التويوتا مثل المرأة الثريّة الغير جميلة !

تويوتا وكيلها ذكي واسعار قطع رخيصة يعني عندنا فى اكس ار 2004 تشتري بريكات ومساعدات امام وخلف بمبلغ 750 ريا ل ما تلاقيها بسيارة ثانية بنفس السعر هذا ومن نفس حجم الفي اكس ار الوكيل يفرق وهذا شئ يحسب لصالح السيارة والوكيل مع لبعبم يانة ضاحك على الناس ويجيب اقل انواع المواصفات لكن الناس ما تنلام اخذ سيارة ولا القى لها قطع والا اشتريها بمبلغ عالى واخر شئ ممكن تجيني ظروف تجبرني ابيعاها اما ابيعاها بسعر بخس والا مافية احد يشتريها صح فية سيارات افضل بمليون مرة من تويوتا عندنا لكن وين الوكيل المحترم واللي يجبرك على انك تغامروتاخذ من عندة واكبر دليل بان سوقنا تعبان شوف وش انواع السيارات الماشية بالسوق مش لانها الافضل لا بس لانة يلاقي المستخدم قطع متوفرة وباسعار معقولة مافية الا فورد كراون فكتوريا وتاهو ويوكون و اكورد وبعض من سيارات نيسان مثل الباترول والددسن لانها منتشرة من زمان وبعض وبعض سيارات هيونداي السؤال وين باقي الوكلاء ليش ما ينافسون ولية سيارة زي جاكور تغير وكيلها 3 مرات ورينو وبيجو وسوبارو ومستو بيشي اللى ماكنها في الاساس موجودة بالسوق وعد غيرها من الوكلات في النهاية توجة الناس لتويوتا مش لانهم اغبيا والا ناس ما يفهمون لا الامر هو توفر الخدمات كاملة من قطع واسعار بعد البيع وسهولة الصيانة وتبقي كذا لين تتغير باقي الوكلات وتصحى من سباتها والا موتها

لا تقولي ما فيه سيارة في العام تنافس التويوتا بالجودة يعنى تمر ثلاث سنين ما قد تعطلت عليك ابدا غير السيارات الاخرى اللي صديقه للوكالة والورش .


بس الامان والرساوة والتصميم والمواصفات لا توجد في سيارات تيوتا ابدا ولا تنافس ابدا عليها .


فاللي يبي يريح راسه من المشاكل والخرابات راح يشترى تيوتا ويعتبر قرارة صائب
واللي يهمه الرفاهية والتقنية والتصميم الجيد فراح ياخذ اي شركة اخرى ويعتبر قراره صائب كذلك .


وشكرا على الموضوع .

سعر اعادة البيع من العناصر المهمة عند اتخاذ قرار شراء السيارة

التويوتا من نزل لين الحين اتعودنا انه مافيه مواصفات. لكن قطع غياره متوفره

وانظمه السلامه تحميك من بعد رب العالمين تحت ال 80 كيلو حسب كلام شركة مرسيدس

انا ابي واحد يثبت لي شي .. ان سيارات تويوتا عندنا هي الافضل

المشكله ان تكلمت معهم , قالوا لك التاريخ وتاريخ تويوتا من افضل شي وقعد يعدد لي من الانجازات

مثل النصر اذا حجرت لهم قالوا شف تاريخ النصر وماسموه العالميه عبث

مالنا شغل فيهم .. حنا نبي مصلحتنا وفايدتنا وبس

يعني سيارات تويوتا هنا

لا مواصفات .. تنافس فئاتها

لا حتى شكل .. ينافس

ولاحتى سعره عند البيع مو مثل اول , الحين اللي يبي يشري مستعمل يبي سياره لها شعبيه عنده ببلده اذا له نيه يبيع !

الامان شبه معدوم

غاليه مقارنه بمثيلاتها

قطع غيار مايستاهل سعره ابد وغالي على بلاطه

ولا تقدر تقول قطع غياره منتشر بكل مكان .. لان كل الشركات والمحلات الحين ماليه المدن

حتى الصيانه رح شفهم بتويوتا العربيه مافي احد مدحهم الا نسبه قليله

.

طيب يعني الناس اللي معها تويوتا كلهم مايفهمون ولايبغون مصلحتهم وانتم كل واحد عنده سيارة مختلفة عن الاخر في الماركة تفهموا
والموت والحياة بيد الله كم من واحد توفي وهو راكب الالماني <<اخر انظمة السلامة واخد الله عمره ..........واخر راكب الكوري والصيني واطال اللعمره
.........
خلونا نرتقي بالمنتدى احسن من العنصرية
وفي الاخير هل بتوزع لكم الشركات الارباح اخر العام؟؟؟؟؟؟؟؟

اثبت ذلك بالارقام ان الماكسيما والاكورد افضل من الافالون كما تزعم
اولا الاكورد ليست من مستوى الافالون ولكن من مستوى الكامري او كما تسمى عندنا بالاوريون, وذلك بتوفر محركين 4 و6 سلندر وليست كالافالون تتوفر بمحرك 6 سلندر قياسي
فلا مجال ابدا بذكر الاكورد مع الافالون

