:: أرآكم خلاص نويت على الإدج ::

السلام عليكم

السيارة منظرها رائع وتستحق النظر ولكن المواصفات ناقصة بصراحة وفوق ذلك قيمة السيارة أغلى من قيمتها بالسوق الامريكية (حوالي 8 الف ريال ) ومنقوصة الموصفات

نظام الملاحة على سبيل المثال لن يتوفر الا لموديل 2012 وهذا مقلل من موديل 2011 ولا تنسى انه مع ذلك راح يزيد السعر اكثر من 150 الف ولاتستحق بأكثر من السعر الاخير ..

فئة السبورت حاليا غير متوفرة وما في منها إلا بطلب , رأيي إنك ما تشتري موديل هل السنة بحكم ان الوكيل ماجابها بكامل المواصفات وطالب فيها سعر اكثر من حقها ...

اتوكل على الله ولا تنسى الاستخارة ....

والله يكتب لك الي فية خير .....

وشكرا ....

انا اشوف اللون اللولوي اجمل مثلي وشوف الصوره الرمزيه طبعا انا اللي انطفت علي السياره وكتبت موضوع في المنتدى الحين السياره تمام اللي اعرفه السياره ماهي متوفره حاليا الا اذا انت عند خبر جديد ومبروك مقدما

الله يعطيكم العافية .... لا هنتو شباب

بالنسبة للون الأحمر .... أشوف أنه الأحلى على السبورت

وملفت ... بس ما أستغني عن نصائحكم

ياليت تعطوني الألوان الحلوة ( بس أبي البانوراما يبين )

وايش مميزات وعيوب السيارة

وعلى بلاطة أتوكل على الله وأخذها ولا ؟؟؟؟؟

العيوب ان السيارة حديثة في السوق وما يعرف لها في الصيانة الا الوكالة وما تقدر تحكم هل هي اعتمادية وقليلة اعطال او لا

بالنسبة للون الاحمر يعتمد هل هو احمر غامق مكتوم ؟ او احمر فاقع ( لون نسائي بيني وبينك ) واذا تبغى رايي ابعد عن الاحمر وفي الوان ثانية ممتازة زي الفضي واذا تبغى شي شبابي عندك الازرق

اخر شي بالنسبة للايدج السبورت ترى السيارة ثقيلة ودفع رباعي فما اظنها تنفع للسرعة والتسارع فاتوقع الليمتد افضل وفرق السعر خليه لبند الصيانة

وفي احد من الشباب في المنتدى اشترى السيارة واتعطلت عليه وهو طالع من الوكالة , شوف موضوعه واستفسر منه

نصيحة خذ لك لون ابيض لؤلؤي راح تندم اذا مااخذته ...

الله يوفقك لكن اتحفظ على اللون, احمر ...قول كلام غير هذا.

مبروووووك مقدما والنصيحة خذ لؤلؤي عشان ماتندم زيي ....

اللون الي انا ماخذة حلو ويعطيك منظر وخاصة بالليل ولكن مشكلتة في البانورما ما يبين بسهولة والسبب اللون الغامق و ارتفاع السيارة عن

الارض ...

وسالفة النافيقيشن انا ناوي اركب ولكن في الصيانة الجاية انشاءالله ....

وشكرا ...