قصة شاب حوّل من جنرال موتر إلى فـورد

مقارنة فاصلة من موقع الشركة

http://www.ford.com/2011Superduty/?p=headtohead&video=headtohead-fuel-efficiency-rematch

انا أرى ذلك فعلا... فعلا فورد سياراتها رائعه....

تحياني

نعم المستوى متقارب مع 2007 لاكن 2011 الفورد اقوى بكثير سواء من السيرا او السلفرادو او الرام

يمكن ماعندك علم عن مكاين فورد الجديده 2011 .. ماتنلام

اما السعر وش ذا الكلام بالله السيرا فل كامل 116 والفورد ب160 وين يا خوي

المعلومه خطأ لعلمك اقل فئة في فورد اسمها XL وتبدأ بحول ال80 الف ريال

ماتجيبها الوكاله في السعوديه .. اقل شيء عندهم هو XLT وجايبينه مواصفات ماهو ستاندر

وسعره 120 - 130 الف ريال .. السيرا غمارتين 126 يعني مافي فرق بالسعر يذكر

لاكن فيه تفوق بالمواصفات والمميزات يفرض نفسه .. على فكره عندي مقطع مقارنه بين السلفرادو والرام والسيرا والفورد كلها 2011 ويثبت تفوق الفورد الجديد بكل النواحي لاكن ماابي احطه عشان فيه موسيقى ولا ابي اكسب ذنوب الناس

عموما في فكره ما استوعبها كثير من الناس فورد الغت ماركت ميركوري بدون ماتطرد ولا موظف
كل المواظفين والمصانع ونقاط البيع دعمت فيها فورد ولنكون وهذا سبب التطورات الي قاعد تصير في الشركه والقادم اشد والله اعلم .. بدال ماجهدهم موزع على ثلاث ماركات الحين صار على اثنين يعني توقع اي شيء .. فورد راح تطلع طلعه بتكسر فيها السوق والعلم عند الله

صغر الارقام او كبرها ماهو دليل على قوة المكينة
مكينة الجمس 5300 اقوى من الفورد 5400
تدري ليش لانها فورتيك تعطي قوة جبارة باقل استهلاك للبنزين
مع فارق الجودة للجمس طبعا

انا احب الجموس واقدرها

ومتأكد ان كل المنتدى يدري بس ان جينا للصدق ومن تجربه للجمس من 2002 الى 2011

والفورد 2007

الفورد احسن من القديم اما مع الجديد الفرق بسيط ونقااط يتفوق الجمس ونقاط يتفوق الفورد

اما المكينه كلامك غلط في غلط مكاين الجمس احسن .. الفورد بططه

وفرق السعر بعد يعني سييرا فل كامل بـ 116 اما الفورد حول ال 160


زبدة الكلام الفرق بينهم بسيييييييييط ومستواهم متقارب

بس السعر يحكم

من جنرال موتورز خذلك هامر H1 واضمن لك 30 سنة لا تحاتي ولا توسوس :bigggrin:

ياجماعة جنرال موتورز عملاقة صناعة السيارات واكبرها على الاطلاق .

خذلك بوشنب وفك عمرك هههههههه :bigggrin: 10 سنوات لا تحاتي ولا توسوس ومن عندي 5 سنوات زياده

يا خي فورد F-350 محركه 6.7L تيربو 390 حصان

واذا على السحب ترا F-550 و F-450 يسحبون 11300 كيلو تقريبا

يعني 11 طن وزياده يعني كيف الحال :smilie16::smilie16::smilie16:

الكراون فيكتوريا الحين لها 13 سنة وين التطوير اللي تحكي عنه ؟

انا كان معي جراند ماركيز كنت اقرى بالكتالوج ان المكينة لما تسخن تشتغل 4 سلندرات والاربعة الباقي تعمل تبريد وين هالتقنية ؟؟؟؟؟

سخنت علي المكينة لين خبطت وخلطت ماي وزيت ولالقيت ريحة لهذي التقنية اللي كلها خرابيط ,

فورد مافيها اي تقنيات ولا براءة اختراع

انا كان معي جراند ماركيز وفورد ميركوري ماونتنير والحين تاهو ال تي زد ومن واقع تجربة اجزم ان الجنرال موتورز افضل من الفوردات كلهاااااااااا بمراحل

وبالنسبة للديكورات لاتقعد تقول اليوكنات بلاستيك , ترى حتى الاندكروزر الموديلات الجديدة صايرة بلاستيك ,

ولكل موتر في فورد له من يصكه من جنرال موتورز

الكراون فيكتوريا = كابرس
الاكسبدشن = اليوكون والتاهو والدينالي الخ
الموستنج = كومارو كورفيت
اللينكون = كاديلاك
وش بقي ؟
السيارة اللي موجودة في فورد قرينتها في الجي ام افضل منها بمراحل

بالنسبه لي اثق في الفورد اكثر

الشفر لا اثق فيه كثيرا

^

والله تستاهل ياخلفهم :smilie16:

ذكرني انت بس < -- لايكثر :bigggrin:

كما توقعت كلها كلام بينك وبين خويك , وشكل الرجال غسل لك مخك غسل .