امور القدر يا شباب هذه عند الله ولاندري مالذي ينتظرنا في المستقبل, وتنطبق على ملاك الماركات الاخرى من هونداي وشفرليه وليست على شركه تويوتا كما اسلفتم .. وكأنك تفرح بمصيبته لعدم اتفاقكم في الرأي والاختيار
ولا تقاس الامور كما ذكرتم, وقولو الحمد لله الذي عافانا مما ابتُلي فيه, وتخيل موقفك مكان صاحبك راعي الجيب

كل شخص وله نظرته الخاصه في الشراء, وعلى الجميع احترامها

تحياتي لكم

تصدق فيه ناس للحين تقول تويوتا قطع غياره رخيص!!

كيف سيارة مثل البرادو 2010 سعره بحدود 190 ألف يكون قطع غياره رخيص!!

[SIZE=6]مستحيل

ممكن تلاقي سيارة رخيصة وقطع غيارها غالي ، لكن مستحيل تلاقي سيارة غالية وقطع غيارها رخيص



والأعجب من هذا إن سيارات تويويا تصنع بإندنوسيا وتايلاند وإذا جيت تشتري سيارة كورية قالك لا هذي كورية ما تستحق قيمتها.

وإذا جيت تشتري سيارة يابنية مثل هوندا أو نيسان أو مازدا قالك لالالالالالا هذي قطع غيارها نااااااار

وإذا جيت تشتري سيارة أمريكية قالك لالالالالالا إلا الأمريكي يهربد ويتفكك وعمره قصير وسعرها يطيح

فتلاقي نفسك محصور بين تويوتا أو TOYTA



ولازم نفرق بين تويويا ونقسمه إلى قسمين :

1) سيارات ممتازة وهي لاند كروزر في إكس أر بـ 260ألف ريال و أفالون (130ألف ريال) السيارتين هذي فيها مواصفات مثل الناس وحلوة ومتماسكة.

2) عادية أو أقل من عادية وهي كامري كورلا ......إلخ


لكن لو تلاحظ أسعار رقم (1) اللي هي VXR وأفالون بتلاقيها تزيد عن مثيلاتها بنفس المواصفات بـ30% أو أكثر ، مثلا المكسيما والأكورد نفس مواصفات الأفالون لكن أقل منها بالسعر بكثير فمن الطبيعي إذا جيت تبيع بتكون الأفالون أعلى سعر.

وبكذا تكون سيارات تويوتا إما غالية وقطع غيارها غالي مثل لاندكروزر والأفالون
أو سيارات عادية وأقل من عادية مثل الكامري والكرولا وقطع غيارها غير رخيصة

على ذكر قطع الغيار فتحت موضوع عشان كل واحد يسجل قطع غيار سيارته عشان نقارن
تصدقون على كثر محلات قطع غيار تويوتا اللي تبيع كميات كبيرة
ولا عضو واحد في المنتدى سجل سعر قطع غيار تويوتا غيري
كأنهم خايفين تنكسر إشاعة إن تويويا قطع غياره رخيص

هذا رابط قطع الغيار ونشوف أصحاب تويوتا يسجلون قطعهم وإلا يظلون خايفين
بيقولك واحد إن تويوتا ما يطلب قطع غيار نقوله والحوادث؟؟ ومحلات البيع الكثيرة والمنتشرة هذي وش تبيع!! قطع غيار طيارات مثلا
[/SIZE]http://www.assayyarat.com/forums/thread233480.html

خاصة إذا جتك الحرمة تايلندية ولا اندونيسيه .. يـا ســلااااام ..

ذكرتني بواحد يقرب لي , شريت التاهو وهو شرى لاند 2004 جكسار وكنت أقول له حرام خذ سيارة جديده , والرجال يقول هذا تويوتا .

الرجال صار عليه حادث هو وعياله بسبب تجييم الكفر الأمامي وتقلب بس ربي ستر عليهم , والسيارة باعها برخص التراب , أتوقع تشليح

فشف سبحان الله الرجال شرىالسيارة عشان القيمة وبالأخير بغت تجيب أجله هو وعياله وباعها برخص التراب , وأنا ولله الحمد الفضل والمنه سيارتي ما كلفتني غير الأمرو الإستهلاكية ولو أبيعها الحين ماراح تنزل قيمتها عن 90 ألف وأنا فاكها على يدي وكالة وكانت بـ 123500 ريال (بس للأسف سيارتي تأجير وما ملكتها لحد الآن)

والحمد لله على كل حال

المختصر من كلامي إنه الواحد لابد يفكر بعين العقل يعني مو معقزل يشتري سيارة مستعمله ومضى على موديلها كم سنه ولا تدري كيف إستخدام اللي قبلك , وبنفس القيمة يقدر يشتري سياره جديده عارف خيرها وشرها وبالعكس قدد تتميزعنها ببعض الأمور

وكل شي قضاء وقدرلكن لابد الواحد يبذل الأسباب