تطعيس هذا اليوم (إستروا ما واجهتوا)

التاهو مكينته 320 حصان
الدينالي 440 حصان

التاهو Z71 نفس التاهو العادي بس يفرق المساعدات أقوى فيه والواجهه مرتفعه والتصفيح تحت السيارة (صاجة تحت السيارة للحمياة من الحجاره) وهو أنسب شي لأصحاب البر , لكن إنتبه في التطعيس من الميالانات القوية , لأنه الإرباقات راح تطلع معك .

الدينالي وحش بما تعنيه الكلمة لكن مشكلته دفع رباعي مستمر بدون دبل
أما كثرة الأسلاك فأتوقع إنه ما هو بعيد عن اليوكن أو التاهو فل كامل لأنه الفرق بالمكينة وطريقة الدفع فقط

أنا لو كنت بأشتري Z71 وإستخدامي للبر مو كثير فراح أقارنه بسعر التاهو فل كامل إذا كان مافيه فرق كبير بالسعر بآخذ تاهو فل كامل لؤلؤي لأنه بكل إختصار شبيه الإسكاليد

بالتوفيق بالسيارة اللي ترتاح لها

عندي سؤال لاهنت.فيه فرق بين مكينة تاهو LTZ ويوكن دينالي؟؟
والله الدينالي حلو بس مشكلته كثرة الاسلاك اللي به حساس مره
طيب وش رايك بالتاهو Z71 روووعه مره خاصة لراعين البر والتطعيس

شكراً يا غالي على المرور

والحمد لله مكينة التاهو مرضيتني لحد ما , معه إنه خطتي المستقبلية إني أشتري دينالي بس هو لو يجي بدبل

لبييييييييييييه بالفورتك والله ياهي مكينه ماشاء الله تبارك الله
صوت طرب وقوة وعزم وكل شي..الله يعطيك العافيه تطعيس بطل

يا هلا

لا والله بس شايل اللحية وللمعلومية جنوط 17 رافعه السيارة أكثر من جنط الـ 20
وهذا من مقارنتي بنفسي بين سيارتي وسيارة زميلي



الله يبارك فيك ويجزاك خير

مشكور على المرور :bigggrin:

ماشاءالله تبارك الله
يا جعله مركوب الهنا يااارب
وربي يعطيك خيره ويكيفك شره

حيا الله ابو ديالا بسألك يا طويل العمر

انت رافع الموتر من قدام ولا شايل اللحيه بس؟؟

^

اها

توقعت هيك .. لان وقتها اصلا كنت واقف بغراز فوق النفود وقدامي طلعه صغيره

انقهرت عيا يتحرك ولاجيت ارقا يرقى شوي

طبعا بالخفيف

ارتفع ضغطي وحطيته وبالثقيل وحطيته بنمره واحد

بدا يتفتف قبل ياصل الرقيه

ونفس الشي مارقى

يوم ارتفعت الحراره هونت ههههههههه

عاد والله ماقصر الكفرات كانن على 35 والجنوط كبار بعد ههههههههه

أنا والله أرقى الطعس وأنا على الدي ون

وبالنسبة إنه خطير فأكيد إنه يجهد السيارة بس وش السواة نبي نرقى الطعس :blue:
لا وأبشرك ما أوصل أسفل الطعس إلا والموتر الضغط أعلى من 5,5

وسبق إني حاولت بالدي ولكن القير ما يبدل إلا لما يبرد عزم الموتر كثير عشان كذا ما يطلع
وحاولت بالدي 3 وقبل يبرد الموتر أحطه بالدي ون عن طريق عصى القير لكن مثل ما ذكرت الكفرات تباوش بزيادة بالطعس ويضيع عزم السيارة (أتوقع عشان الجنوط)

فبعد عدة تجارب شفت إنه أسلم حل إني أطلع بالدي ون وأحسب حسابي إني أوصل أسفل الطعس وهو على حد التفتفه , وأتوقع واضح بالمقاطع بحكم إني أشد من قريب



الحمد لله المكينة ما سبقت وإرتفعت حراراتها , لكن القير فعلاً يحتر معي وخصوصاً إذا ما نسمت