حبيبي أنا ما عندي خلفية عن وانيتات جمس أو فورد ولكن اللي نشوفه بأعيننا إن السييرا عندنا مبيعاته أكثر من فورد فما بالك لو تجمع السييرا والسلفرادو بحكم إنها متطابقة تماماً

بالإضافة الى ما ذكروه إخواننا السعر بصالح جي إم وبفارق ليس بالسهل

أتمنى المره الجاية تعطينا مواضيع بناءً على تجربة وليس على إقتناع .

صدقني إنا وكل العائلة والوسط المحيط كنا ما نعتبر الأمريكي سياره , وأنا بنفسي إستشارني أحد زملائي بيوكن 2005 وقلت له هج عنه وخلك على تويوتا .

لكن الحمد لله بعد ما جربت التاهو إقتنعت فيه بشكل كبير لدرجة إنه الحين أربعه من أصحابي شروا (دينالي- يوكن- 2 تاهو) ونسيبي شرى يوكن وكل هالأشخاص 90% شروا السيارة بعد ماشافوا تجربتي لها وإقتنعوا فيها
(المفروض جنرال موترز تعطيني نسبه :bigggrin:)

بعدين وين السوبر بان 8100 ؟
وين السييرا 8100 قير عادي ؟

واقرب مثل عندك ,,,,
شوف الونيتات حقت أرامكو ,,, كلها جمووووووووووس ,,
ونادرا تلقى ونيت فورد , كلها للأمن الصناعي ,,
اما حقت الموظفين والطلعات الميدانية كلها جمووووووس
هذا ان دل , دل على عملية الجموس يا سيد

يا رجال خلها على ربك

شباااب بقولكم شي انا كنت مجنووون جموس وشفر وكنت احسب ان الجمس اقوى من الفورد كنت اتفل

على الفورد احس ان ماله قيمة واكره بالعربي متعصصصصصصصصب درجة الاولة جا واحد من الزملاء قالي تدري ان الفورد اكثر مبيعات بامريكا وماخذ المركز الاول لمدة 33 سنة وليومك ذا ؟

اذا نتكلم عن فورد الشركة فهذا غير صحيح .. جنرال موتورز ظلت 77 سنة متتالية اكبر مصنع سيارات في امريكا والعالم حتى عام 2008 عندما اخذت تويوتا منها هذا اللقب ..
ولكن ان كان الحديث في قطاع الونيتات فهذا الكلام صحيح فورد F-150 اكثر ونيت مبيعا بتاريخ السوق الامريكي ولسنوات طويلة ..

[COLOR=black]وقالي تدرس ان الفورد سادس مرتبة على العااالم في الاختراعات من ناحية المحركات ؟ ( المحرك الجديد ايكوبوس 6 سلندر مزود بشاحن تربيني )

[/COLOR]

ماعندي خبر عن صحة معلومة المركز السادس .. ولكن المركز السادس لشركة مثل فورد مهوب مركز مشرف بل عادي جدا .. والسادس يعني ان هناك خمس شركات افضل منها .. عموما يظل كلام يحتاج لاثبات .. اما محركات ايكوبوست والتربو ففورد ليست اول شركة تستخدم التربو لتحسين صرفية الوقود بل بالعكس هي من آخر الشركات التي دخلت هذا المجال .. والفضل كله يرجع لمهندسين فرع فورد باوروبا ..

[COLOR=black]وقالي تدري ان لما جات الازمة جمس وشفر خسرررت واما الفورد ولا تهز ذرة منها

[/COLOR]

نعم فورد لم تعلن افلاسها واعادة هيكلة الشركة كما فعلت كرايسلر وجنرال موتورز في 2009 .. ولكنها بنفس الوقت اخذت قروض ومساعدات من الحكومة الامريكية بالمليارات لتصحيح امورها ..
بالاضافة الى ذلك .. متى كان عدم افلاس الشركة بحد ذاته انجاز ؟؟!!

[COLOR=black]وقالي تدري ان فوورد سوت مسابقة مع دودج رام وشفر سلفرادو وفازت عليهم وسو مسابقة ثانية الدودج رام مادخلت معاهم لانهم ماجابو شي جديد نظامهم على ايام 1970 ما تغير سو مقارنة بين السفلرادو والفورد الحوض والفورد فاز علييه

[/COLOR]

المقارنات كثيرة والمجلات تختلف بارائها .. لو راجعت قوقل ويوتيوب بتشوف في مقارنات تعطى الافضلية لفورد واخرى للدوج واخرى للشفر ..

