أيهم أفضل الكامري أم الاوريون ؟؟؟ أرجوا المساعدة جزاكم الله خيرا

كلامك سليم اخوي راشد
والله يسلمك و يجزاك خير
وتشكر لتفاعلك مع الموضوع

الله يبارك فيك اخوي فهد
ومشكور لتفاعلك مع الموضوع

ماشاء الله إختار موفق
صحيح قطع غيار الاوريون غاليه
أعطيك مثال البواجي ب400 وشوي هاذا غير شغل اليد الي يمكن يكلف 100 إلى 150
علشان المكينه كبير ومتداخله مع بعض علشان كذا لازم يفك كم قطعه
ومكينه الكامري مو معقده وقطع أرخص بكثير وشغل اليد أرخص
موفق إن شاء الله والله يعطيك خيرها ويكفيك شرها

الف الف مبروووك اخوي maged7788 زين ماخترت .. سياره لها شعبيتها
الله يطعمك من خيره ويكفيك من شره

مشكور الله يعافيك

حياك اخوي راشد
صحيح أن الاوريون اقوى من الكامري
لكن أنا اخترت الكامري GLX اتوماتيك للاسباب التالية :
قطع غيار ارخص ومتوفرة بكل مكان بعكس الاوريون
الكامري مرغوبة عندنا في السعودية وتحافظ على سعرها في حال البيع
الكامري glx فيها بعض المواصفات الغير متوفرة بالاوريون glx مثل كشافات ضباب أمامية , تخشيب داخلي ,وغيرها
واخيرا وليس اخرا ارخص سعر على قد فلوسي :bigggrin::bigggrin:
ومبروك السيارة مقدما ... تحياتي

السلام عليكم
مبرروووك مقدما الله يعطيك خيرها ويكفيك شرها
جا هاذا الموضوع بوقته أنا بعد كنت محتار وش آخذ من السيارتين الأوريون أو الكامري
ودخت :c0214: من كثر مالفيت في المنتديات والمواقع
وش إخترت من السيارت يا أخ maged7788 ترا رايك يهمني وسبب الاختيار

شكرا اخواني على تفاعلكم
انا خلاص استخرت وقررت
تحياتي

والله اخوي معه كامري ومايغير زيت الا كل 7000 كلم وعلى فكرة اخوي كل اسبوع مساك خط الرياض لشرقية يجي الشرقية الاربعاء ويحرك للرياض يوم الجمعة كل اسبوع مديل الكامري 2009 جي ال اكس فتح تندة وماشي الان 120 كلم والحمد لله مايشتكي من شي ولا تنقيص زيت ولا غيره انا استغرب من الي يقول تنقص زيت

طيب فيه اوريون 6سلندر GLX :smile:

اخوي Maazda 323 انا معي اوريون 2011 GLX يعني بدون تراكشن عكس القراندي
وثباته جيد وماتوصل لدرجه التلويح يمين ويسار
فمابالك بالقراندي الي فيه ميزة التراكشن (الثبات) واظن الشرف ماله دخل بالسيارات خاصه ان سيارتك المازدا موديل قديم وفئه صغيره :rolleyes1:

يااخوان الرجال يبي نصيحه مو (تعصب) واذا بتنصحونه انصحوه باختيار سياره ومميزاتها
وعن حكم تجربه مو من قوم سمعوا وقالوا

صاحب الموضوع نصيحه .. السياره الي ترتاح لها خذها وتوكل على الله ولاتنسى الاستخاره

اول شي قل لااله الا الله

انا مدري كيف تحط 90.000 على سياره استراليه وابو جميل يجيبها من بلدها بدون جنوط ومسجل والظاهر صدام خلفي بعد وبدون حساسات يعني كل هذولي يركبها هنا

اخوي شف والله حرام تحط 90.000 بتويوتا تويوتا خلالاص معاد بقى بها الا ال FJ والباقي حطه على شمالك

خذ الله يسلمك سوناتا فل كامل ولا انتظر الازيرا ولا اكورد ولا مازدا 6 ولامكس سياحي والتورس كل السيارات اللي ذكرتها فوق تتفوق على الاوريون بالسلامه والثبات والجوده

وفيه فورد فيوجن الفل حقها بالتسعينات بس خل عنك مواصفاتها تووب

خذ هالرابط http://www.ford4arab.com/vb/t30153.html واذا مااوجعك راسك من كثر المواصفات لاتشتريها :a120(60):

Maazda 323
COROLLA 2009
صعـب المنـال
epica 2009

مشكورين اخواني ماقصرتوا وربي يوفقكم دنيا وآخره

لكن الصراحة بديت احتار اكثر بسبب تعدد الخيارات

اخوي جرب الاوريون فل كامل شاشه ٢٠٠٩ والحين معه اكورد فل كامل v6 ٢٠١٠

يقول الاكورد افضل بمئات المرات عن الاوريون .. من ناحيه رساوه وفخامه .. لكن الاوريون تتميز عن الاكورد بقوه العزم بس ..

بصراحه انا انصحك بالاكورد .. خذ لك سبيشل ٢٠١١ وراح تدعيلي ..

والله ياغالي على حد علمي صيانة التوروس مجانيه لحد الـ 60 ألف
وماعندي علم عن صيانه التويوتا سوى إنهم زفففت >>>تجربة شخصيه بسيارة لكزس
الله يوفقك وييسر أمرك

الاوريون في الاصل عبارة عن كامري قراندي
بس عندنا قامو عطوها اسم ثاني
والا الفرق الوحيد ان الاوريون قصدي كامري قراندي 6 سلندر
اما الكامري جي ال اكس 4 سلندر

مشكور عزيزي طير السعد11
والماكسيما ممكن افكر فيها ... لكن هل احصل 2010 جديدة بالوكالة ؟؟
لكن الالتيما ماحبيتها ابدا
تحياتي