمنى اذا كنت متاكد من السعر ترد عليا لاني سمعت انو الاستاندرد انقطعت من 2010 ..

شكرا لك ..