[COLOR=black]بعد كذا مخي تبرمج يوم يومين ثلاثة ايام نسخت الجمس والشفر مع احترامي لاصحاب الجموس والشفر الفورد اقوى منهم فورد f 350 اقوى من جمس 3500 من ناحية التحميل والجر وكل شي وبعدين محركات الفورد كبيرة عندهم 4.6 و 5.4 و 6.2 > للسوبر ديوتي و 6.7 تيربو ديزل و 8.4 > 10 سلندر
الجمس 4.8 و 5.3 و 6.0 للهيفي ديوتي و 6.6 و 7.4 > 454 و 8.1 كلهم 8 سلندر الفووورد اقوى من الجمس والشفر

[/COLOR]

اولا مهوب صحيح ان محركات فورد الـ 4.6 و 5.4 تفوقت على محركات جنرال موتورز الفورتيك 4.8 و ال 5.3 .. بالعكس كانت محركات متخلفة جدا .. ولكن اللي ماتعرفه ان فورد السنة الغت هالمحركين ونزلت محركات اقوى منهم وافضل منهم تفوق جنرال موتورز ودوج بالقدرة الحصانية وقوة السحب والعزم والتسارع وصرفية الوقود .. ولكن هذا طبيعي لان فورد نزلت محركات جديدة بينما محركات جنرال موتورز لها سنين طويلة .. فنتوقع بعد سنتين رد من جي ام على فورد وبعدها بكم سنة ترد فورد وهكذا كما هو معتاد دائما ..

[COLOR=black]مع احترامي دوبي عرفت قيمة الفورد وايش معنى فوووورد حتى لو تشوف اليوكنات الجديدة البلاستيك حقها زفت زفت يطلع اصوات كانها مفكفكة اماا الفورد مشا ءالله وعمووما الفورد اكبر من الجمس وكل شيييي والسلام عليكم طبعا المقارنة صحييحة والي مو مصدق يدخل الموقع يكفي فورد هزمت الشفر والجمس والدودج وقالو لاصحاب الدودج احنا نقدر نشتري الشركة حقتكم بس ما نبغى ( بالانجليزي طبغا

[/COLOR]

معاك ان الجموس داخلياتهم منتهية والفورد ببعض موديلاتها افضل .. بس مهيب افضل بواجد .. الامريكي بشكل عام وهو واقف بالوكالة صك الباب واسمع اصوات القرقعة ..


انا شخصيا معاك بتفضيل فورد كشركة على جنرال موتورز .. لكن لما يجي وقت الشراء فالسوق يحكم .. يعني مثلا لو بغيت تشتري جيب ومحتار بين اكسبديشن ويوكون .. شيل من راسك فكرة مين افضل فورد او جي ام لان الجودة متقاربة جدا بينهم .. قارن السيارتين مواصفات واسعار فقط وشوف الخيار الشرائي الافضل وبس .. واذا تقدر تبعد عن الامريكي يكون افضل ..

يعني خلني اعطيك مثال .. قبل فترة كنت ادور بسوق الونيتات .. وانا مقتنع تماما فكرة ان ونيت الفورد افضل من الشفر .. ولكن الوكالة تبي تبيعني الفورد موديل 2009 بالمكينة القديمة 5.4 ومخزن سنتين بـ 126 الف غمارة ونص ستاندرد
بينما الشفر سليفرادو يبونه 2011 بمحرك 5.3 غمارة ونص بـ 95 الف ..
هل يعقل ان اشتري فورد فقط لاني مقتنع انها افضل بنسبة بسيطة؟؟!!
جنرال موتورز بلا شك استفادت من وجودها بالسوق السعودي بسنوات طويلة قبل فورد واكتسبت سمعة ولكن الحقيقة تفرض ان فورد ان لم تكن افضل من جنرال موتورز فهي ليست اقل من جنرال موتورز بشيء ..

مجرد قصة يا شباب نقلتها لكم

شركة فورد أقدم يعني عراقة

شيبان أول كانوا يضحكون على اللي ياخذ له شفروليه

الفورد أرسى .. أريح .. أقوى ... جودة

الفورد بالراحة يا شباب ما يبيلها كلام

الغلطة اللي ارتكبتها فورد انقطاعها

عن السوق السعودي فترة وسدّت هذا الفراغ جنرال موتورز وتعودوا الناس عليها

والا من جهة العراقة والراحة والرساوة و... و....و...

أكيد الفورد وبقوة

عن نفسي افضل الفورد

ولكن طريقة بالمقارنة ليست عملية و لا مبنية على معلومات دقيقة

اتمنى البحث اكثر حتى تكون معلوماتك اكثر دقة

تحياتي اليك

يا انت تقول فورد f 350 اقوى من جمس 3500 !!!!!!!!!!!!!!!!

يا اخي الفورد f350 مكينتة 300 حصان فقط و لايقدر يسحب اكثر من 4 اطنان

اما السييرا 3500 محركة 397 حصان تيربو ديزل و يسحب 10 اطنان (( 21,500 باوند ))

!!!!
www.gmc.com تأكد بنفسك