لكن إذا نسمت على 20 ما تتعدى حرارة القير 100 درجه إلا نادراً

أما إذا طعست بدون تنسيم وشديت على الموتر توصل أحياناً فوق 110 درجة مئوية

والدبل الثقيل الحقيقة ما أطعس فيه لأنه ثقيل على السيارة بزيادة ولا أتوقع إنه مجدي التطعيس فيه وخصوصاً إنه السيارة قير أوتوماتيك



شهادة نعتز بها من شخص له ثقله بالمنتدى



هلا أبو اليسر , والله الجنوط مو شينه الجنوط , لكن مع التحدي تنقهر منها وتصير ما تسوى ريال
ومع الحماس تقول مغيرها مغيرها , لكن إن شاء الله لي جديد قريباً

وإن شاء الله نهاية الشهر وأنا موقف عندكم بحول الله

أهم شي تخاويني للشيبان نبي نفلها هناك



أي والله أبشرك إستانست والقعده مع رجال شرواكم تجيب الوناسة

مشكور على المرور



الله يجزاك خير وما قصرت على كلامك الطيب

ماشالله
والله الفديو الثالث الصوت خوقاقي
الله يعطيك خيرها و يكفيك شرها انشالله
بالتوفيق

ماشاء الله تبارك الله
طلعه حلوه
اهم شي انبسطتوا
وريحتوا شوي
وفرفشتوا
تحياتي لكم

يآ حبيلك يآ أبو إياد و روني بعد لبآآآآهـ

=)

معروفة طعوس إنها صعبة

ولونها أبيض أحس يخوف

ما شاء الله على موترك مستواه حلو وهو بجنط عشرين
تتوقع آلربع لو رآكبة عليه جنوط عشرين بيرقى يبطي صبة :p
وانا أ شوف يآ خآلي إنك ما تغير الجنوط يعني التطعيس مرهـ مرتين بالسنة والـعشرين يمسك الموتر .. الله يستر عليك ويخليك لغآليك

وترآ أشتقنآ طولت علينا :(

الصراحة الطعس جامد وماشاء الله تبارك الله الموتر والسواق ما عليهم كلام :xyxthumbs:

بسآلك مير تذكرت الحراره يوم قال لكزس فور ايفر عن القير يوم يسخن

الزبده

مره ارتفعت حراره اليوكن وقت التطعيس علما اني لعنت خيره بالثقيل

استغربت وهونت قلت خلاص لايقعد يخرب ماله ام داعي ههههههههه

ترتفع معك الحراره

علما انها اشتغلت المروحه ورجعت الحراره تمام

بس ليش ارتفعت ؟؟

اللي معي العن خير خيره والحراره ثابته

ماشاء الله تبارك الله

ابشرك يابو ديالا المقطع يبيض الوجه بس عندي استفسار

هل رقيت الطعس وانت معشق على d1 ?

اظن انه خطير على القير ويخليه يسخن ووش يفرق لو رقيت هالطعس بالدي الاوتو وهو مرتاح ؟

تراني مو خبرة بالطعوس بس طرى في بالي هالسؤال .

هلا أخوي وألف شكر على دعواتك الطيبه

وفعلاً والله الطعس مو هين أبد إذا وقفت سيارتي بنص الطعس وإلتفت يسار تطقني أم الركب :a1120(86):

والطعس وأنا اخوك ما فيه ذرة مويه , والأرضية هيار فوق ما تتصور لأنه الطعس نظيف ولا يجيه ذاك التطعيس .

واحد من المرافقين معي من أهل حايل يقول لي إن هالطعس مو مثل طعوس حايل وإنه هيار مو مثلها لابده

والسيارة فيها زر تركشن وستابلي تراك وأنا أفصلها بس إذا زحلقت الكفرات بزيادة تفصل الدعسه ولو كنت فاصل التراكشن

مشكور أخوي وصدقني رفعت معنوياتي كثييييير

ما شاء الله

بالعكس المقطع الثاني يبين ان الطعس موهب هين .. جاي على زاويه حاده وبزياده مرتفع ..

شلون ارضية الطعس .. هل الرمل هابط من المطر ومتماسك ولا رهو ؟ وهل الموتر فيه تراكشون اوتوماتيك ؟

وبالعكس المقاطع حلوه جداً ..

الله يعافيك ويخليك لعين ترجيك بمشيئة الله