السلام عليكم
اخواني صارت لي مشكله وابي فزعتكم ووقفتكم معي وبسرعة
انا طلبت سيارة 2010اكسبلورر من توكيلات الجزيرة بفرع الخبر بالمنطقة الشرقية
وقالوا لي موجودة وتحتاج 5 ايام على ما نخلص لك الاوراق ونجيب اللون اللي انت تبيه وهو اللون الاسود
دفعت لهم المبلغ وخلصت الاوراق وبعد كم يوم ارسلو لي البطاقة الجمركية وامنت تأمين شامل على السيارة
وعطيتهم التأمين وبعدها بيوم اتصلوا علي وقالوا تعال استلم السيارة
وكل شي صار حتى الان تمام التمام
رحت بشوف السيارة رحت اشيك على السيارة كبدي ما في مشكله مع ان النظافة مو جيدة بالذات في الاماكن الضيقة
الاعظم في هالامر اني شفت صدا بداخل السيارة على الماكينة وعلى راس عامود السيارة بشكل موزع وحتى على بعض البكرات والبراغي والصواميل
وحتى الهوبات فيهم صدا بشكل كبير جدا
طبعا انا ادري ان القزوز يكون كانه مصدري لكن الاشياء اللي شفتها مصدية مو موجودة في سيارة داخل المعرض يعني واضح الصدا على السيارة اللي لي
انا رفضت استلم السيارة وقلت لهم انا طالب سيارة جديدة ما فيها اي مشاكل او وسخ او صدا
جاني مدير المبيعات حاول يقول هذا وسخ ويروح وهم ما نظفوها زين وبنحاسبهم ويحاول يصرفني
( طبعا انا ادري انه صدا لاني معلم علوم واعرف بدايه الصدأ كيف تكون )
قالي نحاول ننظفها لك
قلت له بتغير كل البراغي والكرات وحتى العامود وهي سيارة وكاله
انا ما ابي السيارة غيروها لي
يقولي الحين ما نقدر نغيرها لك لانها تسجلت بأسمك وانا رفضت هالكلام وقلت له انا ما استلمت منكم شي
في النهاية ما وافقت على كلامه وقالي خلاص كلم بكرة الصباح المدير وقوله
ومشيت وانا مو راضي
الحين شنو اعمل
ابي وقفتكم وأرائكم ضروري جدا قبل ما اكلم المدير لاني لن اقبل بالسيارة وهي بهالشكل
عطوني وين اقدر ارفع الشكوى ووين اروح وايش اعمل
انتظركم بفارغ الصبر
