150 الف فكر في الالماني افضل لك
أخوي والله حلو الالماني بس ماأعرف أسعاره ومميزاته ولا شي ماعندي خلفية عن السيارات الالماينة لا بأسعار ولا غيره وخلفيتي عن السيارات بشكل عام بسيطة أتمنى تعلمني سعر سيارة المانية تنصحني فيها ومميزاتها الله لايهينك بإنتظار ردك ..
التورس ضيقة من الداخل ....
أنا أنصحك بالفولكس واجن باسات سي سي أو هيونداي جنسيسV6 ....
ولا تنسى الإستخارة .....
ماادري والله أنا عاجبتني التورس ميزاتها صراحه حلوة وقوتها وكل شي فيها عاجبني وركبتها مرة وحده عند الوكالة وعالسريع بس ماركزت من ناحية هي ضيقة او لا وكثير يقولون ضيقة بس ماادري لازم اشوفها مرة ثانية !!
أما الفولكس واجن الباسات سي سي مااعرف مزاياها ولاااعرف ولاشي عنها حتى مااعرف وش صناعتها ولا وكيلها !! أتمنى تفيدني بمعلومات أكثر عنها وشكراً
فورد تورس افضل خيار .. بس شكلها رسمي
اما اذا كنت تبيها شبابيه خذ لك ماكسيما ..
والله الجينيسيس حلوهـ وتمام وبقوهـ
بالذات إذا جات 6 سلندر فل كامل بالنسبة لي لصرفية البنزين
دفع خلفي + هيدروليك + إيرباقات + فرامل مانع انغلاق وتحكم في ثبات السيارة و ........
وأفضل شي ,,,,, ضمان 5 سنوات مفتوح عداد الكيلومترات
أخوي ماادري ليه سبحان الله الكوري مااقتنعت فيه على إني أعرف إنه عملي من تجربه لقريب لي لكن مو مقتنع فيها لكن يمكن إذا شفتها وركبتها يتغير كلامي وياليت تعلمني بكم سعرها وهل هي واسعه من داخل ومريحة أو لا ؟
وعندك الأفالون الجديدة ,,,, بعدها كلام كبيــــر
الافالون صحيح جباره وتعتبر من ضمن خياراتي الأولى لكن ماادري لقيت كم سيارة تتفوق عليها بالفخامة والراحة والثبات والتقنيات المتطورة فهذا الشي حيرني !!
وعندك الكابريس رويال أو LTZ
الكابريس ماعندي معلومات عنها ولاادري بكم أتمنى تفيديني عن الرويال وسعرها ومزاياها وهل هي عمليه او لا لان سمعت بعد انها خرابات !!
نصيحتي بالنهاية ,,,
روح لوكالة الجميح أو بالبيد للكابريس , البازعي للأفالون , والوعلان للجينيسيس
وشو بالبيد والبازعي وين ذولي بالرياض ولا بمدينة ثانية
وإذا الماركة ما تهمك
فيه فولفو و جرب تروح للرينوهـ الفرنسيه أخت البيجو
عندهم سيارة بانوراما رووووعة
وآخر شي أقولك إياهـــــ
لا تستعجل بالشرا ,,,,,,,
فر كل الوكالات والشركات , وخذ المواصفات والاسعار وقارن واستخر وتوكل على الله
والله يوفقك بالاختيار يالغالي
الله يجزاك خير ماقصرت بس خياراتك كانت كثيرة وزادت حيرتي :c0214: !!!
شوف يالطيب انت قلتها
(( سيارة حلووة وفخمة ومريحة ورساوة وثبات وياحبذا لو تكون متطورة من ناحية أنظمة الأمان والسلامة ))
وانا أضيف من عندي قطع غيار رخيصة في فئتها
2- كابريس رويال واعتقد الكل يعرف مواصفاتها << بس أنا للاسف مااعرف ممكن تعلمني الله لايهينك
3- لكزس GS300 وليس GS430 لان ال430 غالي فوق 180 الف وعلى الفاضي
والجينسس فل كامل اطنخ من الـ GS430 بكثير وسعرها ارخص بــ 30 أو 40 ألف
والخيار الاخير اذا حبيت توفر 20 او 30 الف يالجييب
4 - أزيرا 2012 فخامة ورسمية ورساوتها عالية ( وزنها ثقيل جدا 1800 كجم )
وفيها انظمة ثبات وسائل الامان ( 9 وسائد هوائية )
http://www.assayyarat.com/forums/thread234587.html
^^^^^
هذا الرابط فيه تقرير ازيرا نص فل
وتقدر تشوف تقرير عن الآزيرا الفل كامل من خلال البحث في الشيخ قوقل :bigggrin:
واستخر وربي يوفقكـ
مشكوور يعطيك العافيه وجزاكم الله خير جميعاً بس أتمنى أي واحد يقترح سيارة يعطيني فكرة عنها ولو كانت بسيطة واهم شي يعلمني مواصفاتها وسعرها ويُفضل لو يحط صورة !!
بإنتظار باقي الردود والله يسعد كل من رد علي وكل من بيرد والمسلمين أجمعين :smilie16:
