أمس صار لي حادث أليم
كنت امشي في شارع كبير وفاضي وانا الصراحة مسرع أمشي 180 كنت أجرب تسارع السيارع
وإلا أشوف فيه جيب شاص يبي يقطع الشارع من يسار ليمين واشوفه موقف وانا هديت شوي صار السرعه 160
أثري جيب الشاص مايدري اني مسرع وطلع بوجهي :a120(115):
وأنا ألف عنه يمين وأنا أمشي 160 وتروح السياره يمين وانا الف يسار ابغى اعدلها لكن طلع فيه تراب وانزلقت السياره وتوجهت للرصيف وضربت الرصيف وطارت بالهواء انقلبت السياره وضربت الماصورة وكل هذا حدث في ثواني لأني كنت مسرع
طبعا كل هذا انا ماكنت مستوعب حدث في ثواني
أنا من قوة الحادث صرت مكان الراكب والايرباقات طلعت علي
وبعد كل هذا أشوف السياره تتحرك شوي شوي تتدحدر وانا احط القير n واسحب الجلنط
وأحاول افتح باب الراكب مو راضي يفتح واقمز على باب السواق وافتحه وأنزل وجلست على الشارع وربي أبكي بكاء مهو طبيعي وأتشهد وأشوف الدم على يديني
شفت الموت
وجو لمي ناس واحد مسكني شافني ابكي واصارخ قال بسم الله عليك وقرا علي كم آية وركبني واحد بسيارته وأنطلق للمستشفى
الحمدلله يارب ماصار لي شي ولا كسر
بس كم مخش صغير في يدي ودم من خشمي
لكن السياره انعلكت لو تشوفوها ماتصدقون ان ماصار لي شي
وراعي الشاص راح
يـآناس تكفـون إنتبهوا من السرعه والله أنا أول مثلكم دايم أسمع نصايح وكلام عن السرعه لكن ما اقتنعت الا يوم شفت الموت
وهذي الصور للعبرة
الحمدلله على كل حال
أهم شي سلامتي والحديد يجي بداله حديد
الله يعوضني خير منها ان شاء الله
