السلام عليكم ورحمة الله وبركاته
والصلاة والسلام على أشرف الانبياء والمرسلين نبينا محمد عليه افضل الصلاه واتم التسليم وبعد :-
اخواني الكرام لدي ميركوري جراند ماركيز موديل 2000 فضي داخلي رصاصي طبعا الموتر ستاندر لكن مراتبه جلد وعليها شعار ميركوري وفيه ارقام سريه ع الباب والمراتب الاماميه كهرب ..
الموتر استخدام الوالد والموتر للي بيستخدم نظيف ولا يشتكي من شي ماعدا فيه طقة بسيطه بالقير عند التغير من الاول للثاني طبعا اذا كانت دعستك خفيفه ماراح تلاحظها ابد لكن اذا قومت الموتر بكل عزمه بتحس فيها
والموتر مافيه تهريبات زيوت ولله الحمد ..
وجته صدمه بالوجه لكن ماتاثر الشاص ولا الجسر .. فقط شمعات وصدام وشبك وكبوت ورفرف يمين او يسار ماني متاكد
وفيه بعض الرشوش بسيطه بالباب بس مادري بصراحه اي باب لان الموتر من زمان عندنا والوالد الله يطول بعمره ناسي وش الاشياء الي انرشت .. لكن كلها بسيطه ولاهي واضحه ..
اخر سومه للموتر امس بمعارض النسيم من شريطي بـ 14500 ولا بعت والموتر ممشاه 267 الف كيلو ..
وهذي صور للموتر
الموتر لي اسبوعين استخدمه جداً ممتاز وبنظري ماشوفه يشتكي من شي للامانه ..
والموتر يحتاج رش صدام امامي وخلفي وتصليح الصدمه الي بباب الراكب وانتهينا ..
والاستماره باقي لها 4 شهور والفحص منتهي والتامين جديد
