والله يا حبيبي انا زيك ونفس الميزانيه بس حصرت خياراتي في
الماليبو ستاندر(74الف ) ... بس مواصفاتها مره حلوه داخليه ممتازه بلوتوث جنط 18 تشتغل عن بعد وطبعا امريكي 100%
والمازدا 3 فل كامل هتش باك(70 الف ) .. ( مواصفات افضل من الماليبو بكثير لكن عيبها محركها ضعيف وطبعا تعتبر فئه اقل ) مواصفات المازدا تشتغل وتفتح بالبصمه زنون عالي واطي 6 سيديهات داخليه روعه الصراحه سياره متماسكه شاشتين داخليه وحده عاديه والثانيه للرحلات شكل رياضي حلو جدا الهتش باك طبعا وسعر معقول جدا
جيتا فلكس وايجن ( عليها عرض الفل ب 75 ) مواصفات حلوه حساسات اماميه وخلفيه وشاشه تتش جنوط فتحه في السقف زنون عالي واطي بس عيبها الاول انها فلكس وايجن يعني صيانه صعبه وقطع غيار اصعب واغلى ومعقده زياده عن اللزوم دوشه الصراحه واعرف ناس يعانون منها الصراحه والعيب الاكبر شكلها بيتغير السنه الجايه عشان كذا عليها عرض مع انها كانت ب 86 قبل فتره
السوناتا نص فل ( 80 الف ) طبعا ممتازه كمواصفات لكن يعاب عليها الجوده الصراحه لما تدخل السياره تحسها مو متماسكه الديكور وكذا وناس كثييييييير جدا يشتكون من اصوات في الديكور وبعد فتره اصوات في البانوراما وشكلها الخارجي حلو بس الداخليه احسها مفخمه ( في الحجم ) زياده عن اللزوم وكبيره
تظل السياره كوري ولو اني احترمها جدا جدا وارى انها متفوقه حاليا على تيوتا في جميع الفئات لكن صعب جدا احط فيها 80 الف
........
طبعا الجيتا سحبت عليها للاسباب اللي ذكرتها
والسوناتا كمان بسبب سعرها وعيوبها اللي ذكرتها لاني اعرف 2 اشتروها وللي يبغا يتأكد يدخل منتدى اعتقد السيارات الكوريه وبتلاقي تجارب الناس
بقي الماليبوستاندر والمازدا 3 هتش باك
محتار بينهم ولو اني افضل المازدا للمواصفات والشكل
لكن الماليبو اكبر ومكينتها اقوى وممكن تعيش اطول مادري والله محتار جدا
بس غالبا حاروح الاسبوع الجاي بعد ما استخير اطلع المازدا باذن الله
اتمنى اني افدتك حبيبي ولو احد عنده اضافات سيارات اخرى او تعليق او نصيحه
لا يبخل علينا الله لا يهينكم
ويعطيكم الف عافيه
هههههههههههههه يسيييييييدي ..
انتا كانك قاعد تعيش حياتي نفس الي سويتو انتا انا سويتو والله المبلغ دا مره محير ههههه
المكينة مع شوية مواصفات عندي احسن من مكينة تعبانة ومواصفات ممتازة ..
عالعموم لا تنسى الاستخارة ترى ربنا يختار لك الي فيه الخير ..
الله يعطيك العافية ..
